ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ

- soubinh tailor - ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ
- Untitled design - ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ

ສຸບິນ​​​ແຟຊັ້ນ, ​ເປັນ​ຮ້ານ​ຕັດ​ເຄື່ອງ​ທີ່ມີ​ຊື່​ສຽງອີກ​ແຫ່ງໜຶ່ງ​ໃນລາວ, ຊິ່ງ​ໃນ​ແຕ່​ລະ​ມື້​ມີ​ລູກ​ຄ້າ​ເຂົ້າ​ມາ​ໃຊ້​ບໍລິການ​ບໍ່​ຂາດ​ສາຍ, ທ່ານ ສຸບິນ ຫລວງ​ລາ​ດ ​​ເຈົ້າ​ຂອງ​ທຸລະ​ກິດ​ຕັດ​ເສື້ອ​ຜ້າດັ່ງກ່າວ​ໄດ້ໃຫ້ສໍາພາດ​ນັກ​ຂ່າວ​ລາວ​ພັດທະນາ​ວ່າ: ການ​ທີ່​ໄດ້​ຮັບ​ຄວາມ​ໄວ້​ວາງ​ໃຈ​ຈາກ​ລູກ​ຄ້າ​ນັ້ນ, ນອກ​ຈາກ​ດ້ານ​ສີ​ມື ​ແລະ ​ຜະລິດ​ຕະພັນ​​ແລ້ວ, ​ທາງ​ຮ້ານ​ຍັງເນັ້ນ​ຄວາມ​ຈິງ​ໃຈ ແລະ ຄວາມ​ສັ​ດຊື່ເປັນສໍາຄັນ,  ພ້ອມທັງ​ນຳ​ໃຊ້​ຜ້າ​ແພ​ທີ່​ມີ​ຄຸນ​ນະພາ​ບຈາ​ກຫລາຍປະເທດຄື: ອິນ​ເດຍ, ອີ​ຕາ​ລີ​ໄທ ແລະ ອື່ນໆ ​ເພື່ອ​ໃຫ້​ຜະລິດ​ຕະພັນ​ອອກ​ມາ​ມີ​ຄຸນນະ​ພາບ ​ແລະ ​ຖືກ​ໃຈ​ລູກ​ຄ້າທີ່​ຕ້ອງການ.

ທ່ານ​ ສຸບິນ ໃຫ້ຮູ້​ວ່າ: ພາຍຫລັງ​ໄດ້​ຮັບ​ຄວາມ​ເຊື່​​ອຖື​ດັ່ງກ່າວ, ມາຮອດປັດຈຸ​ບັນຈຶ່ງໄດ້​ຂະຫຍາຍ​ຈິດ​ຈະ​ການ​ອອກ​ເປັນ 3 ​ສາຂາ​ຄື: ສາຂາສີຫ​​ອມ, ສາຂາ​​ບ້ານ​ນາ​ຄຳ, ສາຂາ​​​ວຽງຈັນ​ເຊັນ​​ເຕີ ​​ແລະ ​ກຽມ​ຈະ​ເປີດ​ສາຂາໃໝ່​ຢູ່​ບ້ານ​ຂົວ​ຫລວງ​ໃນ​ຕົ້ນ​ປີ 2018 ທີ່ຈະເຖິງນີ້, ​ເພື່ອ​ສາມາ​ດຕອບ​ສະໜອງ​ຄວາມ​ຕ້​​​ອງການ​ຂອງ​ລູກ​ຄ້າ​ໄດ້​ວ່ອງ​ໄວ ແລະ ​ສະດວກ​ສະບາຍ, ສະ​ເພາະ​ປີ 2017 ​ນີ້ມີ​ລູກ​ຄ້າ​ເຂົ້າ​ມາ​ໃຊ້​ບໍລິການຫລາຍ​ພັນ​ຄົນ, ​ມີ​ທັງ​ລູ​ກຄ້າ​ໃນ​ນະຄ​​ອນຫລວງ​ວຽງ​ຈັນ​ແລະ​ ຕ່າງ​ແຂວງ​, ໂດຍ​ສະ​ເພາະ​ບັນ​ດາ​ສຳນັກງານ​ອົງການ​ລັດ ​ແລະ ​ບໍລິສັ​ດ​ຕ່າ​ງໆ, ​ເຊິ່ງ​ເລ່ຍສະ​ເພາະການ​ຕັດ​ຊຸ​ດສາ​ກົນປີ 2017​ ບັນລຸໝື່ນ​ກວ່າ​ຊຸດ ​ແລະ​ຍັງ​ມີ​ລູກ​ຄ້າ​ນໍາ​ສະ​ເໜີ​ແບບ​​ເຄື່ອງ​ໃໝ່​ມາຈຳນວນ​ບໍ່​ໜ້​ອຍ ​ແລະ ​ຮ້ານກໍ່​ສາມາ​ດ​​​ເຮັ​ດ​ໄດ້​ຕາມ​ລູກ​ຄ້າ.

ທ່ານ ຄຳ​ ປະຊາຊົນ​ບ້ານ​ໜ​ອງ​ແຕ່ງ, ຊຶ່ງ​​ເປັນ​ລູກ​ຄ້າ​ປະຈຳ​​ໃຫ້​ຄຳ​ຍົກ​ຍ້ອງ​ວ່າ: ຕົນ​ເອງ​​ມາ​ໃຊ້​ບໍລິການ​ຕັ​ດ​ເຄື່ອງ​ນຳ​ຮ້ານ​ສຸບິນ​ເປັນ​​ເວລາຫລາຍ​ປີ​ແລ້ວ​ແລະ ຜະລິດ​ຕະພັນ​ທີ່​ຜະລິດ​ອອກ​ມາ​ແມ່ນ​ພໍ​ອົກ​ພໍ​ໃຈຫລາຍ, ບໍ່ວ່າດ້ານ​ຮູບ​ແບບ ​ແລະ ສີສັນ​, ​ນຸ່ງ​ໄປດົນປານ​ໃດ​ກໍ່​ບໍ່ຮູ້ສຶກ​ເປັນຕາ​ໜ້າ​ເບື່ອຄື​ດັ່ງ​ເຄື່ຶອງນຸ່ງ​ສຳ​ເລັດ​ຮູບ​ທີ່​ຊື້​ຈາກ​ຕະຫລາດທົ່ວໄປ ​ແລະ ​ຫວັງ​ວ່າ​ປີ​ໃໝ່​ສາກົນ​ນີ້​ຕົນ​ເອງ​ກໍຈະ​ໄປ​ຕັດ​ຊຸດ​ແວັດ​ນຳ​ເພິ່ນ​ອີກ​ເພື່ອ​ເອົາໄວ້ນຸ່ງໄປຮ່ວມງານສະຫລອງສໍາຄັນຕ່າງໆ.

- Wave100S AD to Website 2020 0 - ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ
- WhatsApp Image 2020 05 27 at 5 - ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ
- WhatsApp Image 2020 05 27 at 5 - ສຸບິນ​​ແຟຊັນ​ ຮ້ານ​ຕັດ​ເຄື່ອງ​​ຄຸນ​ນະ​ພາບ​ຂອງ​ລາວ
error: Alert: ເນື້ອຫາຂ່າວມີລິຂະສິດ !!