ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ

- erdogan reuters 1513552499790 juik - ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ
- Untitled design - ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ

ຕວກກີ​ຈະ​ເປີດສະຖານທູດ​ຢູ່​ເຢລູຊາ​ເລ​ມຕາ​ເວັນ​ອອກ. ນີ້​ຖື​ວ່າ​ແມ່ນ​ການ​ກະທຳ​ຄັດຄ້ານ​ຂໍ້​ຕົກລົງ​ຂອງ​ອາ​ເມ​ລິ​ກາ​ທີ່​ຮັບຮອງ​ເຢລູຊາ​ເລ​ມ​ເປັນ​ນະຄອນຫລວງ​ຂອງ​ອິດສະ​ລາ​ແອນ.

- Wave100S AD to Website 2020 0 - ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ

ວັນ​ທີ 17 ທັນວາ​ນີ້, ​ໃນ​ບົດ​ກ່າວ​ປາ​ໄສ, ທ່ານ​ປະທານາທິບໍດີ​ຕວກກີ ຣີ​ເຊບ ທາຍ​ຍິບ ​ເອີ​ໂດ​ກັນ ສືບ​ຕໍ່​ຕຳໜິຕິຕຽນ​ຂໍ້​ຕົກລົງ​ຂອງ​ອາ​ເມ​ລິ​ກາ​ກ່ຽວ​ກັບ​ເລື່ອງ​ຮັບຮອງ​ເຢລູຊາ​ເລ​ມ​ເປັນ​ນະຄອນຫລວງ​ຂອງ​ອິດສະ​ລາ​ແອນ​ຢ່າງ​ຂ້ຽວຂາດ ​ແລະ ຖະ​ແຫລ​ງວ່າ: ປະ​ເທດ​ນີ້​ຈະ​ເປີດ​ສະຖານທູດ​ຢູ່​ເຢລູຊາ​ເລ​ມຕາ​ເວັນ​ອອກ.

ອິດສະ​ລາ​ແອນ​ຢຶດຄອງ​ພາກ​ເໜືອ​ເຢລູຊາ​ເລ​ມ​ໃນ​ສົງຄາມ​ປີ 1967 ​ແລະ ປີ 1980 ​ໄດ້​ຖະ​ແຫລ​ງ​ແຕ່​ຝ່າຍ​ດຽວ​ວ່າ: ທົ່ວ​ນະຄອນ​ແມ່ນ​ນະຄອນຫລວງ​ຂອງ​ອິດສະ​ລາ​ແອນ ​ໂດຍ​ບໍ່​ຫົວຊາ​ຕໍ່​ການ​ຄັດຄ້ານ​ຈາກ​ວົງ​ຄະນາ​ຍາດ​ສາກົນ. ວັນ​ທີ 6 ທັນວາ, ທ່ານປະທານາທິບໍດີ​ອາ​ເມ​ລິ​ກາ ​ໂດນ​ັນ ທຣຳ ຖະ​ແຫລ​ງຮັບຮອງ​ເຢລູຊາ​ເລ​ມ​ເປັນ​ນະຄອນຫລວງ​ຂອງ​ອິດສະ​ລາ​ແອນ. ການ​ກະທຳ​ດັ່ງກ່າວ​ຖືກ​ຄັດຄ້ານ​ຢ່າງ​ແຮງ​ຈາກ​ທົ່ວ​ທຸກ​ເຂດ​ແຄວ້ນ​ຂອງ​ປາ​ແລັດ​ສະຕິ​ນ ​ແລະ ບັນດາ​ປະ​ເທດ​ອາຣັບ ກໍ​ຄື​ການ​ຕິຕຽນ​ຢ່າງ​ຂ້ຽວຂາດ​ຈາກ​ຫລາຍ​ປະ​ເທດ​ໃນ​ໂລກ. ນີ້​ແມ່ນ​ບາດກ້າວ​ອັນຕະລາຍ​ຕໍ່​ວິວັດທະນາ​ການ​ສັນຕິພາບ​ຢູ່​ຕາ​ເວັນ​ອອກ​ກາງ.

- WhatsApp Image 2020 05 27 at 5 - ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ
- WhatsApp Image 2020 05 27 at 5 - ຕວກກີ ຈະເປີດສະຖານທູດ ຢູ່ເຢລູຊາເລມຕາເວັນອອກ
error: Alert: ເນື້ອຫາຂ່າວມີລິຂະສິດ !!