ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017

- ikjhhqcp - ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017
- Untitled design - ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017

ລິ​ໂອ​ເນລ ​ເມສຊີ ກອງ​ໜ້າ​ຕົວ​ເກັ່ງ​ຂອງ ບາ​ເຊ​ໂລ​ນາ ຂຶ້ນຮັບ​ລາງວັນ​ນັກ​ເຕະ​ດີ​ເດັ່ນ ​ແລະ ລາງວັນ​ດາວ​ຍິງ​ສູງ​ສຸດ​ຂອງ ລາ​ລີ​ກາ ສະ​ເປ​ນ ປະຈຳ​ລະດູ​ການ 2016-2017 ຢ່າງ​ເປັນ​ທາງ​ການ ​ໃນ​ງານ​ປະກາດ​ລາງວັນ​ຂອງ ມາ​ກ້າ ສື່​ກິລາ​ທີ່​ມີ​ຊື່​ສຽງ​ຂອງ ສະ​ເປ​ນ ​ໃນ​ວັນ​ທີ 18 ທັນວາ​ນີ້.

ກອງ​ໜ້າ​ຊາວ​ອາ​ເຈນ​ຕິ​ນາ​ຄົນ​ດັ່ງກ່າວ ສ້າງ​ຜົນງານ​ໄດ້​ຢ່າງ​ໂດດ​ເດັ່ນ​ເມື່ອ​ລະດູ​ການ​ຜ່ານ​ມາ ​ເຖິງ​ວ່າ​ຕົ້ນສັງກັດ​ຈະ​ໄດ້​ຮອງ​ແຊ້ມ ລາ​ລີ​ກາ ສະ​ເປ​ນ ​ແຕ່ ​ເມສຊີ ຍັງ​ພາ​ທີ​ມຄວ້າ​ແຊ້ມ ​ໂຄ​ປາ ​ເດລ​ເຣ ​ແລະ ຊູ​ເປີ​ໂຄ​ປາ ​ເດິ ​ເອັສປັນຍາ ມາ​ຄອງ. ນອກ​ນັ້ນ ​ເມສຊີ ຍັງ​ຍິງ​ໄດ້​ເຖິງ 37 ປະຕູ​ໃນ​ລີກ ຄວ້າ​ດາວ​ຍິງ​ສູງ​ສຸດ​ໄປ​ຄອງ​ນຳ​ອີກ.

ສຳລັບຂັນ​ລາງວັນ ​ໂຕຣ​ເຟ​ໂອ ປີ​ຊີ​ຊີ ຫລື ຂັນ​ລາງວັນ​ດາວ​ຍິງ​ສູງ​ສຸດ​ໃນ​ລາ​ລີ​ກາ ສະ​ເປ​ນ ຖື​ເປັນ​ສະ​ໄໝ​ທີ 4 ຂອງ ​ເມສຊີ ຫລັງ​ເຄີຍ​ຍາດ​ໄດ້​ໃນ​ລະດູ​ການ 2009-2010, 2011-2012 ​ແລະ 2012-2013, ສ່ວນ ຄຣິສ​ເຕຍ​ໂນ ​ໂຣນັລ​ໂດ ຄູ່​ແຂ່ງ​ຕະຫລອດ​ການ​ຄວ້າ​ລາງວັນ​ນີ້​ໄປ​ຄອງ 3 ສະ​ໄໝ. ຂະນະ​ທີ່ ​ເມສຊີ ​ໄດ້​ລາງວັນ​ນີ້​ໄປ​ຄອງ 5 ສະ​ໄໝ​ຫລາຍ​ທີ່​ສຸດ​ໃນ​ປັດຈຸບັນ. ນອກຈາກ​ນີ້ ອັນ​ເດຣສ ອິນ​​ເນຍສຕ້າ ກອງ​ກາງ​ເພື່ອ​ນຮ່ວມ​ທີ​ມ ຍັງ​ຄວ້າ​ລາງວັນ​ນັກ​ເຕະ​ຊົງ​ຄຸນຄ່າ​ຂອງ​ທີ​ມຊາດ​ສະ​ເປ​ນ​ໄປ​ຄອງ. ຂະນະ​ທີ່ລາງວັນ​ໂຕ​ຣິຟິ​ໂອ ຣິຄາ​ໂດ ຊາ​ໂມຣາ ຫລື ຜູ້​ຮັກສາ​ປະຕູ​ດີ​ເດັ່ນ ຕົກ​ເປັນ​ຂອງ ​ແຍນ ​ໂອບ​ລັກ ຜູ້​ຮັກສາ​ປະຕູ​ທີ​ມຊາດ​ສະ​ໂລ​ວີ​ເນຍຂອງ ​ແອັດ​ເລ​ຕິ​ໂກ ມາດຣິດ ​ເຊິ່ງ​ເປັນ​ການ​ຄວ້າ​ລາງວັນ​ນີ້​ຄັ້ງທີ 2 ຕິດ​ຕໍ່​ກັນ. ນອກຈາກ​ນີ້, ຢາ​ໂກ ອັສປາສ ອະດີດ​ດາວ​ຍິງ​ຂອງ ລີ​ເວີ​ພູລ ປັດຈຸບັນ​ຢູ່​ກັບ ​ເຊ​ລຕ້າ ບີ​ໂກ ຄວ້າ​ລາງວັນ​ດາວ​ຍິງ​ສູງ​ສຸດ​ປະຈຳ​ລີກ ທີ່​ນັບ​ສະ​ເພາະ​ນັກ​ເຕະ​ເຊື້ອຊາດ​ສະ​ເປ​ນ.

- Wave100S AD to Website 2020 0 - ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017
- WhatsApp Image 2020 05 27 at 5 - ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017
- WhatsApp Image 2020 05 27 at 5 - ເມສຊີ ຮັບລາງວັນນັກເຕະດີເດັ່ນ ກັບດາວຍິງສູງສຸດ ລາລີກາ ລະດູການ 2016-2017
error: Alert: ເນື້ອຫາຂ່າວມີລິຂະສິດ !!