ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ

- 012012 2017 - ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ
- Untitled design - ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ

ສະຖານະການສຸກເສີນເກີດຂຶ້ນໄດ້ຫລາຍກໍລະນີ ຄົນຂັບລົດຈະມີທັກສະໃນການຄວບຄຸມລົດແຕກຕ່າງກັນໄປ ສິ່ງສຳຄັນໃນ ການຂັບລົດຈະຕ້ອງກວດສອບສະພາບລົດກ່ອນໃຊ້ວຽກທຸກເທື່ອ ຈະໄດ້ຮູ້ວ່າສະພາບລົດເຮົາຕອນນີ້ເປັນແນວໃດ, ເມື່ອຂຶ້ນລົດແລ້ວ ຕ້ອງຮັດສາຍຮັດນິລະໄພທຸກເທ່ືອ ເຮັດໃຫ້ເປັນນິໄສ ເມື່ອເກີດເຫດການສຸກເສີນຂຶ້ນຈະໄດ້ໃຊ້ສະມັດຖະນະຂອງລົດໄດ້ຢ່າງເຕັມທີ່.

ກໍລະນີສຸກເສີນ ມີສັດແລ່ນຕັດໜ້າລົດ ສິ່ງທີ່ພິຈາລະນາກ່ອນການຕັດສິນໃຈແມ່ນຄວາມໄວທີ່ແລ່ນມາໃນເວລານັ້ນ ລວມທັງສະຖານະການຕອນນັ້ນນຳວ່າເປັນແນວໃດ ເຊັ່ນ : ຝົນຕົກ ຫລື ຢູ່ໃນເຂດຊຸມຊົນແອອັດຫລືບໍ່ ຖ້າແລ່ນມາດ້ວຍຄວາມໄວສູງ, ແຕ່ບ່ອນນັ້ນບໍ່ມີລົດສວນທາງມາ, ຖະໜົນແຫ້ງ ການຕັດສິນໃຈຄວນໃຊ້ວິທີການເບຣກ, ແຕ່ຖ້າຊະລໍບໍ່ທັນ ອາດຈຳເປັນຕ້ອງຕັດສິນໃຈຕຳ ເພື່ອບໍ່ໃຫ້ລົດເສຍຫລັກ.

ຫາກແລ່ນມາຊ້າໆ ພະຍາຍາມຫລີກເວັ້ນໂດຍການຫັກຫລົບ, ແຕ່ຖ້າບໍລິເວນນັ້ນເປັນພື້ນທີ່ໆມີການຈະລາຈອນແອອັດ ອີກເລນໜຶ່ງມີລົດແລ່ນສວນມາ ຫລື ຖະໜົນປຽກມື່ນ ຍິ່ງຖ້າເປັນໄລຍະໂຄ້ງ ແລ້ວມີໝາແລ່ນຕັດໜ້າລົດ ການຕັດສິນໃຈບ່ອນນີ້ບໍ່ຄວນເບຣກ ຕ້ອງຕຳຢ່າງດຽວ ຖ້າບໍ່ດັ່ງນັ້ນໂຕເຮົາເອງອາດຈະບາດເຈັບ ຫລື ອາດເສຍຊີວິດໄດ້ຍ້ອນລົດອາດເສຍຫລັກ ບໍ່ສາມາດບັງຄັບລົດໄດ້ ຖ້າກໍລະນີທີ່ເປັນສັດໂຕໃຫຍ່ໆບໍ່ຄວນບີບແກ ເພາະການບີບແກຈະເຮັດໃຫ້ສັດຕົກໃຈ ແລະ ອາດຈະແລ່ນເຂົ້າມາເຮັດອັນຕະລາຍເຮົາໄດ້.

ກໍລະນີລົດຈັກ ການລະວັງໂຕໄວ້ກ່ອນເປັນເລື່ອງດີທີ່ສຸດ ຄວນຈະເບິ່ງແວ່ນຂ້າງທັງຊ້າຍ, ຂວາ ແລະ ແວ່ນກາງນຳ ເພື່ອຈະໄດ້ຮູ້ວ່າມີລົດຈັກຢູ່ຂ້າງຫລືບໍ່ ຄົນຂັບລົດເທິງທ້ອງຖະໜົນສ່ວນຫລາຍມັກມີປະສົບການກັບລົດຈັກເປັນຢ່າງດີ ເພາະມັກຈະຖືກຕັດໜ້າ. ທາງທີ່ດີຖ້າຂັບລົດຢູ່ແລ້ວມີລົດຈັກມາຕ້ອງລະວັງ ທາງອອກທີ່ດີຄວນໃຫ້ໄປກ່ອນ ເພາະເຮົາຈະໄດ້ບໍ່ຕ້ອງມານັ່ງເດົາໃຈເຂົາ ຖ້າຫລີກເວັ້ນໄດ້ຄວນຫລີກ ບໍ່ຄວນໄປສ່ຽງ ແຕ່ບາງເທື່ອທີ່ຫລີກເວັ້ນບໍ່ໄດ້ ຖ້າເບຣກໄດ້ກໍຄວນເບຣກ, ແຕ່ຕ້ອງເບິ່ງອ້ອມຂ້າງນຳວ່າເລນຂ້າງມີລົດຫລືບໍ່ ຖ້າບໍ່ມີ ເຮົາກໍປ່ຽນເລນອອກໄປ, ແຕ່ຖ້າເບິ່ງແລ້ວມີລົດຢູ່ ອີກເລນໜຶ່ງເຮັດໃຫ້ເຮົາບໍ່ສາມາດຫລີກເວັ້ນອອກໄປໄດ້ ກໍຕ້ອງພະຍາຍາມຄວບຄຸມລົດເພື່ອເບຣກໃຫ້ໄດ້ຫລາຍທີ່ສຸດ ພ້ອມກັບບີບແກສົ່ງສັນຍານເພື່ອໃຫ້ຄົນຂັບລົດຈັກຮູ້ວ່າເຮົາຂັບລົດຢູ່ທາງຫລັງເຂົາ ຄວນບີບເທື່ອໜຶ່ງ ຫລື ສອງເທື່ອແບບສັ້ນໆ ບໍ່ຄວນບີບຍາວ ເພາະຖ້າບີບແກຍາວອາດຈະເຮັດໃຫ້ ຕົກໃຈ ເຮັດຫຍັງບໍ່ຖືກໄດ້ ລົດເສຍຫລັກໄດ້.

- Wave100S AD to Website 2020 0 - ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ

ໃນຂະນະທີ່ເບຣກຕ້ອງເບິ່ງແວ່ນຫລັງນຳວ່າມີລົດແລ່ນມາຫລືບໍ່ ໃນໄລຍະເທົ່າໃດ ເພາະຖ້າເບຣກກະທັນຫັນ ເພື່ອຢຸດທັນທີ ລົດຄັນທາງຫລັງອາດຈະເບຣກບໍ່ທັນ ຕຳທ້າຍລົດ ເຮັດໃຫ້ໄດ້ຮັບບາດເຈັບໄດ້.

ຖ້າບໍ່ສາມາດປ່ຽນເລນໄດ້ ພະຍາຍາມຢ່າຂັບອອກຈາກເລນຂອງເຮົາ ເພາະຕ້ອງຄຳນຶງເຖິງເລື່ອງຂອງກົດໝາຍນຳ ຖ້າເຮົາ ຕຳລົດຈັກທີ່ຕັດໜ້າລົດໃນເລນເຮົາ ເຂົາຜິດ, ແຕ່ຖ້າເຮົາປ່ຽນເລນເພື່ອຫລົບຫລີກລົດຈັກແລ້ວໄປຕຳກັບລົດທີ່ຢູ່ໃນເລນນັ້ນ ເຮົາຈະເປັນຄົນຜິດທັນທີ ລວມທັງຄວາມເສຍຫາຍອາດຈະເກີດຂຶ້ນຫລາຍກ່ວາກໍເປັນໄດ້ ເພາະລົດທີ່ເຮົາຕຳອາດຈະຫັກຫລົບໄປຕຳລົດອີກຄັນໜຶ່ງຕໍ່ໄປອີກໄດ້.

- WhatsApp Image 2020 05 27 at 5 - ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ
- WhatsApp Image 2020 05 27 at 5 - ວິທີຄວບຄຸມລົດເມື່ອຖືກສັດ ຫລື ລົດຈັກຕັດໜ້າ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!