ລະວັງເງື່ອມມືຂອງພວກຄ້າມະນຸດມາໃນຮູບແບບໃໝ່

- AGL banner - ລະວັງເງື່ອມມືຂອງພວກຄ້າມະນຸດມາໃນຮູບແບບໃໝ່

ສະບາຍດີ, ເພື່ອນຜູ້ອ່ານທີ່ ຮັກແພງ, ເວົ້າເລື່ອງການຄ້າມະ ນຸດຫລາຍຄົນກໍຈະຮັບຮູ້ດີ, ມັນມີ ຫລາຍຮູບແບບທັງຕົວະຍົວະ ຫລອກລວງ, ທັງບັງຂັບໜີບເຕັງ ຫລື ລັກພາຕົວກໍມີ, ເພື່ອໄດ້ມາຜົນ ປະໂຫຍດອັນບໍ່ຊອບທຳຂອງ ພວກເຂົາ ແລະ ປັດຈຸບັນໄດ້ປະ ກົດມາໃນຮູບພາບໃໝ່ອີກດ້ວຍ ການຫລອກລວງຂໍແຕ່ງງານກັບ ຍິງສາວໃນເຂດຊົນນະບົດ, ຜູ້ທີ່ບໍ່ ຮູ້ເທົ່າເຖິງການສ່ວນຫລາຍຈະຕົກ ເປັນເຫຍື່ອຂອງພວກເຂົາ ແລະ ຮູບແບບນີ້ໄດ້ເກີດຂຶ້ນມາແລ້ວຢ່າງ ຮ້າຍແຮງຢູ່ບັນດາແຂວງພາກ ເໜືອຫວຽດນາມ, ກໍໃຫ້ເກີດສະ ພາບຄວາມບໍ່ສະຫງົບ, ລູກເສຍ, ແບບມ້າງຄອບຄົວແຕກຫັກມາ ແລ້ວນັບບໍ່ຖ້ວນ ແລະ ມີຫລາຍກໍ ລະນີໄດ້ມີພວກບໍ່ຫວັງດີຢູ່ພາຍ ໃນປະເທດແອບແຝງນຳ. ເພື່ອ ເປັນນາຍໜ້າຫາລາຍໄດ້ຈາກ ສິ່ງບໍ່ດີດັ່ງກ່າວກໍມີຢ່າງຫລວງ ຫລາຍ ແລະ ປັດຈຸບັນຮູບແບບ ການຄ້າມະນຸດແບບນີ້ໄດ້ແພ່ລາມ ມາຮອດບັນດາແຂວງພາກເໜືອ ເຮົາແລ້ວ, ໂດຍພວກເຂົາຈະໃຊ້ ຮູບແບບເຂົ້າຫາຄອບຄົວຜູ້ທຸກ ຍາກຂາດເຂີນຕໍ່ລອງດ້ວຍເງິນ ຄຳຈຳນວນໜຶ່ງໂດຍມີສັນຍາວ່າ: ຈະເອົາເປັນລູກເປັນເມຍແລ້ວ ພ້ອມກັນໄປນຳສະເໜີອຳນາດ ການປົກຄອງເພື່ອເຮັດໜັງສືຖືກ ຕ້ອງແລ້ວເອົາຂ້າມໄປປະເທດ ເຂົາຈາກນັ້ນກໍຕົກເປັນເຫຍື່ອບັງ ຂັບໃຫ້ຂາຍທາງເພດ, ຂູດຮີດ ແຮງງານ, ເຮັດເປັນຂ້ອຍຂ້າ, ຖືກ ທົບຕີທໍລະມານຢ່າງໂຫດຮ້າຍປ່າ ເຖື່ອນ, ມີຫລາຍຄົນບໍ່ມີໂອກາດ ໄດ້ກັບມາເຮືອນຊານເຫັນພໍ່ແມ່ ອີກແລ້ວ. ດັ່ງນັ້ນໃນສະພາບດັ່ງ ກ່າວ, ເບື້ອງເຈົ້າໜ້າທີ່ກໍຈະຕ້ອງ ໄດ້ເພີ່ມຄວາມເຂັ້ມແຂງໃນການ ຕ້ານ ແລະ ສະກັດກັ້ນສິ່ງຫຍໍ້ທໍ້ ດັ່ງກ່າວ, ສ່ວນເບື້ອງຂະແໜງ ກ່ຽວຂ້ອງ ແລະ ອຳນາດການ ປົກຄອງທ້ອງຖິ່ນກໍຈະໄດ້ອອກ ແຮງເຮັດວຽກງານໂຄສະນາ ເຜີຍແຜ່ຜົນຮ້າຍດັ່ງກ່າວໃຫ້ປະຊາ ຊົນຜູ້ຢູ່ເຂດຫ່າງໄກສອກ ຫລີກ ໄດ້ຮັບຊາບ ແລະ ມີສະຕິຫລີກ ເວັ້ນຕໍ່ສິ່ງບໍ່ດີດັ່ງກ່າວ, ເພື່ອຄວາມ ສົມບູນພູນສຸກຂອງຄອບຄົວ ແລະ ບ້ານເມືອງ.

 

+ ເມືອງໝື່ນໂຄສະນາຕ້ານການຄ້າມະນຸດ

+ ລາວເລັ່ງປັບປຸງຄູ່ມືສືບສວນຄະດີຕ້ານການຄ້າມະນຸດ

- Wave100S AD to Website 2020 0 - ລະວັງເງື່ອມມືຂອງພວກຄ້າມະນຸດມາໃນຮູບແບບໃໝ່

 

- lattana 1 - ລະວັງເງື່ອມມືຂອງພວກຄ້າມະນຸດມາໃນຮູບແບບໃໝ່
error: Alert: Content is protected !!