ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ

- 99247539  99245123 2df7cfa2 d12f 4b53 aa24 7cb49895a226 1 - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ
- Untitled design - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ

ອາ​ເມ​ລິ​ກາ ​ແລະ ຣັດ​ເຊຍ​ເປີດ​ເຜີຍ​ກົງ​ກັນ​ວ່າ: ອາ​ເມ​ລິ​ກາ​ໄດ້​ແຈ້ງ​ຂ່າວ​ລັບ​ໃຫ້ຣັດ​ເຊຍ ​ເຮັດ​ໃຫ້​ສາມາດ​ສະກັດ​ແຜນການ​ວາງ​ລະ​ເບີດ​ຢູ່​ນະຄອນ​ເຊ​ນປີ​ເຕີ​ສ​ເບິ​ກ ​ເມືອງ​ໃຫຍ່​ອັນ​ດັບ​ສອງ​ຂອງຣັດ​ເຊຍ.

- 99247541  99243828 mediaitem99243826 - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ

ທຳນຽບປະທານາທິບໍດີຣັດ​ເຊຍ ຖະ​ແຫລ​ງວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ ​ໄດ້​ໂທລະສັບ​ເຖິງ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ​ໃນ​ວັນ​ທີ 17 ທັນວາ ຂອບ​ໃຈ​ເລື່ອງ​ທາງ​ການ​ອາ​ເມ​ລິ​ກາ​ແຈ້ງ​ເບາະ​ແສ​ຊ່ວຍ​ໃຫ້​ສາມາດ​ສະກັດ​ແຜນ​ວາງ​ລະ​ເບີດ​ຢູ່​ວິຫານ​ຄາ​ຊານ​ສກີ ​ໃນ​ນະຄອນ​ເຊ​ນປີ​ເຕີ​ສ​ເບິ​ກ ​ເຊິ່ງ​ເປັນ​ແຫ​ລ່ງທ່ອງ​ທ່ຽວ​ຍອດ​ນິຍົມ ​ແລະ ອີກ​ຫລາຍ​ສະຖານ​ທີ່​ໃນ​ເມືອງ​ນີ້, ສ່ວນ​ທຳນຽບຂາວ​ອາ​ເມ​ລິ​ກາ​ບໍ່​ໄດ້​​ໃຫ້​ລາຍ​ລະອຽດ​ແຜນ ​ແຕ່​ລະບຸ​ວ່າ: ການ​ກໍ່​ການ​ຮ້າຍ​ອາດ​ເຮັດ​ໃຫ້​ມີ​ຜູ້​ເສຍ​ຊີວິດ​ຈຳນວນ​ຫລາຍ. ທຳນຽບປະທານາທິບໍດີ​ທັງ​ສອງ​ແຫ່ງ​ຖະ​ແຫລ​ງກົງກັນ​ວ່າ: ການ​ແຈ້ງ​ເຕືອນ​ດັ່ງກ່າວ​ຊ່ວຍ​ໃຫ້​ເຈົ້າໜ້າ​ທີ່​ຈັບ​ກຸມ​ຜູ້​ຕ້ອງ​ສົງ​ໄສ​ໄດ້​ກ່ອນ​ລົງມື​ກໍ່​ເຫດ. ຖື​ເປັນຄັ້ງທີ 2 ​ໃນ​ຮອບ​ອາທິດ​ທີ່​ຜູ້ນຳ​ສອງ​ປະ​ເທດ​ມະຫາ​ອຳນາດ​ສົນທະນາ​ທາງ​ໂທລະສັບ ພາຍຫລັງ​ຫາກໍ​ສົນທະນາ​ກັນ​ໃນ​ວັນ​ທີ 14 ທັນວາ ຄັ້ງນັ້ນຫາລື​ເລື່ອງ ສປປ ​ເກົາຫລີ.

- Wave100S AD to Website 2020 0 - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ

ສື່ຣັດ​ເຊຍ​ລາຍ​ງານ​ໃນ​ອາທິດ​ກ່ອນ​ວ່າ: ສຳນັກງານ​ຄວາມ​ໝັ້ນຄົງ​ກາງ​ໄດ້​ຄວບ​ຄຸມ​ຕົວ​ກຸ່ມ​ລັດ​ອິດສະ​ລາມ (IS) ສອງ​ຄົນ ທີ່​ຈະລະ​ເບີດ​ຂ້າ​ຕົວ​ຕາຍ​ຢູ່​ວິຫານ​ຄາ​ຊານ​ສກີ​ໃນ​ວັນ​ທີ 16 ທັນວາ. ນະຄອນ​ເຊ​ນປີ​ເຕີ​ສ​ເບິ​ກ​ເຄີຍ​ຕົກ​ເປັນ​ເປົ້າໝາຍ​ກໍ່​ເຫດ​ຂອງ​ກຸ່ມ​ຕິດ​ອາວຸດ​ ດ້ວຍ​ການວາງ​ລະ​ເບີດ​ລົດ​ໄຟ​ໃຕ້​ດິນ​ໃນ​ເດືອນ​ເມສາ ມີ​ຜູ້​ເສຍ​ຊີວິດ 14 ຄົນ ທາງ​ການຣັດ​ເຊຍ​ຄວບ​ຄຸມ​ຕົວ​ຜູ້​ຕ້ອງ​ສົງ​ໄສ​ຫລາຍ​ຄົນ​ທີ່​ມາ​ຈາກ​ປະ​ເທດ​ໃນ​ອາຊີ​ກາງ​ທີ່​ເປັນ​ອະດີດ​ປະ​ເທດ​ບໍລິວານ​ສະຫະພາບ​ໂຊ​ວຽດ.

- WhatsApp Image 2020 05 27 at 5 - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ
- WhatsApp Image 2020 05 27 at 5 - ອາເມລິກາແຈ້ງໜ່ວຍຂ່າວລັບຣັດເຊຍ ຊ່ວຍສະກັດກັ້ນເຫດລະເບີດ ຢູ່ເຊນປີເຕີສເບິກ
error: Alert: ເນື້ອຫາຂ່າວມີລິຂະສິດ !!