ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ

- 25348481 1220716591293903 267591108163158256 n - ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ
- Untitled design - ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ

​ໃນ​ວັນ​ທີ 14 ທັນວາ​ນີ້, ກອງບັນຊາການ ປກສ ນະຄອນຫລວງວຽງຈັນ ໄດ້ອອກແຈ້ງການເຖິງບັນດາສໍານັກງານ-ອົງການພັກ-ລັດ, ໂຮງຈັກ-ໂຮງງານ, ໂຮງຮຽນ, ໂຮງແຮມ, ເຮືອນພັກ, ໂຮງໝໍ, ຕະຫລາດ, ຫົວໜ່ວຍທຸລະກິດຕ່າງໆ ແລະ ຄຸ້ມບ້ານເຮືອນຊານຂອງປະຊາຊົນທັງຊາວຕ່າງດ້າວ ແລະ ຊາວຕ່າງປະເທດທົ່ວນະຄອນຫລວງວຽງຈັນໃຫ້ເພີ່ມທະວີປ້ອງກັນສະກັດກັ້ນ ແລະ ຕ້ານອັກຄີໄພ​ໃນ​ລະດູ​ແລ້ງ​ນີ້​ໃຫ້​ດີ, ​ໂດຍ​ສະ​ເພາະໃນໂອກາດສົ່ງທ້າຍປີເກົ່າຕ້ອນຮັບປີໃໝ່ສາກົນທີ່ຈະມາເຖິງນີ້, ເພື່ອເປັນການປົກປັກຮັກສາຊີວິດ ແລະ ຊັບສິນຂອງຕົນໃຫ້ມີຄວາມສະຫງົບປອດໄພ, ທັງເປັນການປະກອບສ່ວນຢ່າງຕັ້ງໜ້າເຂົ້າໃນວຽກງານປ້ອງກັນຊາດ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມມີ​ປະສິດທິພາບ​ດີ​ຂຶ້ນ.

ແຈ້ງການລະບຸ​ວ່າ: ການ​ນໍາໄຟຟ້າເຂົ້າໃນການຜະລິດ, ການດຳລົງຊີວິດປະຈຳວັນ ຫລື ວຽກງານອື່ນໆ ຕ້ອງປະຕິບັດຂໍ້ກຳນົດຫລັກການຂອງບໍລິສັດໄຟຟ້າວາງອອກຢ່າງເຂັ້ນງວດ, ເອົາໃຈໃສ່ກວດກາສາຍໄຟຟ້າ, ອຸປະກອນ-ເຄື່ອງໃຊ້ໄຟຟ້າຕ່າງໆໃຫ້ຢູ່ໃນສະພາບສົມບູນ, ຖ້າເຫັນວ່າເກົ່າເປ່ເພບໍ່ຮັບປະກັນຕ້ອງໄດ້ປ່ຽນໃໝ່, ທຸກຄັ້ງທີ່ໃຊ້ຟືນໄຟ ແລະ ອຸປະກອນ-ເຄື່ອງໃຊ້ໄຟຟ້າສຳເລັດແລ້ວກ່ອນອອກຈາກເຮືອນ, ບ່ອນເຮັດວຽກ, ບ່ອນຄ້າຂາຍ, ເຂົ້ານອນ ຫລື ທຳພາລະກິດອື່ນໆ ຕ້ອງກວດກາປິດເຕົາແກັດ, ເຄື່ອງໃຊ້ໄຟຟ້າ, ຖອດປັກສຽບ ແລະ ມອດຟືນໄຟໃຫ້ລະອຽດ.

ການໄຕ້ທູບທຽນບູຊາຕ້ອງຮັບປະກັນຄວາມປອດໄພ ແລະ ເອົາໃຈໃສ່ຕິດຕາມມອດໄຟລະອຽດແລ້ວຈຶ່ງອອກໄປທາງອື່ນ. ບັນດາສໍານັກງານ, ອົງການຈັດຕັ້ງ, ບໍລິສັດ, ຫົວໜ່ວຍທຸລະກິດ ແລະ ອຳນາດການປົກຄອງທ້ອງຖິ່ນ ຕ້ອງເພີ່ມທະວີຄວາມເອົາໃຈໃສ່ໃນການຈັດຕັ້ງປ້ອງກັນເວນຍາມສະຖານທີ່ຕົນຮັບຜິດຊອບຢ່າງເຂັ້ມງວດ, ພ້ອມທັງຫ້າງຫາກະກຽມອຸປະກອນມອດໄຟໃຫ້ມີຄວາມພ້ອມທຸກເວລາ.

ແຈ້ງການດັ່ງກ່າວຍັງຫ້າມຈູດຂີ້ເຫຍື້ອ, ປ່າ, ຫຍ້າແບບຊະຊາຍ, ເຊິ່ງຈະເປັນຕົ້ນເຫດຂອງການເກີດອັກຄີໄພ, ຫ້າມຈູດວັດຖຸທີ່ເປັນທາດແຕກ, ທາດລະເບີດ, ໝາກກະໂພກ, ບັ້ງໄຟດອກ, ບັ້ງໄຟພຸ ທີ່ກໍ່ໃຫ້ເກີດອັນຕະລາຍ ແລະ ເກີດອັກຄີໄພ, ຫ້າມເອົານ້ຳມັນເຊື້ອໄຟມາໄວ້ໃນເຮືອນ ຫລື ຕັ້ງຂາຍແຄມທາງ ແລະ ນຳມາເກັບໄວ້ໃນສຳນັກງານອົງການ, ໂຮງແຮມ, ບ້ານພັກ, ຕະຫລາດ ແລະ ຫ້າງຮ້ານຕ່າງໆ. ບຸກຄົນ, ນິຕິບຸກຄົນ, ຖ້າພາກສ່ວນໃດລະເມີດຈະຖືກແນະນຳ, ຕັກເຕືອນ, ສຶກສາອົບຮົມ ແລະ ປັບໃໝ, ພ້ອມທັງດຳເນີນຄະດີຕາມລະບຽບກົດໝາຍ, ຖ້າເກີດອັກຄີໄພໃຫ້ແຈ້ງໝາຍເລກ: 1190 ຫລື 021-212 707.

- Wave100S AD to Website 2020 0 - ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ

 

- WhatsApp Image 2020 05 27 at 5 - ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ
- WhatsApp Image 2020 05 27 at 5 - ປກສ ນະຄອນຫລວງ​ວຽງ​ຈັນ​ເນັ້ນໃຫ້ເພີ່ມທະວີປ້ອງກັນ ແລະ ຕ້ານອັກຄີໄພ
error: Alert: ເນື້ອຫາຂ່າວມີລິຂະສິດ !!