ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

- image003 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”
- Untitled design - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

- image001 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

ກົມຄຸ້ມຄອງທະນາຄານທຸລະກິດ, ທະນາຄານແຫ່ງ ສປ ລາວ ຮ່ວມກັບ ບໍລິສັດ ເອີນແອັນຢັງ ຫວຽດນາມ ໄດ້ຈັດຕັ້ງສຳມະນາພາຍໃຕ້ຫົວຂໍ້ການປັບປຸງກົນໄກການປ່ອຍສິນເຊື່ອຫຼື “Credit Process Re-engineering Workshop” ຂຶ້ນໃນວັນທີ 15/12/2017 ທີ່ຫ້ອງປະຊຸມໃຫຍ່ຊັ້ນ IV ທະນາຄານແຫ່ງ ສປ ລາວ ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ສຸລິສັກ ທຳນຸວົງ ຮອງຫົວໜ້າກົມຄຸ້ມຄອງທະນາຄານທຸລະກິດ, ທັງເປັນຄະນະຮັບຜິດຊອບພັດທະນາການຄຸ້ມຄອງທະນາຄານທຸລະກິດຕາມມາດຕະຖານບາເຊວ (ຄບ).

ການສຳມະນາໃນຄັ້ງນີ້ ໄດ້ຮັບຟັງການບັນຍາຍຮ່ວມຂອງທ່ານ ນ. ຮັນ ຮົງ ດາວ, ຫົວໜ້າຝ່າຍບໍລິຫານດ້ານການເງິນ ບໍລິສັດ ເອີນແອັນຢັງ ຫວຽດນາມ ແລະ ທ່ານ ນ. ນົກພະລິນ ທຳນຸວົງ, ປະທານແລະຜູ້ອຳນວຍການ ບໍລິສັດ ລາວປະເມີນຊັບສິນ ຈຳກັດ. ​ມີນັກສຳມະນາກອນຄະນະອຳນວຍການ, ຄະນະພະແນກ ແລະ ຂະແໜງຈາກບັນດາທະນາຄານທຸລະກິດ ແລະ ວິຊາການຈາກກົມຄຸ້ມຄອງທະນາຄານທຸລະກິດ ເຂົ້າຮ່ວມທັງໝົດ ຫຼາຍກວ່າ 60 ຄົນ. ຈຸດປະສົງຂອງການສຳມະນາໃນຄັ້ງນີ້ ແມ່ນເພື່ອເປັນການຍົກລະດັບ​​ຄວາມຮູ້ຄວາມເຂົ້າໃຈໃນວຽກງານທີ່ຕິດພັນກັບການຈັດຕັ້ງປະຕິບັດຫຼັກການ ບາເຊວ 2 ໂດຍສະເພາະແມ່ນວຽກງານສິນເຊື່ອ ໃຫ້ແກ່ ພະນັກງານຄຸ້ມຄອງກວດກາຂອງກົມຄຸ້ມຄອງທະນາຄານທຸລະກິດ ແລະ ວິຊາການທີ່ເຮັດວຽກຕິດພັນກັບສິນເຊື່ອແລະ ການປະເມີນລາຄາຊັບສິນຂອງບັນດາທະນາຄານທຸລະກິດ.

- image003 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

ເນື້ອໃນຂອງການສຳມະນາ ໄດ້ກວມເອົາ: ບັນຫາທົ່ວໄປໃນຂະບວນການອະນຸມັດສິນເຊື່ອ ແລະ ສະພາບດັ່ງກ່າວໃນ ສປ ລາວ; ການນຳສະເໜີວິທີປະຕິບັດທີ່ດີໃນການບໍລິຫານຂະບວນການອະນຸມັດສິນເຊື່ອ ແລະ ຜົນປະໂຫຍດຂອງລະບົບການພິຈາລະນາອະນຸມັດສິນເຊື່ອແບບອັດຕະໂນມັດ; ນຳສະເໜີແນວທາງການປະເມີນມູນຄ່າຫຼັກຊັບຄ້ຳປະກັນທີ່ເປັນເອກະລາດ ແລະ ຄວາມສຳຄັນໃນການຫຼຸດຜ່ອນ NPLs.

ການສຳມະນາໃນເທື່ອນີ້ ໄດ້ເປັນບົດຮຽນອັນສຳຄັນໃຫ້ແກ່ຜູ້ເຂົ້າຮ່ວມສຳມະນາ ເພື່ອນຳໄປຄົ້ນຄວ້າພິຈາລະນາ ແລະ ເປັນແນວທາງໃນການປັບປຸງວຽກງານສິນເຊື່ອ ໂດຍສະເພາະຂັ້ນຕອນຕ່າງໆໃນການອະນຸມັດສິນເຊື່ອ ເພື່ອໃຫ້ມີຄວາມວ່ອງໄວ ແລະ ຮັດກຸມຍິ່ງຂຶ້ນ, ​ຊ່ວຍຫຼຸດຜ່ອນການເພີ່ມຂຶ້ນຂອງ NPLs ໃນອະນາຄົດ. ນອກນັ້ນ, ຜູ້ເຂົ້າຮ່ວມສຳມະນາ ຍັງໄດ້ຮັບຟັງການນຳສະເໜີກ່ຽວກັບການປະເມີນມູນຄ່າຫຼັກຊັບ​​ທີ່ເປັນເອກະລາດ ໂດຍບໍລິສັດ ລາວປະເມີນຊັບສິນ ຈຳກັດຊຶ່ງເປັນບໍລິສັດປະເມີນມູນຄ່າຊັບສິນທຳອິດທີ່ໄດ້ຮັບການສ້າງຕັ້ງຂຶ້ນໃນ ສປ ລາວ ແລະ ໄດ້ຮັບຮອງການຮັບຮອງຈາກ ສຳນັກງານຄະນະກຳມະການຄຸ້ມຄອງຫຼັກຊັບ (ສຳນັກງານ ຄ) ຢ່າງເປັນທາງການ. ບໍລິສັດປະເມີນມູນຄ່າຊັບສິນດັ່ງກ່າວ ຖືເປັນທາງເລືອກໃຫ້ແກ່ບັນດາທະນາຄານ ແລະ ລູກຄ້າທະນາຄານໃນການປະເມີນມູນຄ່າຊັບສິນ ໂດຍສະເພາະການປະເມີນມູນຄ່າຫຼັກຊັບຄ້ຳປະກັນໃນການກູ້ຢືມໃຫ້ມີຄວາມເປັນ, ມີຫຼັກການ ແລະສອດຄ່ອງກັບລາຄາຕົວຈິງໃນຕະຫຼາດຍິ່ງຂຶ້ນ.

- Wave100S AD to Website 2020 0 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

- image005 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”

 

- WhatsApp Image 2020 05 27 at 5 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”
- WhatsApp Image 2020 05 27 at 5 - ສຳ​ມະ​ນາ​ວຽກ​ງານ​ບາ​ເຊວ 2  ຫົວ​ຂໍ້ “ການ​ປັບ​ປຸງ​ກົນ​ໄກການ​ປ່ອຍ​ສິ​ນ​ເຊື່ອ”
error: Alert: ເນື້ອຫາຂ່າວມີລິຂະສິດ !!