ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ

- 1513737639543 960x0 - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ
- Untitled design - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ

ສະມັດຊາ​ໃຫຍ່​ສະຫະ​ປະຊາ​ຊາດ (UN) ຈະ​ເປີດ​ກອງ​ປະຊຸມ​ສຸກ​ເສີນ​ໃນ​ວັນ​ທີ 21 ທັນວາ​ນີ້ ​ເພື່ອ​ລົງມະຕິ​ຍັດຕິ​ບໍ່​ຍອມຮັບ​ການ​ຮັບຮອງ​ເຢລູຊາ​ເລ​ມ​ເປັນ​ເມືອງ​ຫລວງ​ຂອງ​ອິດສະ​ລາ​ແອນ, ຫລັງ​ຈາກ​ອາ​ເມ​ລິ​ກາ​ໃຊ້​ສິດ​ຢັບຢັ້ງຍັດຕິ​ແບບ​ດຽວ​ກັນ​ໃນ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ​ໄປ​ແລ້ວ.

ທ່ານ​ນາງ ນິກກີ ຮາ​ລີ ​ເອກ​ອັກຄະ​ລັດຖະທູດ​ອາ​ເມ​ລິ​ກາ​ປະຈຳ UN ຢັບຢັ້ງວ່າ: ສະມາຊິກ UN ມັກ​ຂໍ​ໃຫ້​ອາ​ເມ​ລິ​ກາ​ກະທຳ​ຫລາຍ​ຂຶ້ນ. ດັ່ງນັ້ນ ​ເມື່ອ​ອາ​ເມ​ລິ​ກາ​ຕັດສິນ​ໃຈ​ເລື່ອງ​ທີ່​ຕັ້ງຂອງ​ສະຖານທູດ​ອາ​ເມ​ລິ​ກາ​ຕາມ​ເຈດ​ຕະນາ​ຂອງ​ປະຊາຊົນ​ອາ​ເມ​ລິ​ກາ, ອາ​ເມ​ລິ​ກາ​ຈຶ່ງ​ບໍ່​ຄິດ​ວ່າ​ປະ​ເທດ​ເຫລົ່ານັ້ນຈະ​ຫັນ​ກັບ​ມາ​ຕອບ​ໂຕ້, ​ແຕ່​ນີ້​ຈະ​ມີ​ການ​ລົງມະຕິ​ວິພາກ​ວິຈານ​ທາງ​ເລືອກ​ຂອງ​ອາ​ເມ​ລິ​ກາ ​ແລະ ຈະ​ມີ​ການ​ຈົດ​ຊື່​ອາ​ເມ​ລິ​ກາ​ນຳ​ອີກ.

- Wave100S AD to Website 2020 0 - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ

- irwt7uil - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ

ທ່ານ​ນາງ ຮາ​ລີ ໝາຍ​ເຖິງ​ເລື່ອງ​ທີ່​ຕວກກີ ​ແລະ ​ເຢ​ເມນ​ເປັນ​ຕົວ​ແທນ​ກຸ່ມ​ປະ​ເທດ​ອາຣັບ ​ແລະ ອົງການ​ການ​ຮ່ວມ​ມື​ອິດສະ​ລາມ (OIC) ຂໍ​ໃຫ້​ເປີດ​ກອງ​ປະຊຸມ​ສຸກ​ເສີນ 193 ປະ​ເທດ​ສະມັດຊາ​ໃຫຍ່ UN ​ໂດຍ​ໄດ້​ວຽນ​ຍັດຕິ​ໃນ​ວັນ​ທີ 19 ທັນວາ ​ເນື້ອ​ໃນ​ຄ້າຍຄື​ຍັດຕິ​ທີ່​ເອຢິບ​ສະ​ເໜີ​ຕໍ່ UNSC ​ໃນ​ວັນ​ທີ 18 ທັນວາ ​ແລະ ​ໄດ້​ຮັບ​ຄວາມ​ເຫັນ​ພ້ອມ​ຈາກ​ສະມາຊິກ 14 ປະ​ເທດ ​ແຕ່​ຖືກ​ອາ​ເມ​ລິ​ກາ​ຢັບຢັ້ງ. ຍັດຕິ​ທັງ​ສອງ​ສະບັບ​ບໍ່​ໄດ້​ລະບຸ​ວ່າ: ປະທານາທິບໍດີ ​ໂດ​ນັນ ທຣຳ ຮັບຮອງ​ເຢລູຊາ​ເລ​ມ​ເປັນ​ເມືອງ​ຫລວງ​ອິດສະ​ລາ​ແອນ, ​ແຕ່​ສະ​ແດງ​ຄວາມ​ເສຍ​ໃຈ​ຢ່າງ​ຍິ່ງ​ທີ່​ມີ​ການ​ຕັດສິນ​ໃຈ​ກ່ຽວ​ກັບ​ສະຖານະ​ພາບ​ຂອງ​ເຢລູຊາ​ເລ​ມ ​ແລະ ​ເຫັນ​ວ່າ​ບັນຫາ​ເຢລູຊາ​ເລ​ມຈະ​ຕ້ອງ​ແກ້​ໄຂ​ດ້ວຍ​ການ​ຫາລື​ລະຫວ່າງ​ອິດສະ​ລາ​ແອນ​ກັບປາ​ແລັດ​ສະຕິນ.

ທ່ານ ຣິຍາດ ມັນ​ຊູ ​ເອກ​ອັກຄະ​ລັດຖະທູດ​ປາ​ແລັດ​ສະຕິ​ນປະຈຳ UN ສະ​ແດງ​ຄວາມ​ຫວັງ​ວ່າ: ສະມັດຊາ​ໃຫຍ່ UN ຈະ​ໃຫ້ການ​ສະໜັບສະໜູນ​ຍັດ​ຕິ​ນີ້​ຢ່າງ​ຫລວງ​ຫລາຍ ​ໂດຍ​ບໍ່​ຕ້ອງ​ຢ້ານ​ເລື່ອງ​ຢັບຢັ້ງ​ເພື່ອ​ປະກາດ​ວ່າ: ປະຊາ​ຄົມ​ໂລກ​ບໍ່​ຍອມຮັບ​ຈຸດ​ຢືນ​ຕາມ​ລຳພັງ​ໃຈ​ຂອງ​ອາ​ເມ​ລິ​ກາ.

- WhatsApp Image 2020 05 27 at 5 - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ
- WhatsApp Image 2020 05 27 at 5 - ສະມັດຊາໃຫຍ່ UN ຈະລົງມະຕິ ບໍ່ຍອມຮັບການຮັບຮອງເຢລູຊາເລມ
error: Alert: ເນື້ອຫາຂ່າວມີລິຂະສິດ !!