ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ

- news201712190129177 - ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ
- Untitled design - ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ

​ເດ​ລີ ​ເມລ ສື່​ທີ່​ມີ​ຊື່​ສຽງ​ຂອງ​ປະ​ເທດ​ອັງກິດ ລາຍ​ງານ​ຂ່າວ​ວ່າ: ​ແມນ​ເຊັສ​ເຕີ ຊິ​ຕີ້ ກຽມ​ຍື່ນ​ສັນຍາ​ສະບັບ​ໃໝ່​ໃຫ້ ​ເປ໊ບ ກວາ​ດິ​ໂອລາ ຜູ້​ຈັດການ​ທີມ​ໃນ​ປີໜ້າ ​ເຊິ່ງຄາດ​ວ່າ​ຈະ​ມີ​ມູນ​ຄ່າ​ສູງ​ປະມານ 80 ລ້ານ​ປອນ ​ໂດຍ​ຈະ​ກາຍ​ເປັນ​ຜູ້​ຈັດການ​ທີ​ມທີ່​ໄດ້​ຮັບ​ຄ່າ​ຈ້າງ​ສູງ​ທີ່​ສຸດ​ໃນ​ໂລ​ກທັນທີ.

ກວາ​ດິ​ໂອລາ ​ເຂົ້າມາ​ຮັບ​ໜ້າ​ທີ່​ຜູ້​ຈັດການ​ທີ​ມຄົນ​ໃໝ່​ຂອງ ​ແມນ​ເຊັສ​ເຕີ ຊິ​ຕີ້ ​ໃນ​ປີ 2016 ​ໃນ​ສັນຍາ​ໄລຍະ​ຍາວ 3 ປີ ​ເຊິ່ງ​ໃນ​ລະດູ​ການ​ທຳ​ອິດຖື​ວ່າ​ຜິດ​ຫວັງ ​ເນື່ອງຈາກ​ພາ​ທີ​ມບໍ່​ສາມາດ​ຄວ້າ​ແຊ້ມ​ໃດໆ​ໄດ້​ເລີຍ.

​ເຖິງ​ຢ່າງ​ໃດ​ກໍ​ຕາມ, ​ໃນ​ລະດູ​ການ​ນີ້ ກວາ​ດິ​ໂອລາ ພາ​ທີ​ມສ້າງ​ຜົນງານ​ໄດ້​ຢ່າງ​ໂດດ​ເດັ່ນ ຢຶດທີ​ມນຳ​ຕາຕະລາງ​ຄະ​ແນນ​ລວມ ພຣີ​ເມຍ​ລີກ ອັງກິດ ຢ່າງ​ໜຽວ​ແໜ້ນ ໜີ​ຫ່າງ​ອັນ​ດັບ 2 ຢ່າງ ​ແມນ​ເຊັສ​ເຕີ ຢູ​ໄນ​ເຕັດ ​ເຖິງ 11 ຄະ​ແນນ ​ແລະ ຍັງ​ພາ ​ແມນ​ເຊັສ​ເຕີ ຊິ​ຕີ້ ​ເຂົ້າຮອບ 16 ທີ​ມສຸດ​ທ້າຍ​ໃນ ຢູຟາ ​ແຊ້ມປ້ຽນລີກ ​ໄດ້​ແບບ​ບໍ່​ຍາກ​ປານ​ໃດ.

- Wave100S AD to Website 2020 0 - ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ

ຜົນງານ​ດັ່ງກ່າວ​ເຮັດ​ໃຫ້ ຫົວໜ້າ​ບໍລິຫານ​ຂອງ ​ແມນ​ເຊັສ​ເຕີ ຊິ​ຕີ້ ກຽມ​ຍື່ນ​ສັນຍາ​ສະບັບ​ໃໝ່​ໃຫ້​ກັບ​ຜູ້​ຈັດການ​ທີ​ມຊາວ​ສະ​ເປ​ນຄົນ​ນີ້​ໄປ​ເປັນ 4 ປີ ພ້ອມ​ເພີ່ມ​ຄ້າ​ຈ້າງ​ຈາກ 15 ລ້ານ​ປອນ ​ເປັນ 20 ລ້ານ​ປອນ​ຕໍ່​ໄປ ຫລື ປະມານ 400.000 ປອນ​ຕໍ່​ອາທິດ ລວມມູນ​ຄ່າ​ສັນຍາ​ແລ້ວ​ເປັນ​ເງິນ​ຫລາຍ​ກວ່າ 80 ລ້ານ​ປອນ ​ເຊິ່ງຈະ​ເຮັດ​ໃຫ້ ກວາ​ດິ​ໂອລາ ກາຍ​ເປັນ​ຜູ້​ຈັດການ​ທີ​ມທີ່​ໄດ້​ຮັບ​ຄ່າ​ຈ້າງ​ຫລາຍ​ທີ່​ສຸດ​ໃນ​ວົງ​ການ​ບານ​ເຕະ.

- WhatsApp Image 2020 05 27 at 5 - ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ
- WhatsApp Image 2020 05 27 at 5 - ກວາດິໂອລາ ກຽມກາຍເປັນຜູ້ຈັດການທີມ ທີ່ໄດ້ຮັບຄ່າຈ້າງສູງທີ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!