ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ

- 25577371 552460115105413 1101424029 o - ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ
- Untitled design - ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ

ທ່າມ​ກາງ​ການ​ຈະ​ເລີນ​ໂຕ​ທາງ​ດ້ານ​ເສດ​ຖະ​ກິດ​ນັ້ນ ເຮັດ​ໃຫ້​ພວກ​ເຮົາ​ມີ​ເຄື່ອງ​ຂອງ​ບໍ​ລິ​ໂພກ ແລະ​ອຸ​ປະ​ໂພກ​ເພີ່ມຂຶ້ນ, ສິ່ງ​ເສດ​ເຫລືອ​ກໍ​ຫລາຍ​ຂຶ້ນ ໂດຍ​ສະ​ເພາະ​ໃນ​ເຂດ​ຕົວ​ເມືອງ. ແຕ່​ພ້ອມນັ້ນ ລະ​ບົບ​ການ​ກຳ​ຈັດ ຫລື​ຄຸ້ມ​ຄອງ ສິ່ງ​ເສດ​ເຫລືອ​ຂອງ ເຮົາ​ຍັງ​ອ​່ອນ​ນ້ອຍ, ມັນ​ໄດ້​ກາຍ​ເປັນ​ສິ່ງ​ທ້າ​ທາຍ ​ທີ່​ຈະ​ເຮັດ​ໃຫ້ ການ​ພັດ​ທະ​ນາເສດ​ຖະ​ກິດ-ສັງ​ຄົ​ມ​ທີ່​ເຕີບ​ໃຫຍ່​​ຢ່າງວ່ອງໄວ ​ສາ​ມາດ​ໄປຄຽງ​ຄູ່​ກັບ​ການ​ຄຸ້ມ​ຄອງ​ສິ່ງ​ເສດ​ເຫລື​ອ​ຢ່າງ​ຍືນ​ຍົງ.

ມາ​ໃນ​ປັດ​ຈຸ​ບັນ​ການ ຜະ​ລິດ​ສິ່ງ​ເສດ​ເຫລືອໄ​ດ້​ເພີ່ມ​ຂຶ້ນ​ຢ່າງວ່ອງ​ໄວ ໂດຍ​ສະ​ເພາະ​ໃນ​ຕົວ​ເມືອງ, ອີງ​ຕາມ​ບົດ​ລາຍ​ງານ ຂອງ ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ ແລະ​ສິ່ງ​ແວດ​ລ້ອມ ຮ່ວມ​ກັບ ອົງ​ການ ສ​ປ​ຊ ເພື່​ອ​ສິ່ງ​ແວດ​ລ້ອມ (UNEP) ວ່າ​ດ້ວຍ​ມຸມມ​ອ​ງ​ສິ່ງ​ແວດ​ລ້ອມ​ໃນສ​ປ​ປ​ລາວ ໃຫ້​ຮູ້​ວ່າ ໃນ​ຕົວ​ເມືອງ​ໃຫຍ່​ຂອງ ສ​ປ​ປ​ລາວ ໂດຍ​ສະ​ເລ່ຍ ຜູ່​ໜຶ່ງ​ຜະ​ລິດ ສິ່ງ​ເສດ​ເຫລືອແຕ່ 0,8-1,4 ກິ​ໂລ/ວັນ, ເມື່ອ​ເປັນ​ເຊັ່ນ​ນັ້ນ ນະ​ຄອນ​ຫລວງວຽງ​ຈັນ ທີ່​ມີປະ​ຊາ​ກອນ​ ​ປະ​ມານ 8 ແສນກວ່າ​ຄົນ, ສິ່ງ​ເສດ​ເຫລືອ​ ກໍ​ຄົງ​ບໍ່​ຕໍ່າກວ່າ 1000 ໂຕນ​ຕໍ່​ວັນ ແຕ່​ສິ່ງ​ເສດ​ເຫລືອ​ເຫລົ່າ​ນັ້ນ ເຮົາ​ສາ​ມາດ​ເກັບ​ເອົາ​ໄປ​​ກຳ​ຈັດ​ຢູ່​ສະໜາມ​ຖິ້ມ​ຂີ້​ເຫຍື້ອ ​ທີ່​ຈັດ​ສັນ ໄດ້​ພຽງ​ແຕ່ 45-50% ເທົ່າ​ນັ້ນ.

ຄຽງ​ຄູ່​ກັນ​ນັ້ນ ການ​ຖິ້ມ​ຂີ້​ເຫຍື້ອ​ຊະ​ຊາຍ​ຍັງ​ມີ​ໃຫ້​ເຫັນ​ຢ່າງກວ້າງ​ຂວາງ ໂດຍ​ສະ​ເພາະ​ເຂດ​ແຄມທາງ​ຫລວງ ທີ່​ໃ​ກ້​ກັບ​ຕົວ​ເມືອງ ເຊິ່ງ​ເປັນ​ພາບ​ພົດ​ອັນ​ບໍ່​ໜ້າ​ອາ​ພິ​ລົມ​ຢ່າງ​ຍິ່ງ ທັງ​ສ່ຽງ​ຕໍ່​ການ​ເກີດ​ພະ​ຍາດ​ລະ​ບາດ ແລະ​ທັງ​ເປັນ​ຄວາມ​ໜ້າ​ອຽງ​ອາຍ​ຕໍ່​ ແຂກ​ຄົນ​ຕ່າງ​ປະ​ເທດ​ທີ່​ເຂົ້າ​ມາ​ໃນ​ປະ​ເທດ​ເຮົາ​ໃນ​ຖາ​ນະ​​ນັກທ່ອງ​ທ່ຽວ ແຕ່​​ເຮົາ​ສາ​ມາດ​ຈິນ​ຕະ​ນາ​ການໄດ້​ວ່າ ເມື່ອ​ເຂົາ​ເຈົ້າ​ເຫັນ​ພາບ​ເຫລົ່າ​ນັ້ນ​ແລ້ວ, ຄວາມ​ສວຍ​ງາມ​ໃນ​ຈິດ​ໃຈ​ຂອງ​ເຂົາ​ເຈົ້າ​​ທີ່ມີ​ຕໍ່​ເຮົາ​ກໍ​ຄົງ​ຫລຸດ​ລົງ​ບໍ່​ແມ່ນ​ໜ້ອຍ.

ເຮົາ​ມາ​ຄິດ​ຄຳ​ນຶງ​ໄດ້​ວ່າ ສາ​ເຫດ​ທີ່​ພາ​ໃ​ຫ້​ເກີດ​ສິ່ງ​ດັ່ງ​ກ່າວນັ້ນ ແມ່ນ​ຫຍັງ, ແນ່ນອນ​ອາດ​ມີ​ຫລາຍ​ຄຳ​ຕອບ ແຕ່​ເຊື່ອ​ແນ່​ວ່າ​ໃນ​ບັນ​ດາ​ຄຳ​ຕອບ​ເຫລົ່າ​ນັ້ນ ແມ່ນ​ການ​ຂາດ​ການ​ຮ່ວມ​ມື​ຂອງ​ສາ​ທາ​ລະ​ນະ​ຊົນ, ຄວາມ​ອາດ​ສາ​ມາດ​ຂອງ​ຂະ​ແໜງ​ການ​ຍັງ​ອ​ອ່ນ​ນ້ອຍ ບໍ່​ວ່າ​ທາງ​ດ້ານ​ບຸກ​ຄະ​ລາ​ກອນ ແລະເຄື່ອງ​ມື ເຊັ່ນ: ລົດ​ເກັບ​ຂີ້​ເຫຍື້ອ​ທີ່​ເກົ່າ​ແກ່, ​ການ​ສະ​ໜອງ​ ງົບ​ປະ​ມານໃນການ​ຄຸ້ມ​ຄອງ : ການ​ຈັດ​ສັນ​ສະ​ຖານ​ທີ່​ກຳ​ຈັດ​ຂີ້​ເຫຍື້ອ​ທີ່​ໄດ້ມາດ​ຕະ​ຖານ ຍັງຈຳ​ກັດ.

- Wave100S AD to Website 2020 0 - ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ

​ເມື່ອ​ເປັນ​ເຊັ່ນ​ນັ້ນ ທຸກ​ພາກ​ສ່ວນ​ຕ້ອງ​ໄດ້​ປະ​ກອບ​ສ່ວນ​ໃນ​ການ​ຄຸ້ມ​ຄອງ​ສິ່ງ​ເສດ​ເຫລືອ​ຮ່ວມ​ກັນ, ເຖິງ​ແມ່ນ​ວ່າ ມາ​ຮອດ​ທຸກມື້ນີ້ ເຮົາ​ຍັງ​ບໍ່​ມີ​ລະ​ບຽບ​ກົດ​ໝາຍ​ສະ​ເພາະ​ໃນ​ການ​ຄຸ້ມ​ຄອງ​ສິ່ງ​ເສດ​ເຫລືອ​ກໍ​ຕາມ ແຕ່​ໃນ ກົດ​ໝາຍ​ວ່າ​ດ້ວຍ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ ​ຂອງ ສ​ປ​ປ​ລາວ ສະ​ບັບ​ປັບ​ປຸງ​ປີ 2012, ມາດ​ຕາ 38 ວ່າ​ດ້ວຍ​ການ​ກຳ​ຈັດ​ສິ່ງ​ເສດ​ເຫລືອ ວັກ​ທີ​ໜຶ່ງ​ກ່າວ​ວ່າ: ການກຳຈັດສິ່ງເສດເຫລືອທົ່ວໄປ ທີ່ບໍ່ເປັນພິດ ເປັຕົ້ນ ຂີ້ເຫຍື້ອຕ້ອງ ແຍກເປັນເປົ້າໝາຍຕ່າງໆ ເຊັ່ນ ນຳໃຊ້ຄືນໃໝ່, ຜະລິດຄືນໃໝ່, ແປຮູບເປັນຜະລິດຕະພັນໃໝ່, ທຳລາຍຕາມວິທີການ, ເຕັກນິກ ແລະໃນເຂດທີ່ກຳນົດໄວ້ຕາມລະບຽບການ. ນອກ​ເໜືອ​ຈາ​ການ​ປະ​ຕິ​ບັດ​ຂໍ້​ກຳ​ນົດ ໃນ​ກົດ​ໝາຍ​ດັ່ງ​ກ່າວ​ຮ່ວມ​ກັນ​ຢ່າງ​ເຄັ່ງ​ຄັດ​ແລ້ວ, ແນ່ນ​ອນ​ການ​ສ້າງ​ລະ​ບຽບ​ການ​ສະ​ເພາະ ເພື່ອ​ການ​ຄຸ້ມ​ຄອງ​ສິ່ງ​ເສດ​ເຫລືອ​ໃນ ສ​ປ​ປ​ລາວ ເປັນ​ສິ່ງ​ຈຳ​ເປັນ ເພື່ອ​​ແນ​ໃສ່ ການກ້າວ​ເຂົ້າ​ສູ່ລະ​ບົບ​ ການ​ກຳ​ຈັດ​ສິ່ງ​ເສດ​ເຫລືອໃຫ້​ໄດ້​ມາດ​ຕະ​ຖານ, ປະ​ກອບ​ສ່ວນ ແລະ​ເປັນ​ອົງ​ປະ​ກອບ​ສຳ​ຄັນ​ໃນ​ບາດ​ກ້າວ​ການ​ຂະ​ຫຍາຍ​ຕົວ​ເສດ​ຖະ​ກິດ​ສັງ​ຄົມ​ຂອງ​ຊາດ, ພ້ອມນັ້ນ ການ​ປູກ​ຝັງ​ຈຶດ​ສຳ​ນຶກ​ໃຫ້​ແກ່​ປະ​ຊາ​ຊົນ​ເຮົາ​ໃນ​ການ​ຄຸ້ມ​ຄອງ​ສິ່ງ​ເສດ​ເຫລືອ ກໍ​ແມ່ນ​ໜ້າ​ວຽກ​ທີ່​ສຳ​ຄັນ​ບໍ່​ຕ່ຳ​ໄປ​ກວ່າ​ກັນ ເພື່ອ​ເຮັດ​ໃຫ້​ເຮົາ ຍາດ​ໄດ້ທັງ​ການ​ພັດ​ທະ​ນາ​ທີ່​ດີ ແລະ​ການ​ຄຸ້ມ​ຄອງ​ສິ່ງ​ເສດ​ເຫລືອ​ທີ່​ຍືນ​ຍົງ, ປະກອບສ່ວນໃຫ້ ປີ 2018 ເປັນປີທ່ອງທ່ຽວລາວທີ່ໄປທາງໃດກໍມີແຕ່ຄວາມສະອາດຈົບງາມ.

- WhatsApp Image 2020 05 27 at 5 - ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ
- WhatsApp Image 2020 05 27 at 5 - ການ​ຄຸ້ມ​ຄອງ​ສິ່ງເສດ​ເຫລືອ: ອົງ​ປະ​ກອບ​ສຳ​ຄັນ​ໃນ​ການ​ພັດ​ທະ​ນາ
error: Alert: ເນື້ອຫາຂ່າວມີລິຂະສິດ !!