ປີທ່ອງທ່ຽວລາວ ໄປຢ່າຄາ ມາຢ່າຂ້ອງ

- 11800003 966551700034254 8648377438755740300 n 1 - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ
- Untitled design - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ

ໃນໂອກາດປີທ່ອງທ່ຽວ ລາວ 2018 ທີ່ຈະມາເຖິງນີ້ ໃຜ ກໍມີຄວາມຫວັງວ່າຈະເຮັດທຸກວິທີ່ທາງເພື່ອໃຫ້ທ້ອງຖິ່ນ ຫລື ແຂວງຂອງຕົນມີລາຍຮັບເປັນ ກອບເປັນກຳບັນດາແຂວງທີ່ມີ ທ່າແຮງໃນດ້ານນີ້ກໍຍັງໄດ້ປຽບຖື ວ່າທຸກສິ່ງທຸກຢ່າງເຮົາກໍມີຄວາມ ພ້ອມ ແຕ່ຜູ້ຂຽນກໍຍັງໜັກໃຈຢູ່ ບ່ອນວ່າ: ຖ້າຢາກໄດ້ຕາມແຜນ ທີ່ໄດ້ຄາດກະເອົາໄວ້ນັ້ນ, ມັນກໍ ຕ້ອງຂຶ້ນ ກັບ ຫລາຍປັດໄຈ, ເປັນຕົ້ນນັບແຕ່ການໄປການມາ, ການ ຢູ່ການກິນ,ການຈຳໜ່າຍສິນຄ້າ ຕະຫລອດເຖິງການບໍລິການ ດ້ານຕ່າງໆ ທີ່ປິ່ນອ້ອມ. ເວົ້າ ແຈ້ງອັນໂຕທີ່ເປັນປັດໄຈກວມ ລວມກວ່າໝູ່ນັ້ນອາດຈະເຮັດຄື ຕຳລາບູຮານເພິ່ນເຄີຍເວົ້າວ່າ: ໄປຢ່າຄາ ມາຢ່າຂ້ອງ ຫລື ຖ້າຈະ ເວົ້າປະໂຫຍດໃຫ້ແຈ້ງອີກແບບໜຶ່ງກໍແມ່ນໄປບໍ່ໃຫ້ຄາມາບໍ່ໃຫ້ ຂ້ອງກໍຖືວ່າພວກເຮົາ ເຮັດໄດ້ດີ ຕາມແຜນທີ່ໄດ້ຄາດກະ,ຕາມຜູ້ ຂຽນວ່າ, ໃນປະໂຫຍກທີ່ກ່າວມາ ຂ້າງເທິງນີ້ມັນກໍມີ ຄວາມໝາຍ ແລະ ທັງມີການພົວພັນເຖິງນະ ໂຍບາຍສາມເປີດດັ່ງທີ່ ທ່ານ ນາ ຍົກ ລັດຖະມົນຕີ ທອງລຸນ ສີສຸລິດ ວ່າຄື: ອັນທີໜຶ່ງແມ່ນເປີດປະຕູ, ສອງແມ່ນເປີດສິ່ງກີດຂວາງ, ສາມເປີດໃຈ. ໃນສາມເປີດນີ້ມັນ ກໍມີຄວາມໝາຍຢູ່ວ່າປະຕູໃດທີ່ ມັນຈະເປັນສິ່ງອຸດຕັນ ອັດປ່ອງ ກໍຕ້ອງໄດ້ເປີດໃຫ້ການໄປມາ ໂລ່ງລ່ຽນ. ອັນທີສອງເປີດສິ່ງ ກີດຂວາງກໍໜາຍຄວາມວ່າ ບ່ອນ ໃດມີຮົ້ວຮາວ, ສິ່ງກີດຂວາງ, ກົດ ໜ່ວງຄວາມຫຍຸ້ງຍາກ ຫລື ທ້າ ທາຍພວກເຮົາກໍຕ້ອງໄດ້ກຳຈັດ ປັດເປົ່າໃຫ້ເປີດແປນຫລຽວໄປ ທາງໃດກໍໃຫ້ມັນແຈ້ງສະຫວ່າງ ຟັງມ່ວນໃນຫູ, ເບິ່ງກໍງາມໃນຕາ, ທຸກສິ່ງຢ່າງເບິ່ງອັນໃດມັນກໍໃສ ແຈ້ງປານເດືອນເພັງ 15 ຄ່ຳ. ສ່ວນວ່າເປີດອັນທີສາມນັ້ນກໍ ໝາຍຄວາມວ່າເປີດອົກເປີດໃຈ ຢ່າງປອດໃສຂາວສະອາດຕໍ່ ແຂກຕ່າງດ້າວ, ທ້າວຕ່າງແດນ ທີ່ໄດ້ເຂົ້າມາທ່ອງທ່ຽວຫລືມາ ລົງທຶນຫາຢູ່ຫາກິນ ຢູ່ເມືອງລາວ, ບໍ່ສ້າງອະຄະຕິຈຳແນກບ້ານ ເພິ່ນ ບ້ານໂຕ, ບ້ານເຈົ້າບ້ານຂ້ອຍ. ແຂກໄປໄທມາໄດ້ກິນເຂົ້າເຊົາ ເຮືອນ, ໄປບ້ານເພິ່ນໄດ້ກິນປາ, ມາບ້ານເຮົາໄດ້ກິນເຂົ້າ, ມີ ຄວາມ ອົບອຸ່ນ ແລະ ສະຫງົບປອດໄພ ປານພີ່ນ້ອງໄດ້ມາຢື້ຢາມຖາມ ຂ່າວ. ເມື່ອເພິ່ນກັບເມືອບ້ານກໍ ຍັງຄິດເຖິງສະເໜ່ຂອງເມືອງ ລາວ, ຄົນລາວທີ່ມີອັດທະໄສໄມ ຕີມີຄວາມຜູກພັນກົມກຽວ ແໜ້ນໜຽວປານປ່ຽງເຜິ້ງ. ເມື່ອກັບ ເມືອເຖິງບ້ານເຖິງເຮືອນແລ້ວກໍ ຍັງຄິດຮອດຄິດເຖິງ ແລະ ຢາກ ກັບຄືນມາທ່ອງທ່ຽວອີກ.

- maxresdefault 3 - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ
(ພາບປະກອບ)

+ ທ່ຽວຄຳມ່ວນດິນແດນວິລະຊົນ

+ ປີທ່ອງທ່ຽວຕ້ອງຄົບເຄື່ອງດ້ວຍນ້ຳໃສໄຟສະຫວ່າງທາງດີ

ຕາມຜູ້ຂຽນວ່າ, ຕະຫລອດ 40 ກວ່າປີຜ່ານມາໃນ ພາລະກິດ ສ້າງສາ ແລະ ພັດທະນາປະເທດ ຊາດ,ພັກ ແລະ ລັດຖະບານເຮົາ ກໍໄດ້ວາງນະໂຍບາຍ ແລະ ເຮັດ ທຸກສິ່ງທຸກຢ່າງເພື່ອ ສ້າງພື້ນຖານເສດຖະກິດ-ສັງຄົມຂອງ ປະເທດ. ໃນນີ້ວຽກງານທ່ອງ ທ່ຽວກໍແມ່ນອຸດສະຫະກຳໜຶ່ງ ທີ່ມີເປົ້າໝາຍເລັ່ງໃສ່ການສ້າງ ສາພັດທະນາປະເທດຊາດ. ໃນຊຸມປີຜ່ານມາລາຍຮັບໃນ ການທ່ອງທ່ຽວໄດ້ກວມເອົາລາຍ ໄດ້ທີ່ເປັນກອບເປັນກຳມາໃຫ້ ປະ ເທດຊາດຢ່າງໃຫຍ່ຫລວງ. ແຕ່ ອັນສຳຄັນພວກເຮົາກໍຍັງມີ ຫລາຍປັດໄຈທີ່ຕ້ອງໄດ້ແກ້ ໂດຍ ສະເພາະແມ່ນໃນຂອດທີ່ມັນຍັງ ມີສິ່ງອຸດຕັນ; ເປັນຕົ້ນຄືການ ບໍລິການ ຊັກຊ້າ, ຫັ້ນໆໜີ້ໆ, ຂອດ ນັ້ນ, ປ່ອງນັ້ນ, ປ່ອງນີ້, ບ່ອນນັ້ນ, ບ່ອນນີ້, ນ້ຳບໍ່ຍ້ອຍຫອຍກໍບໍ່ໄຕ່, ໄປທາງໃດກໍມີອັນຫຍຸ້ງຍາກ, ຕ້ອງມີໃບສະເໜີ, ຕ້ອງແຈ້ງໃຫ້ ຂ້ອຍຮູ້ກ່ອນຂ້ອຍຈຶ່ງອຳນວຍ ຄວາມສະດວກ ແລະ ເຮັດນຳ, ຖ້າບໍ່ດັ່ງນັ້ນຂ້ອຍຖືວ່າເຈົ້າຜິດ ກົດຂອງທ້ອງຖິ່ນ, ຜິດລະບຽບ ກົດໝາຍຂອງຂ້ອຍ ຫລື ຕ້ອງ ໄດ້ເຮັດຕາມໃຈຂ້ອຍຈຶ່ງໄດ້ ແລະ ບັນຫາອື່ນໆ. ຕາມເຮົາວ່າ, ສິ່ງທີ່ ກ່າວມານີ້,ທຸກຢ່າງມັນກໍຂຶ້ນກັບ ເຮົາທັງໝົດ. ຄົນເຮົາໃຜຈະຢູ່ໃສ ເຮັດຫຍັງມັນກໍຂຶ້ນກັບຕົວບົດ ກົດໝາຍ, ຂໍພຽງແຕ່ວ່າເຮົາເຂົ້າ ໃຈຊາບຊືມ ແລະ ປະຕິບັດດ້ວຍ ຄວາມຮັບຜິດຊອບ ເພາະນັກ ລົງທຶນ ຫລື ວ່ານັກທ່ອງທ່ຽວ ກ່ອນເຂົາຈະເຂົ້າມາບ້ານ ເຮົາ ສ່ວນໜຶ່ງເຂົາໄດ້ສຶກສາຄົ້ນຄວ້າ ເຖິງສະພາບບ້ານເຮົາແດ່ແລ້ວ. ອັນສຳຄັນທີ່ສຸດຄືຮູ້ເຂົາຮູ້ເຮົາ, ຮູ້ເພິ່ນຮູ້ໂຕນັ້ນລະຄືປັດໄຈຢູ່ຮ່ວມ ກັນຢ່າງມີຄວາມສຸກ. ຂໍໃຫ້ປີທ່ອງ ທ່ຽວລາວປີ 2018 ຢ່າເປັນ ປີກະ ເປົາຫ່ຽວ, ໄປຢ່າຄາມາຢ່າຂ້ອງ ເຂົາຈຶ່ງຍ້ອງວ່າຄົນລາວດີຢະເອີຍ.

- Wave100S AD to Website 2020 0 - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ

 

ໂດຍ: ກ້ອງສ່ອງ ອິດສະຫລະ

- WhatsApp Image 2020 05 27 at 5 - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ
- WhatsApp Image 2020 05 27 at 5 - ປີທ່ອງທ່ຽວລາວ ໄປຢ່າຄາ ມາຢ່າຂ້ອງ
error: Alert: ເນື້ອຫາຂ່າວມີລິຂະສິດ !!