ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ

- 031912 2017 - ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ
- Untitled design - ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ

– ເວລາ 01:00 – 03:00 ໂມງ ເປັນເວລາຂອງຕັບ ເຮັດໜ້າທີ່ໄລ່ສານພິດອອກຈາກຮ່າງກາຍ  ສະສົມອາຫານສຳຮອງໃຫ້ແກ່ຮ່າງກາຍ, ຜະລິດອິນຊູລິນ ຕະຫລອດຈົນຜະລິດນຳ້ບີເພື່ອເກັບໄວ້ຍ່ອຍໄຂມັນ ຖ້າໄລຍະນີ້ເຮົາບໍ່ນອນ ຮ່າງກາຍຈະສູນເສຍພະລັງງານ, ຕັບຈະອ່ອນແອລົງ ເນື່ອງຈາກຕ້ອງເຮັດວຽກຫລາຍຂຶ້ນ ສົ່ງຜົນກະທົບເຖິງການເຮັດວຽກຂອງມ້າມ, ເຮັດໃຫ້ຜະລິດຮໍໂມນອິນຊູລິນໄດ້ໜ້ອຍລົງ ແລະ ຖ້າເຮົາບໍ່ນອນໃນເວລານີ້ເປັນປະຈຳ ອາດເຮັດໃຫ້ເປັນພະຍາດຄວາມດັນເລືອດສູງ, ພູມຕ້ານທານບົກພ່ອງ, ເບົາຫວານ, ພະຍາດຫົວ ໃຈ ແລະອື່ນໆ.

– ເວລາ 03:00 – 05:00 ໂມງ  ເປັນໄລຍະເວລາຂອງປອດ ທີ່ຟື້ນຟູແຊນ ແລະ ໄລ່ສານພິດອອກຈາກແຊນຕ່າງໆຂອງຮ່າງ ກາຍ ຖ້າຕື່ນນອນໃນໄລຍະນີ້ເປັນປະຈຳຈະເຮັດວຽກດີ ແລະ ສົ່ງຜົນໃຫ້ຜິວໜັງສຸຂະພາບດີ. ສ່ວນຄົນທີ່ສູບຢາຈົນເປັນຫອບຫືດ, ໄຊນັສ ຫລືື ທໍ່ຫາຍໃຈມີບັນຫາ ມັກຖືກປຸກໃຫ້ຕື່ນຂຶ້ນມາໃນເວລານີ້ ໂດຍອາການໄອ, ຈາມ ເນື່ອງຈາກປອດກຳລັງເຮັດໜ້າທີ່ໄລ່ສິ່ງເສດເຫລືອອອກຈາກຮ່າງກາຍ.

– ເວລາ 05:00 – 07:00 ໂມງ ເປັນເວລາຂອງລຳໄສ້ໃຫຍ່ ເຮົາຈຶ່ງຄວນອອກກຳລັງກາຍເປັນປະຈຳເພື່ອຊ່ວຍໃຫ້ລຳໄສ້ໃຫຍ່ຂະຫຍາຍໂຕ ເຮັດໃຫ້ລະບົບການຂັບຖ່າຍດີຂຶ້ນ ຖ້າບໍ່ຖ່າຍ ຮ່າງກາຍຈະດູດຊຶມສິ່ງເສດເຫລືອເຂົ້າສູ່ຮ່າງກາຍອີກເທື່ອໜຶ່ງ ສົ່ງຜົນໃຫ້ເກີດຮອຍຫ່ຽວເທິງໃບໜ້າ.

– ເວລາ 07:00 – 09:00  ໂມງ ເປັນເວລາຂອງກະເພາະອາຫານ ເຂົ້າເຊົ້າເປັນຄາບສຳຄັນທີ່ສຸດຂອງຮ່າງກາຍ ເພາະກະເພາະເຮັດໜ້າທີ່ຍ່ອຍອາຫານໄດ້ດີທີ່ສຸດ ການກິນອາຫານໃນເວລານີ້ທຸກມື້ ຈະເຮັດໃຫ້ກະເພາະອາຫານແຂງແຮງ ຖ້າບໍ່ກິນອາຫານອາດເຮັດໃຫ້ຮ່າງກາຍຂາດສານອາຫານ, ເປັນພະຍາດກະເພາະອາຫານ ສົ່ງຜົນໃຫ້ຫົວໃຈເຮັດວຽກໜັກ ເພາະຈະຕ້ອງຟອກເລືອດໄປລ້ຽງພາກສ່ວນຕ່າງໆຂອງຮ່າງກາຍ.

– ເວລາ 09:00 – 11:00 ໂມງ ເປັນເວລາຂອງມ້າມ ເຮັດໜ້າທີ່ເກັບພະລັງານສຳຮອງ ຄວບຄຸມເມັດເລືອດ ແລະ ໄຂມັນ, ສ້າງນຳ້ເຫລືອງ ແລະ ກອງເຊື້ອພະຍາດທີ່ເຂົ້າສູ່ຮ່າງກາຍທຸກຊະນິດ ໃຜທີ່ມີຄວາມກັງວົນຢູ່ເລື້ອຍໆ ຄວາມກັງວົນຈະເຮັດໃຫ້ມ້າມອ່ອນແອ ແລະ ບໍ່ສາມາດກຳຈັດແຊນເມັດເລືອດຕາມອອກໄດ້ ຖ້າເປັນແມ່ຍິງຈະເຮັດໃຫ້ມົດລູກໃຄ່ບວມ ຫລື ຢ່ອນ ຖ້າເປັນຜູ້ຊາຍຈະສົ່ງຜົນກະທົບຕໍ່ຕ່ອມລູກໝາກ.

– ເວລາ 11:00 – 13:00 ໂມງ ເປັນເວລາຂອງຫົວໃຈ ເຮັດໜ້າທີ່ຟອກເລືອດໄປລ້ຽງຮ່າງກາຍ ຄວນຫລີກເວັ້ນສາເຫດທີ່ ເຮັດໃຫ້ເກີດຄວາມເຄັ່ງຄຽດ, ຄິດຫລາຍ ແລະ ບໍ່ຄວນໃຫ້ມີອາການຕື່ນເຕັ້ນ ແລະ ຕົກໃຈ. ສຳລັບຄົນທີ່ມັກນອນເດິກ ທ່ານຮູ້ຫລືບໍ່ວ່າຈະເຮັດໃຫ້ເມັດເລືອດແດງແຕກຫລາຍກ່ວາປົກກະຕິ ຮ່າງກາຍຈຶ່ງຕ້ອງຟອກເລືອດໄປລ້ຽງພາກສ່ວນຕ່າງໆຖີ່ຂຶ້ນ, ແຮງຂຶ້ນ ແລະ ໄວຂຶ້ນ ສົ່ງຜົນໃຫ້ເປັນຄວາມດັນເລືອດສູງໄດ້.

– ເວລາ 13:00 – 15:00 ໂມງ ເປັນເວລາຂອງລຳໄສ້ນ້ອຍ ເຮັດໜ້າທີ່ດູດຊຶມອາຫານທີ່ເປັນນຳ້ ເຊັ່ນ : ວິຕາມິນເບ, ເຊ ແລະ ໂປຣຕິນ ເພື່ອເອົາໄປສ້າງກົດອະມິໂນເພື່ອໃຊ້ໃນການສ້າງແຊນສະໝອງ, ຟື້ນຟູພາກສ່ວນເສື່ອມສະພາບ. ສຳລັບແມ່ຍິງຈະຊ່ວຍໃນການສ້າງຮັງໄຂ່ ໄລຍະນີ້ຈຶ່ງຄວນງົດກິນອາຫານທຸກຊະນິດ. ການກິນອາຫານຈືນ, ອາຫານມັນ ຫລື ເຂົ້າໜົມ ຈະເຮັດໃຫ້ລຳໄສ້ນ້ອຍບໍ່ຫລັ່ງກົດດ່າງອອກມາເຮັດໃຫ້ອາຫານຍ່ອຍຍາກ ແລະ ຖ້າກິນຕິດຕໍ່ກັນດົນໆຈະເຮັດໃຫ້ລຳໄສ້ນ້ອຍບວມ, ມີແກ໊ສ ແລະ ດູດຊຶມຍາກ  ບັນຫາເຫລົ່ານີ້ສົ່ງຜົນກະທົບຕໍ່ສະໝອງ.

- Wave100S AD to Website 2020 0 - ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ

– ເວລາ 15:00 – 17:00 ໂມງ ເປັນເວລາຂອງພົກຍ່ຽວ ເຮັດໜ້າທີ່ໄລ່ກົດ ແລະ ສິ່ງເສດເຫລືອອອກຈາກຮ່າງກາຍ ເຊິ່ງ ເປັນສິ່ງເສດເຫລືອທີ່ຜ່ານການແປຮູບມາຈາກລຳໄສ້ນ້ອຍ ຖ້າເຮົາກັ້ນຍ່ຽວເປັນເວລາດົນໆ ຈະເຮັດໃຫ້ຍ່ຽວຖືກດູດຊຶມເຂົ້າສູ່ກະແສເລືອດ ແລະ ກ້າມຊີ້ນຫູຮູດຂອງພົກຍ່ຽວຈຶ່ງອັກເສບ ສົ່ງຜົນກະທົບເຖິງຕາ ເຮັດໃຫ້ຕາມົວ ຖ້າດົນໄປສົ່ງຜົນໃຫ້ຕາບອດໄດ້.

– ເວລາ 17:00 – 19:00 ໂມງ ເປັນເວລາຂອງໝາກໄຂ່ຫລັງ ເຮັດໜ້າທີ່ຄວບຄຸມການເຮັດວຽກຂອງກະດູກ, ໄຂຂໍໍ້, ຮໍ ໂມນ, ອະໄວຍະວະສືບພັນ, ເສັ້ນຜົມ, ເລືອດ, ຫູ ແລະ ຕາ ການເຮັດວຽກໜັກໂດຍບໍ່ໄດ້ພັກຜ່ອນ ຈະເຮັດໃຫ້ໝາກໄຂ່ຫລັງອ່ອນແອ ແລະ ເສື່ອມໄດ້ ໂດຍສະເພາະແມ່ຍິງຖືພາ ອາດເຮັດໃຫ້ຫລຸລູກ ຫລື ຖ້າບໍ່ຫລຸລູກກໍອາດເຮັດໃຫ້ລູກບໍ່ແຂງແຮງ.

– ເວລາ 19:00 – 21:00 ໂມງ ເປັນເວລາຂອງເຍື່ອຫຸ້ມຫົວໃຈ ໄລຍະນີ້ຄວນພັກຜ່ອນ ໂດຍສະເພາະການນັ່ງສະມາທິ, ສວດ ມົນເພື່ອໃຫ້ຫົວໃຈເຮັດວຽກໜ້ອຍລົງ ຖ້າບໍ່ພັກຜ່ອນໃນໄລຍະເວລານີ້ຈະເຮັດໃຫ້ເລືອດຂຸ້ນ, ກ້າມຊີ້ນ ຫົວໃຈເຮັດວຽກໜັກ, ສົ່ງຜົນໃຫ້ຫົວໃຈໃຫຍ່ ໂດຍສະເພາະຄົນທີ່ເຮັດວຽກ ຫລື ທ່ຽວກາງຄືນ.

– ເວລາ 21:00 – 23:00 ໂມງ ເປັນເວລາພະລັງງານລວມ ຈຶ່ງຫ້າມອາບນຳ້ເຢັນໃນເວລານີ້ ເພາະຈະເຮັດໃຫ້ເຈັບປ່ວຍງ່າຍ, ຫ້າມອອກໄປຮັບອາກາດນອກເຮືອນ ເພາະໄລຍະນີ້ຕົ້ນໄມ້ຈະຄາຍແກ໊ສກາກໂບນິກອອກມາ ຈຶ່ງຄວນນອນຫລັບພັກຜ່ອນເພື່ອໃຫ້ຮ່າງກາຍສ້າງເມັດເລືອດແດງທົດແທນພາກສ່ວນທີ່ແຕກໄປ ຖ້າບໍ່ພັກຜ່ອນຈະເຮັດໃຫ້ເມັດເລືອດແດງແຕກຫລາຍຂຶ້ນເລື້ອຍໆ.

– ເວລາ 23:00 – 01:00 ໂມງ ເປັນເວລາຂອງຖົງນຳ້ບີ ມີໜ້າທີ່ຍ່ອຍໄຂມັນ ເພື່ອປ່ຽນຮູບເປັນຮໍໂມນ, ກ້າມຊີ້ນ, ກະດູກ, ໄຂຂໍ້, ເສັ້ນເອັນ, ໄຂສະໝອງ, ຕາ ແລະ ນຳ້ຫລໍ່ລ້ຽງໃນຮ່າງກາຍທັງໝົດ ເປັນຖົງເກັບນຳ້ຍ່ອຍສຳຮອງທີ່ອອກຈາກຕັບ ແລະ ເມື່ອອະໄວຍະວະໃດໃນຮ່າງກາຍຂາດນຳ້ກໍຈະມາດຶງຈາກຖົງນຳ້ບີ ຖ້າບໍ່ພັກຜ່ອນໃນໄລຍະນີ້ຈະເຮັດໃຫ້ລົງພຸງ ອາລົມໝຸດໝັດ, ສາຍຕາເສື່ອມ.

- WhatsApp Image 2020 05 27 at 5 - ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ
- WhatsApp Image 2020 05 27 at 5 - ໃຊ້ຊີວິດໃຫ້ຖືກຈັງຫວະຕາມໂມງຮ່າງກາຍ
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!