ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ

- cropped investment opportunities in laos1 - ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ
- Untitled design - ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ

ປະໂຫຍກທີ່ໄດ້ຍົກເອົາມາ ເປັນຫົວຂໍ້ຂ້າງເທິງນີ້, ທິດກ່ຳ ໄດ້ຄັດເອົາມາຈາກບົດຄຳເຫັນ ຂອງ ທ່ານ ນາຍົກລັດຖະມົນຕີ ທອງລຸນ ສີສຸລິດ ທີ່ໄດ້ຕອບ ຄຳຊັກຖາມ ໃນໂອກາດກອງ ປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ 8 ໃນວັນທີ 23 ຕຸລາ 2017. ສາ ເຫດທີ່ເພິ່ນໄດ້ຍົກເອົາບັນຫາ ນີ້ອອກມາເວົ້າກໍຍ້ອນວ່າ: ໃນ ປີ 2017 ທະນາຄານໂລກໄດ້ ຈັດ ສປປ ລາວ ຢູ່ໃນອັນດັບ 139 ໃນຈຳນວນທັງໝົດ 190 ປະເທດ ຫລື ອັນດັບ 9 ໃນ 11 ປະເທດໃນພາກພື້ນອາຊີອາຄະ ເນ ເຊິ່ງລື່ນແຕ່ປະເທດມຽນ ມາ ແລະ ຕີມໍເລັດສະເຕເທົ່ານັ້ນ ໃນດ້ານຄວາມ ສະດວກໃນການ ດຳເນີນທຸລະກິດການຈັດອັນ ດັບດັ່ງກ່າວແມ່ນອີງໃສ່ 10 ດັດສະນີຍ່ອຍ ເຊິ່ງສ່ວນໃຫຍ່ ປະເທດເຮົາກໍຢູ່ໃນອັນດັບທີ ທີ່ຫລາຍເຕີບ. ຕົວຢ່າງດັບສະ ນີຍ່ອຍຂອງຕົວຊີ້ວັດທາງດ້ານການເລີ້ມຕົ້ນທຸລະກິດ, ສປປ ລາວ ຈັດຢູ່ໃນອັນດັບ 160 ເພາະພວກເຮົາມີຫລາຍຂັ້ນ ຕອນໃນການອະນຸມັດມີ 8 ຂັ້ນ ຕອນທຽບກັບສິງກະໂປມີ 3 ຂັ້ນຕອນ, ໄທມີ 5 ຂັ້ນຕອນ, ໃຊ້ໄລຍະເວລາ 67 ວັນ; ທຽບ ກັບສິງກະໂປ 2,5 ວັນ ແລະ ໄທ 25,5 ວັນ.

 

+ ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ

+ ​ເປີ​ດ​ສູນ​ການ​ຄ້າ​ ​ໂຣ​ໂຢ ຢູ່​ເຂດ​ເສດຖະກິດ​ສະ​ເພາະ​ບຶງ​ທາ​ດຫຼວງ

ກົນໄກນີ້, ໃນຂັ້ນຕໍ່ ໄປຈະ ອະນຸມັດບ່ອນດຽວ, ຖ້າຈຳເປັນ ຕ້ອງໃຫ້ກະຊວງຕ່າງໆອອກ ອະນຸມັດ ກໍໃຫ້ກຳນົດຈະແຈ້ງ. ຖ້າຄ້າງຢູ່ໃສຕ້ອງນຳໄປແກ້. ຖ້າບໍ່ເຮັດຕາມຕ້ອງລົງວິໄນ. ລັດຖະບານຈະບໍ່ປ່ອຍໃຫ້ສະ ພາບເປັນຢູ່ຄືປັດຈຸບັນນີ້, ຄາ ກົນໄກແກ້ກົນ, ຄາຄົນແກ້ຄົນ ທ່ານ ນາຍົກກ່າວເນັ້ນ.

- Wave100S AD to Website 2020 0 - ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ

ນອກຈາກນັ້ນ, ເພິ່ນຍັງ ໄດ້ຍົກໃຫ້ເຫັນເຖິງຈຸດແກ້ໄຂ ວ່າເພື່ອກຳຈັດສິ່ງກິດຂວາງ, ຝຶດເຄືອງ, ຫຍຸ້ງຍາກ ແລະ ສິ່ງ ທ້າທາຍດ່ັງກ່າວໃຫ້ໝົດໄປ ນັ້ນຕ້ອງໃຊ້ນະໂຍບາຍ 3 ເປີດ ຄື: ເປີດປະຕູໃຫ້ກວ້າງ, ສອງ ເປີດສິ່ງກີດຂວາງທີ່ມັນອຸດດັນ ແລະ ສາມແມ່ນເປີດໃຈ. ໃນ 3 ເປີດນີ້ ໂຕທີໜຶ່ງເຮົາພໍໄດ້ແລ້ວ. ໂຕທີສາມກໍພໍໃຊ້ໄດ້. ສ່ວນວ່າ ໂຕທີສອງແມ່ນຍັງຕິດຂັດແຕ່ ຈະພະຍາຍາມສູ້ຊົນຊົນແກ້ໄຂ ໃຫ້ໄດ້ນີ້ຄືບາງຕອນທີ່ທິດໄດ້ ຍົກເອົາຄຳເຫັນຂອງທ່ານ ນາ ຍົກລັດຖະມົນຕີ ທອງລຸນ ສີສຸລິດ ມາສະເໜີເພື່ອພ້ອມກັນຮັບຮູ້ ແລະ ຈັດຕັ້ງປະຕິ ແລະ ທັງ ເອົາ ມາເວົ້າສູ່ກັນຟັງ.

ໃນຄວາມເປັນຈິງແລ້ວ, ເວົ້າເຖິງຂັ້ນຕອນອະນຸມັດການລົງທຶນ ຫລື ວ່າການດຳເນີນທຸ ລະກິດຢູ່ບ້ານເຮົາໃນຫລາຍປີ ຜ່ານມາກໍຫາກແມ່ນຄືຄຳທ່ານ ນາຍົກລັດຖະ ມົນຕີເວົ້າອີ່ຫລີ ດ້ວຍສາເຫດນີ້ລະຈຶ່ງມີຜົນກະ ທົບໄປໃຫ້ພວກທີ່ຈະມາລົງທຶນ ເຂົາຕ້ອງໄດ້ເສຍເວລາລໍຖ້າ ເປັນ ເວລາດົນນານກວ່າຈະໄດ້ຮັບ ຄຳຕອບ. ຍິ່ງໄປກວ່ານັ້ນ, ບາງ ກໍລະນີກໍ່ຖືກຕັດຟາວຍ້ອນເສຍ ເວລາ ແລະ ເສຍເງິນກ້ອງໂຕະ ຫລາຍຕິດຕໍ່ກ່ອນໜ້ານັ້ນຄື ຊ່ວງໄລຍະຫ້າປີ, ສິບປີຜ່ານ ທິດກ່ຳ ເຄີຍໄດ້ຍິນສັງຄົມເຂົາ ເຫີ່ ກັນຊຸບຊີບວ່າກວ່າຈະໄດ້ເຊັນ ເອກະສານໃນການຂໍອະນຸມັດ ດຳເນີນທຸລະກິດຕ້ອງໄດ້ປ່ອນ ເງິນກ້ອງໂຕະຫລາຍເຕີບເອ ກະສານຈຶ່ງແລ່ນອອກມາຈາກ ກ້ອງໂຕະຂອງເລຂາຜູ້ເຕີບ. ສະຫລຸບແລ້ວຜູ້ໃດເປັນເລຂາ ນາຍບໍ່ມີຄຳວ່າທຸກເພາະມີແຕ່ ໄດ້ກັບໄດ້ບາງຄົນມີເງິນມີຄຳ, ມີດິນດອນຕອນຫຍ້າ ແລະ ມີ ຄະລືຫາດຫລາຍຫລັງ. ນີ້ຄື ຜົນໄດ້ຂອງຜູ້ເຮັດ ແລະ ຜົນເສຍ ຂອງປະເທດຊາດນີ້ຄືຈຸດໜຶ່ງ ທີ່ຂາດການເຊື້ອໝັ້ນຕໍ່ຜູ້ລົງ ທຶນ, ການເສຍຜົນປະໂຫຍດ ດ້ານລົບຢ່າງໃຫຍ່ຫລວງຕໍ່ປະ ເທດຊາດ.

ຕາມທິດກ່ຳວ່າ: ເວົ້າເຖິງ ແນວ ທາງນະໂຍບາຍຂອງພັກ ແລະ ລັດຖະບານທີ່ໄດ້ວາງ ອອກແຕ່ລະໄລຍະນັ້ນແມ່ນດີ ເລີດ ແລະ ທັງສອດຄ່ອງກັບ ຍຸກສະໄໝແຕ່ລະໄລຍະແຕ່ເມື່ອ ຖືກເອົາໄປຈັດຕັ້ງຜັນຂະຫຍາຍມັນເຮັດໃຫ້ບໍ່ໄດ້ເຕັມເມັດເຕັມ ໜ່ວຍ.ຍ້ອນມີພວກສວຍໂອ ກາດຈຳນວນໜຶ່ງເອົາຖານະ ຕຳແໜ່ງ ຫລື ໜ້າທີ່ຂອງຕົນ ໄປແອບແຝງສວຍໃຊ້ ແລະ ຮັບ ໃຊ້ຜົນປະໂຫຍດສ່ວນຕົວ ແລະ ກຸ່ມກ້ອນແນວໃດກໍຕາມເຮົາ ຄິດວ່າໃນຂັ້ນຕໍ່ໄປນະໂຍບາຍ 3 ເປີດຕໍ່ທຸລະກິດທີ່ ທ່ານ ນາ ຍົກວ່ານັ້ນຈະແກ້ໄຂຄວາມງ່າຍ ໃຫ້ດີຂຶ້ນ ແລະ ຄວາມຍາກໃຫ້ ຫລຸດລົງຢ່າງໄວວາ ແລະ ເປັນຮູບປະທຳ.

ໂດຍ: ທິດກ່ຳ

- WhatsApp Image 2020 05 27 at 5 - ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ
- WhatsApp Image 2020 05 27 at 5 - ຄວາມງ່າຍໃຫ້ດີຂຶ້ນຄວາມຍາກໃຫ້ຫລຸດລົງ
error: Alert: ເນື້ອຫາຂ່າວມີລິຂະສິດ !!