ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ

- Public Traffic law - ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ
- Untitled design - ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ

ຄູອາຈານ ແລະ ນ້ອງນັກສຶກສາໂຮງຮຽນວິຊາຊີບການຊ່າງແຂວງຫລວງພະບາງຫລາຍກວ່າ 500 ຄົນ, ໄດ້ເຂົ້າຮ່ວມຮັບຟັງການເຜີຍແຜ່ລະບຽບຈະລາຈອນ ເພື່ອແນໃສ່ໃຫ້ນັກຮຽນ-ນັກສຶກສາໄດ້ຮັບຮູ້ກ່ຽວກັບການຂັບຂີ່ທີ່ຖືກຕ້ອງ ແລະ ປອດໄພຫລາຍຂຶ້ນ, ໂດຍການເຜີຍແຜ່ຂອງເຈົ້າໜ້າທີ່ຕໍາຫລວດຈະລາຈອນແຂວງດັ່ງກ່າວ, ເຊິ່ງໄດ້ຍົກໃຫ້ເຫັນວ່າຜ່ານມາມີນັກຂັບຂີ່ຈໍານວນໜຶ່ງຍັງຖືເບົາຕໍ່ການເຄົາລົບກົດລະບຽບຈະລາຈອນ ເປັນຕົ້ນ: ຂັບ​ຂີ່​ລົດ​ໄວ, ລ່ວງປ້າຍຫ້າມ, ລ່ວງໄຟອໍານາດ, ດື່ມ​ສິ່ງ​ມືນ​ເມົາແລ້ວຂັບຂີ່, ເອກະສານລົດບໍ່ຄົບຖ້ວນ,​ ດັດແປງສະພາບລົດທີ່ຜິດລະບຽບໃຫ້ເກີດມີສຽງດັງ ແລະ ອື່ນໆ, ອັນເປັນສາເຫດຕົ້ນຕໍພາໃຫ້ເກີດອຸປະຕິເຫດຕາມມາຄືດັ່ງ​ໃນ​ເດືອນພະຈິກ​ຜ່ານ​ມາ, ທົ່ວ​ແຂວງ​ຫລວງ​ພະ​ບາງ​ມີ​ອຸປະຕິ​ເຫດ​ເກີດ​ຂຶ້ນ 26 ຄັ້ງ, ພາຫະນະ​ເປ່​ເພ 40 ກວ່າຄັນ, ມີຜູ້ໄດ້ຮັບ ​ບາດ​ເຈັບ 40 ກວ່າຄົນ ແລະ ​ເສຍ​ຊີວິດ 5 ຄົນ ແລະ ຜູ້ເກີດອຸປະຕິເຫດສ່ວນຫລາຍກໍແມ່ນຊາວໜຸ່ມ. ສະນັ້ນ, ເພື່ອຫລີກລ່ຽງບໍ່ໃຫ້ເກີດຄວາມສູນເສຍຄືດັ່ງກ່າວ, ຂໍຮຽກຮ້ອງນັກຮຽນ-ນັກສຶກສາກໍຄືນັກຂັບຂີ່ທຸກຄົນໃຫ້ເຄົາລົບກົດຈະລາຈອນຢ່າງເຂັ້ມງວດ, ການຂັບຂີ່ຍວດຍານພາຫະນະກໍໃຫ້ມີຄວາມລະມັດລະວັງຄ່ອຍໄປຄ່ອຍມາ, ເພື່ອເຮັດໃຫ້ການສັນຈອນໄປມາມີຄວາມເປັນລະບຽບຮຽບຮ້ອຍ ແລະ ປອດໄພຫລາຍຂຶ້ນ.

ຂ່າວ-ພາບ : ຫນັງສືພິມ ປກສ

- Wave100S AD to Website 2020 0 - ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ
- WhatsApp Image 2020 05 27 at 5 - ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ
- WhatsApp Image 2020 05 27 at 5 - ເຜີຍແຜ່ລະບຽບການຂັບຂີ່ໃຫ້ນັກສຶກສາວິຊາຊີບການຊ່າງແຂວງຫລວງພະບາງ
error: Alert: ເນື້ອຫາຂ່າວມີລິຂະສິດ !!