ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ

- TVT - ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ
- Untitled design - ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ

ບັນດາຄະນະປະຈຳພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກອ້ອງຂ້າງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ເຊື່ອມຊຶມ 4 ເອກະສານສຳຄັນຂອງຊາດຄື: ມູນເຊື້ອວັນມະຫາປະຕິວັດເດືອນຕຸລາລັດເຊຍຄົບຮອບ 100 ປີ (7 ພະຈິກ 1917-7 ພະຈິກ 2017), ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 (18 ກໍລະກົດ 1977-18 ກໍລະກົດ 2017) ແລະ ວັນສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ 55 ປີ (5 ກັນຍາ 1962-5 ກັນຍາ 2017), ວັນສະຖາປານາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ (2 ທັນວາ 1975-2 ທັນວາ 2017) ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97 ປີ (13 ທັນວາ 1920-13 ທັນວາ 2017), ໂດຍການເຜີຍແຜ່ຂອງສະຫາຍ ບົວເງິນ ຊາພູວົງ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ຖວທ.

ສະຫາຍ ບົວເງິນ ຊາພູວົງ ກ່າວວ່າ: ການເຊື່ອມຊຶມເອກະສານຄັ້ງນີ້, ເປັນການເພີ່ມຄວາມເຊື່ອໝັ້ນຕໍ່ການຊີ້ນຳ-ນຳພາຂອງພັກ ແລະ ລັດ ແລະ ເພື່ອສືບຕໍ່ປັບປຸງພັກຂອງພວກເຮົາເປັນພັກກຳອຳນາດ, ມີອິດທິພົນທີ່ສາມາດເປັນແກນນຳ-ນຳພາປະເທດຊາດຂອງພວກເຮົາກ້າວໄປສູ່ໄຊຊະນະອັນໃໝ່, ພ້ອມທັງທົບທວນຄືນຜົນງານ ແລະ ໄຊຊະນະຂອງວັນມະຫາປະຕິວັດເດືອນຕຸລາລັດເຊຍ ແລະ ຂອງພວກເຮົາຕະຫລອດໄລຍະ 42 ປີຜ່ານມາ, ເຊິ່ງພວກເຮົາຄົນຮຸ່ນຫລັງຈົ່ງໄດ້ອອກແຮງຮ່ຳຮຽນເອົາມູນເຊື້ອ, ຄວາມສາມັກຄີ, ມູນເຊື້ອດຸໝັ່ນຂະຫຍັ່ນພຽນ ແລະ ພິລະອາດຫານຕໍ່ສູ້ບໍ່ຍອມຈຳນົນຂອງຄົນຮຸ່ນກ່ອນ, ພ້ອມນີ້ກໍຕ້ອງຮັກສາ ແລະ ເສີມຂະຫຍາຍມູນເຊື້ອການເຕີບໃຫຍ່ຂະຫຍາຍຕົວຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມໃຫ້ໝັ້ນຄົງທະນົງແກ່ນຕະຫລອດກາລະນານ, ຮ່ຳຮຽນເອົາແບບຢ່າງອັນດີງາມຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກທີ່ໄດ້ນຳພາປວງຊົນລາວທັງຊາດ, ຕໍ່ສູ້ຕ້ານລັດທິລ່າເມືອງຂຶ້ນທັງແບບເກົ່າ ແລະ ໃໝ່ສາມາດສະຖາປານາສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ໄດ້ຢ່າງມີໄຊ.

- Wave100S AD to Website 2020 0 - ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ
- WhatsApp Image 2020 05 27 at 5 - ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ
- WhatsApp Image 2020 05 27 at 5 - ສະມາຊິກພັກອ້ອມຂ້າງກະຊວງ ຖວທ ເຊື່ອມຊຶມ 4 ເອກະສານສຳຄັນຂອງຊາດ
error: Alert: ເນື້ອຫາຂ່າວມີລິຂະສິດ !!