5 ນິໄສຂອງຄົນທີ່ຈະກ້າວໜ້າໄວ

- 011812 2017 - 5 ນິໄສຂອງຄົນທີ່ຈະກ້າວໜ້າໄວ
- Untitled design - 5 ນິໄສຂອງຄົນທີ່ຈະກ້າວໜ້າໄວ

ຫາກທ່ານຄິດຈະໃຊ້ເວລາ 5 – 10 ປີທຳອິດສຳລັບລອງຜິດລອງຖືກໃນການເຮັດວຽກ ລອງອ່ານເຄັດລັບຈາກຄົນທີ່ມີຄວາມ ກ້າວໜ້າ ແລະ ປະສົບຄວາມສຳເລັດໃນໂລກການເຮັດວຽກຕໍ່ໄປນີ້ ແລະ ນີ້ແມ່ນພາກສ່ວນໜຶ່ງຈາກໜັງສື Are You Fully Charged? ຈາກ ທ່ານ ທັອມ ແຣດ.

  1. ໃຊ້ເວລາ 80% ໄປກັບການເບິ່ງໂລກໃນແງ່ດີ : ມີວຽກງານວິໄຈຫລາຍເທື່ອທີ່ສຶກສາເຖິງປະຕິກິລິຍາຮ່າງກາຍເມື່ອເຮົາຄິດໃນດ້ານບວກ ແລະ ດ້ານລົບ ປະກົດວ່າ : ເມື່ອໃດທີ່ເຮົາຕ້ອງພົບກັບສິ່ງທີ່ເຮັດໃກ້ເກີດປະຕິກິລິຍາໃນດ້ານລົບ ບໍ່ວ່າຈະເປັນການວິພາກວິຈານ ຫລື ຖືກປະຕິເສດ ລະດັບຮໍໂມນຄໍຕິໂຊນ ເຊິ່ງເຮັດໃຫ້ຮ່າງກາຍຕົກຢູ່ໃນຄວາມເຄັ່ງຄຽດຈະເພີ່ມຂຶ້ນ ແລະ ສົ່ງຜົນໃຫ້ລະບົບການຄິດຖືກປິດກັ້ນກະຕຸ້ນໃຫ້ກົນໄກປົກປ້ອງໂຕເອງເຮັດວຽກແທນ ກົງກັນຂ້າມ, ໃນຂະນະທີ່ເມື່ອຮ່າງກາຍມີປະຕິກິລິຍາຕອບກັບໃນທາງບວກຈະຊ່ວຍກະຕຸ້ນການຫລັ່ງອັອກຊິໂທຊິນ ເຊິ່ງເປັນຮໍໂມນທີ່ເຮັດໃຫ້ຮູ້ສຶກດີ, ຊ່ວຍເພີ່ມຄວາມສາມາດໃນການສື່ສານ, ການເຮັດວຽກຮ່ວມກັບຜູ້ອື່ນ ແລະ ຄວາມໄວ້ວາງໃຈຜູ້ອື່ນແທນ. ດັ່ງນັ້ນ ເຮັດແນວໃດຈຶ່ງຈະຮັບພະລັງ ດ້ານບວກໃຫ້ຫລາຍເວລາຢູູ່ບ່ອນເຮັດວຽກ ? ຫາກຕ້ອງມີການໂຕ້ຖຽງຫາຂໍ້ສະຫລຸບ ໃຫ້ໃຊ້ເວລາສ່ວນຫລາຍກັບການເວົ້າເຖິງສິ່ງທີ່ກຳລັງເຮັດຢູ່ ແລະ ໃຊ້ເວລາສ່ວນທີ່ເຫລືອບໍ່ຫລາຍເວົ້າເຖິງສິ່ງທີ່ຍັງຂາດຕົກບົກພ່ອງ.
  2. ຖືຫລັກການໄວ້ໃຈສະເໝີ : ທຸກມື້ທີ່ມາເຮັດວຽກ ຂໍໃຫ້ທ່ານຄິດເຖິງເຫດຜົນວ່າເປັນຫຍັງທ່ານຈຶ່ງຍັງເຮັດສິ່ງທີ່ຍັງຄົງເຮັດຢູ່ທຸກມື້ນີ້ໄວ້ໃນໃຈ ພຽງເທົ່ານີ້ທ່ານກໍສາມາດສ້າງສັກກະຍະພາບໃນການເຮັດວຽກແຕ່ລະມື້ໄດ້ແລ້ວ.
  3. ອັດຕາສ່ວນ 45/15 ຂອງ 1 ຊົ່ວໂມງ : ໂຕຢ່າງກໍລະນີຢູ່ໃນຫ້ອງຮຽນຂອງໂຮງຮຽນແຫ່ງໜຶ່ງທີ່ອາຈານແບ່ງເວລາໃນຫ້ອງຮຽນສຳລັບຮຽນ 45 ນາທີ ແລະ ອີກ 15 ນາທີ ໃຫ້ນັກຮຽນໄດ້ພັກຜ່ອນ ປະກົດວ່າ : ຫລັງຈາກ 15 ນາທີຜ່ານໄປ ນັກຮຽນທີ່ກັບເຂົ້າມາຮຽນອີກເທື່ອໜຶ່ງສາມາດຮຽນຮູ້ສິ່ງຕ່າງໆໄດ້ດີຂຶ້ນ ວິທີນີ້ສາມາດເອົາມາປັບໃຊ້ໃນການເຮັດວຽກກໍໄດ້ ທ່ານອາດລອງພັກຜ່ອນຈາກວຽກທີ່ເຮັດຢູ່ໃນໄລຍະເວລາສັ້ນໆເພື່ອເປັນການຕື່ມພະລັງງານໃຫ້ໂຕເອງກ່ອນກັບມາລຸຍວຽກຕໍ່.
  4. ຕັ້ງຄຳຖາມເພື່ອປິດສາກການສົນທະນາ : ສຳລັບບາງການເລີ່ມຕົ້ນສົນທະນາກັບຄົນອື່ນອາດບໍ່ແມ່ນເລື່ອງງ່າຍວິທີ່ສະຫລາດ ແລະ ນຽນທີ່ສຸດແມ່ນການຕັ້ງຄຳຖາມດີໆຈັກຂໍ້ ແລ້ວຕັ້ງໃຈຟັງສິ່ງທີ່ຝ່າຍກົງຂ້າມຕອບ ຢ່າງໜ້ອຍວິທີນີ້ກໍຊ່ວຍຫລຸດຄວາມກົດດັນລົງ ຢ່າລືມວ່າຄົນເຮົາທຸກຄົນມັກເວົ້າເຖິງໂຕເອງ ເລື່ອງນີ້ນັກວິທະຍາສາດອະທິບາຍວ່າ : ການເວົ້າເຖິງຄວາມຮູ້ສຶກ ແລະ ຄວາມຄິດຂອງໂຕເອງຂອງຄົນປຽບເປັນການໃຫ້ລາງວັນກັບສະໝອງ ທຽບເທົ່າກັບການໄດ້ກິນອາຫານ ຫລື ໄດ້ເງິນ.

5. ກົດປຸ່ມພັກຜ່ອນກ່ອນຈະໂຕ້ຕອບ : ຍ້ອນເຕັກໂນໂລຊີ ເຮັດໃຫ້ການສື່ສານເປັນໄປຢ່າງໄວວາ, ທາງທີ່ດີທ່ານຄວນຕັ້ງປຸ່ມກົດພັກຜ່ອນ “pause” ໄວ້ໃນໃຈ ກ່ອນຈະເວົ້າ ຫລື ພິມສິ່ງໃດເພື່ອໂຕ້ຕອບຝ່າຍກົງຂ້າມ, ຄວນຢຸດປະເມີນ ຫລື ຕີລາຄາໃຫ້ດີກ່ອນວ່າສິ່ງທີ່ຄິດນັ້ນມີເຫດຜົນພຽງພໍຫລືບໍ່ ຫລື ຢ່າງໜ້ອຍກໍເປີດໂອກາດໃຫ້ສະໝອງໄດ້ພິຈາລະນາອີກເທື່ອໜຶ່ງວ່າປະຕິກິລິຍາທີ່ເຮົາຕອບກັບຝ່າຍກົງຂ້າມນັ້ນເໝາະສົມຫລືຍັງ.

- Wave100S AD to Website 2020 0 - 5 ນິໄສຂອງຄົນທີ່ຈະກ້າວໜ້າໄວ
- WhatsApp Image 2020 05 27 at 5 - 5 ນິໄສຂອງຄົນທີ່ຈະກ້າວໜ້າໄວ
- WhatsApp Image 2020 05 27 at 5 - 5 ນິໄສຂອງຄົນທີ່ຈະກ້າວໜ້າໄວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!