ລາວນຳສະເໜີບົດລາຍງານດ້ານປະຊາກອນ

- Lao Population Report - ລາວນຳສະເໜີບົດລາຍງານດ້ານປະຊາກອນ
- Untitled design - ລາວນຳສະເໜີບົດລາຍງານດ້ານປະຊາກອນ

ວັນທີ 19 ທັນວານີ້, ທ່ານ ກິແກ້ວ ຈັນທະບູນ ຮອງລັດຖະມົນຕີກະຊວງແຜນການ ແລະ ການລົງທຶນ ຮ່ວມກັບນາງ ເຟຼເດີຣິກາ ເມເຢີ ຜູ້ຕາງໜ້າອົງການ UNFPA ປະຈຳ ລາວ, ໄດ້ຈັດພິທີນຳສະເໜີບົດລາຍງານດ້ານປະຊາກອນ, ການເຊື່ອມໂຍງ ລະຫວ່າງ ສິດທິດ້ານສຸຂະພາຍຈະເລີນພັນຂອງຜູ້ຍິງ ແລະ ການຫລຸດຜ່ອນອອກຈາກຄວາມທຸກ ຍາກ ຂຶ້ນທີ່ນະຄອນຫລວງວຽງຈັນ, ເພື່ອເຮັດໃຫ້ເຂົາເຈົ້າມີສິດໃນການຕັດສິນໃຈ ຕໍ່ຊີວິດການເປັນຢູ່ຂອງຕົນ, ຊຶ່ງຢູ່ຫລາຍປະເທດ ກໍໄດ້ປະເຊີນໜ້າກັບບັນຫາການ ບັນລຸເປົ້າໝາຍການພັດທະນາຕາມບົດລາຍງານປະຊາກອນປີ 2017 ເຊັ່ນກັນ.

ທ່ານຮອງລັດຖະມົນຕີ ກ່າວວ່າ: ຢູ່ ສປປ ລາວ ການເຂົ້າເຖິງການວາງແຜນ ຄອບຄົວ ແລະ ການໃຫ້ບໍລິການດ້ານສຸຂະພາບທາງເພດ ແລະ ສຸຂະພາບຈະເລີນພັນ ຍັງມີສິ່ງທ້າທາຍຢ່າງຫລວງຫລາຍ, ເຖິງແມ່ນວ່າ ປະເທດເປັນ 1 ໃນ 9 ປະເທດໃນ ທົ່ວໂລກ ທີ່ບັນລຸເປົ້າໝາຍສະຫະສະຫວັດແຫ່ງການພັດທະນາ ເພື່ອຫລຸດຜ່ອນອັດຕາ ການຕາຍຂອງແມ່ 75% ລະຫວ່າງປີ 1990-2015, ແຕ່ອັດຕາສ່ວນ ກໍຍັງສູງຢູ່ທີ່ 206/100.000 ຄົນຂອງການເສຍຊີວິດ. ອີກຢ່າງໜຶ່ງອັດຕາການຈະເລີນພັນຂອງ ໄວໜຸ່ມກໍຍັງສູງໃນພາກພື້ນແມ່ນ້ຳຂອງ 76 ໃນ 1.000 ຄົນຂອງໄວໜຸ່ມຍິງ ແລະ ອັດຕາການແຕ່ງງານແຕ່ອາຍຸຍັງນ້ອຍກໍສູງເຊັ່ນດຽວກັນ. ພ້ອມນີ້ ການເຂົ້າເຖິງການ ບໍລິການ, ການວາງແຜນຄອບຄົວ ແລະ ການບໍລິການດ້ານສຸຂະພາບຈະເລີນພັນແມ່ນບໍ່ ພຽງແຕ່ຈະມີຜົນຕໍ່ທາງສຸຂະພາບ ແຕ່ກໍຍັງມີຜົນກະທົບຕໍ່ຄວາມສາມາດທາງເສດຖະກິດ ແລະ ການສຶກສາຂອງຜູ້ຍິງ, ຊຶ່ງການຖືພາແບບບໍ່ຕັ້ງໃຈ ແລະ ການມີສຸຂະພາບທີ່ບໍ່ແຂງ ແຮງ ແມ່ນໄດ້ເຮັດໃຫ້ຜູ້ຍິງຢຸດການຊອກຫາວຽກເຮັດງານທຳນອກບ້ານ ແລະ ຈຳກັດ ທັດສະນະຄະຕິຂອງພວກເຂົາຕໍ່ຄວາມສາມາດທາງເສດຖະກິດ. ນອກນີ້ ຍັງມີຜົນຕໍ່ການ ລ້ຽງດູລູກຂອງເຂົາເຈົ້າອີກດ້ວຍ, ຍ້ອນວ່າຜູ້ໄດ້ປະເຊີນກັບບັນຫາການແບ່ງແຍກໃນ ການຈ້າງງານ ແລະ ອື່ນໆ.

- Wave100S AD to Website 2020 0 - ລາວນຳສະເໜີບົດລາຍງານດ້ານປະຊາກອນ
- WhatsApp Image 2020 05 27 at 5 - ລາວນຳສະເໜີບົດລາຍງານດ້ານປະຊາກອນ
- WhatsApp Image 2020 05 27 at 5 - ລາວນຳສະເໜີບົດລາຍງານດ້ານປະຊາກອນ
error: Alert: ເນື້ອຫາຂ່າວມີລິຂະສິດ !!