ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ

- 021812 2017 - ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ
- Untitled design - ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ

ຄົນທີ່ນອນຫລາຍເກີນໄປ ຫລື ນອນໜ້ອຍເກີນໄປ ມີໂອກາດເພີ່ມຄວາມສ່ຽງທີ່ຈະເປັນພະຍາດເບົາຫວານ ເຊິ່ງຜົນວິໄຈພົບວ່າ : ຄົນທີ່ບໍ່ໄດ້ນອນຄືນລະ 7 – 8 ຊົ່ວໂມງ ມີທ່າອ່ຽງສູງຂຶ້ນ 2,5 ເທົ່າທີ່ຈະມີນຳ້ຕານໃນເລືອດສູງຜິດປົກກະຕິ ເຊິ່ງກ່ຽວພັນກັບພະບາດເບົາຫວານ.

ນັກວິໄຈເຊິ່ງສຶກສາພຶດຕິກຳຂອງອາສາສະໝັກ 276 ຄົນ ເປັນເວລາ 6 ປີ ບອກວ່າ : ຍັງບໍ່ຮູ້ວ່າເປັນຫຍັງຈຶ່ງເປັນແບບນັ້ນໄດ້.

ວຽກງານວິໄຈເຊິ່ງຕີພິມໃນວາລະສານ Sleep Medicine ແນະນຳວ່າ : ການນອນຫລັບມື້ລະ 7 – 8 ຊົ່ວໂມງຕໍ່ຄືນຖືເປັນຈຳນວນທີ່ເໝາະສົມສຳລັບຜູ້ໃຫຍ່ໃນການປ້ອງກັນພະຍາດຕ່າງໆ ແລະ ການເສຍຊີວິດກ່ອນໄວອັນຄວນ.

ນັກວິທະຍາສາດບອກວ່າ : ບໍ່ຮູ້ສາເຫດຂອງເລື່ອງນີ້, ແຕ່ຜົນການສຶກສາກ່ອນໜ້ານີ້ສະແດງໃຫ້ເຫັນຄວາມກ່ຽວຂ້ອງລະຫ່ວາງແບບແຜນການນອນກັບພະຍາດຕຸ້ຍ, ພະຍາດຫົວໃຈຮ່ວມຫລອດເລືອດແລະອັດຕາການເສຍຊີວິດ.  ຄວາມຕຸ້ຍມີສ່ວນກ່ຽວຂ້ອງກັບພະຍາດເບົາຫວານ, ແຕ່ໂອກາດສ່ຽງທີ່ຈະເພີ່ມຂຶ້ນຕໍ່ເບົາຫວານເນື່ອງຈາກນິໄສໃນການນອນນັ້ນກໍຍັງຄົງມີຢູ່ ເຖິງວ່າຈະໄດ້ຕັດປັດໄຈເລື່ອງຄວາມຕຸ້ຍອອກໄປແລ້ວ.

ວຽກງານວິໄຈກ່ອນໜ້ານີ້ລະບຸວ່າ : ການອົດນອນອາດລົບກວນການຜະລິດຮໍໂມນທີ່ຄວບຄຸມການຢາກອາຫານທີ່ມີກາລໍຣີຫລາຍ, ຄວາມຫິວ ແລະ ການໃຊ້ພະລັງງານ.

- Wave100S AD to Website 2020 0 - ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ

ນັກວິໄຈແອງເຈໂລ ເທຣມເລ ບອກວ່າ : ວຽກງານວິໄຈນີ້ເປັນການສຶກສາຢ່າງຕໍ່ເນື່ອງກ່ຽວກັບຄວາມກ່ຽວຂ້ອງກັນລະຫ່ວາງໄລຍະເວລາການນອນກັບຄວາມສ່ຽງຕໍ່ພະບາດເບົາຫວານ ຄວາມສ່ຽງນີ້ຍັງຄົງມີຄວາມສຳຄັນ ເຖິງວ່າຈະຕັດປັດໄຈເລື່ອງດັດຊະນີມວນກາຍກັບເສັ້ນຮອບແອວມາຮ່ວມພິຈາລະນານຳແລ້ວ ຄຳແນະນຳກໍຄື ເຮົາຄວນນອນໃຫ້ເຕັມຕື່ນ, ແຕ່ສຳລັບບາງຄົນກໍເຮັດໄດ້ຍາກ.

ວຽກງານສຳຫລວດຫລາຍເທື່ອພົບວ່າ : ຜູ້ຄົນກຳລັງໃຊ້ເວລາກັບການນອນຫລັບໜ້ອຍລົງ, ຄົນອັງກິດໄວຜູ້ໃຫຍ່່ ປະມານ 1 ໃນ 3 ມັກນອນຄືນລະ 5 ຊົ່ວໂມງ ຫລື ໜ້ອຍກ່ວານັ້ນ ໂດຍທີ່ໄລຍະເວລາການນອນທີ່ເໝາະສົມທີ່ສຸດ ໂດຍສະເລ່ຍແມ່ນ 7 ຊົ່ວໂມງ.

- WhatsApp Image 2020 05 27 at 5 - ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ
- WhatsApp Image 2020 05 27 at 5 - ນອນຫລາຍ ຫລື ນອນໜ້ອຍເກີນໄປສ່ຽງເປັນພະຍາດເບົາຫວານ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!