ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້

- 031812 2017 - ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້
- Untitled design - ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້

ນັກຈຸລະຊີບວິທະຍາ ທ່ານ Charles Gerba ເປີດເຜີຍວ່າ : ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້ແມ່ນແປງຖູແຂ້ວ ໂດຍສະເພາະຖ້າແປງຖູແຂ້ວນັ້ນວາງໄວ້ໃກ້ກັບຊັກໂຄກຫລາຍເກີນໄປ ເພາະເວລາທີ່ທ່ານກົດຊັກໂຄກ ຂະນະທີ່ເປີດຝາປະໄວ້ ລະອອງສິ່ງເປິເປື້ອນຈະຟົ້ງອອກຈາກຊັກໂຄກໄປຕິດຕາມພື້ນຜິວທຸກຢ່າງໃນຫ້ອງນຳ້ ແລະ ບໍ່ສະເພາະແຕ່ລະອອງຈາກຊັກໂຄກເທົ່ານັ້ນ, ແຕ່ທຸກເທື່ອທີ່ຖູແຂ້ວກໍຈະມີເສດອາຫານ, ແບັກທີເຣຍ, ຄາບເລືອດ ແລະ ນຳ້ລາຍຕິດມາກັບແປງຖູແຂ້ວ ເຊິ່ງຫາກບໍ່ເຮັດຄວາມສະອາດດີໆຫລັງຖູແຂ້ວ ສິ່ງເປິເປື້ອນ ແລະ ເຊື້ອພະຍາດກໍຈະກັບເຂົ້າສູ່ຮ່າງກາຍໄດ້ອີກເທື່ອໜຶ່ງເມື່ອຖູແຂ້ວໃນເທື່ອຕໍ່ໄປ.

ດ້ານ Dr. Tom Glass ແພດຜູ້ຊ່ຽວຊານດ້ານພະຍາດໃນຜົ້ງປາກຈາກມະຫາວິທະຍາໄລໂອກ ລາໂຮມ່າ ບອກວ່າ : ແປງຖູແຂ້ວແຕ່ລະອັນມີຈຸລິນຊີຢ່າງໜ້ອຍ 10 ລ້ານໂຕ ເຊິ່ງລວມເຖິງໄວຣັສໄຂ້ຫວັດໃຫຍ່, ສະເຕຣັບໂຕຄັອກຄັສ, ສະຕາຟີໂລຄັອກຄັສ ຍັງບໍ່ນັບລວມແບັກທີເຣຍອີກຫລາຍຊະນິດທີ່ເປັນສາເຫດຂອງພະຍາດເຫືອກ ແລະ ຫີນປູນ. ນອກຈາກນີ້, ແປງຖູແຂ້ວຍັງເປັນແຫ່ລງປະສົມພັນທີ່ດີຂອງຈຸລິນຊີຕ່າງໆທີ່ສາມາດລອດຊີວິດໄດ້ຫລາຍມື້ຈາກເສດອາຫານ ແລະ ນຳ້ລາຍທີ່ຕິດຕາມແປງຖູແຂ້ວ.

- Wave100S AD to Website 2020 0 - ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້

ລາຍງານຍັງມີຄຳແນະນຳວິທີເຮັດໃຫ້ແປງຖູແຂ້ວຫ່າງໄກຈາກແບັກທີເຣຍຫລາຍທີ່ສຸດ ດັ່ງນີ້ :

  1. ຢ່າວາງແປງຖູແຂ້ວໄວ້ໃກ້ກັບຊັກໂຄກຫລາຍເກີນໄປ.
  2. ຢ່າໃຊ້ແປງຖູແຂ້ວຮ່ວມກັບຄົນອື່ນ, ພະຍາຍາມມ້ຽນແປງຖູແຂ້ວຂອງສະມາຊິກໃນຄອບຄົວ ໃຫ້ຫ່າງໄກກັນຢ່າງໜ້ອຍ 2 – 3 ຊັງຕີແມັດ ເພື່ອບໍ່ໃຫ້ເຊື້ອພະຍາດຕິດຕໍ່ເຖິງກັນ.
  3. ລ້າງແປງຖູແຂ້ວໃຫ້ສະອາດຫລັງໃຊ້ ປ່ອຍໃຫ້ແຫ້ງກ່ອນໃນຕຳແໜ່ງຫົວແປງຊີ້ຂຶ້ນຟ້າ ເຊິ່ງຈະປ້ອງກັນບໍ່ໃຫ້ແບັກທີເຣຍປະສົມພັນກັນໄດ້ງ່າຍຫລາຍ ແລະ ຢ່າມ້ຽນໄວ້ໃນພາຊະນະທີ່ອັບຊຸ່ມ.
  4. ປ່ຽນແປງຖູແຂ້ວທຸກເທື່ອ ຫລັງເປັນໄຂ້ຫວັດ.
  5. ພະຍາຍາມໃຊ້ນຳ້ຢາບ້ວນປາກກ່ອນຖູແຂ້ວ ເຊິ່ງຈະຫລຸດຈຳນວນແບັກທີເຣຍທີ່ຕິດໄປກັບແປງຖູແຂ້ວລົງໄດ້.
  6. ປ່ຽນແປງຖູແຂ້ວໃໝ່ທຸກໆ 3 – 4 ເດືອນ ຫລື ປ່ຽນໄວກ່ວານັ້ນ ຫາກຂົນແປງຖູແຂ້ວເລີ່ມບານອອກແລ້ວ.
- WhatsApp Image 2020 05 27 at 5 - ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້
- WhatsApp Image 2020 05 27 at 5 - ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນຳ້
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!