ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ

- 22 - ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ
- Untitled design - ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ

ປະຈຸ​ບັນ ປະ​ເທດ​ເຮົາ ກຳລັງ​ພົບ​ບັນຫາ​​ໄພ​ໜາວ, ບາງ​ທ້​ອງຖິ່ນ​ອຸນຫະພູມ​ຕໍ່າ 0 ອົງສາ ​ເຮັດ​ໃຫ້ເກີ​​​ດມີນ້ຳ​ກ້າມ,​ໂດຍ​ສະ​ເພາະ​ຢູ່​​ແຂວງ​ຫົວພັນ,ຊຽງ​ຂວາງ​, ຜົ້ງ​ສາລີ, ໄຊ​ສົມບູນ​ ແລະ​​ ເມືອງ​ປາກ​ຊ່ອງ ແຂວງ​ຈຳປາ​ສັກ  ສົ່ງ​ຜົນກະທົບ​ໂດຍ​ກົງ​ຕໍ່​ຄົນ​,​ສັດ ແລະ​ ເຄື່ອປູກ​ຕ່າງໆ; ​ແຕ່ກໍ່​ຍັງ​ບໍ່ທັນ​ໄດ້ຮັບ​ການ​ລາຍງານ​ຈາກ​ໜ່ວຍ​ງານ​ກ່ຽວຂ້ອງ​ເຖິງຄວາ​ມ​ເສຍ​ຫາຍ​ຕ່າງໆ, ມີ​ແຕ່​ບາງ​ຄອບຄົວ​ເທົ່າ​ນັ້ນ​ທີ່​ຂາດ​ເຄື່ອງນຸ່ງ​ຫົ່ມ​ຕ້ານ​ໜາວ,​ ວອນ​ຜູ້​ມີ​ເງື່ອນ​ໄຂ​ ແລະ ຜູ້​ໃຈ​ບຸ​ນຊ່ວຍ.

ກົມ​ອຸຕຸນິຍົມ​ ແລະ​ ອຸ​ທົກ​ກະສາ​ດລາຍ​ງານວ່າ:ພະຍາກອນອາກາດມື້ວານ​ນີ້ (20 ທັນວາ 2017)ມວນອາກາດໜາວເຢັນຈາກປະເທດຈີນຍັງມີກຳລັງແຮງເພີ່ມຂື້ນສືບຕໍ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງແຮງ, ພ້ອມດຽວກັນກະແສລົມຕາເວັນອອກສ່ຽງເໜືອໄດ້ມີກໍາລັງແຮງພັດປົກຄຸມ. ຊຶ່ງຍັງຈະເຮັດໃຫ້ອຸນຫະພູມອາກາດໜາວເຢັນລົງຕື່ມອີກໃນແຕ່ລະພາກ. ສະເພາະເຂດພູດອຍ ແຂວງພາກເໜືອ, ແຂວງ ໄຊສົມບຸນ ແລະ ເຂດພູພຽງບໍລະເວນອາກາດຈະໜາວເຢັນຫລາຍຈົນເຖິງຂັ້ນມີນໍ້າກ້າມ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ຫາ ພາກໃຕ້ຕື່ມອີກ.

​ເຂດ​ທີ່​ໜາວ​ຫຼາຍ​ທີ່​ສຸດ​​​ ເກີດມີນ້ຳ​ກ້າມ​ຢູ່​​ບໍລິ​ເວນ​ເມືອງ​ຊຳ​​ເໜື​ອ ອຸນຫະພູມ​ 0​ ອົງສາ​ ແລະ ​​ເມືອງ​ວຽງ​ໄຊ​ ​ອຸນຫະ​ພູມ ​2 ອົງສາ,​ແຂວງ​ໄຊ​ສົມບູນ ອຸນຫະພູມ​ 1 ອົງສາ,​ບໍລິ​ເວນ​ເມື​ອງປາກ​ຊ່ອງ ອຸນຫະ​ພູມ​ 2 ອົງສາ,​​ແຂວງ​ອຸດົມ​ໄຊ 3 ​ອົງສາ,​ແຂວງ​ຫຼວງ​ນ້ຳທາ​ບໍລິ​ເວນ​ເມືອງ​ວຽງພູ​ຄາ 3 ​ອົງສາ,​​ແຂວງ​ຜົ້ງ​ສາລີ 4 ​ອົງສາ,​ແຂວງ​ຊຽງ​ຂວາງ 4 ອົງສາ,ຫຼັກ20​ຄຳ​​ເກີດ 9​ ອົງສາ​​,​ນະຄອນຫຼວງ​ວຽງ​ຈັນ 12​ ອົງສາ​​ແລະ​ແຂວງ​ອື່ນ​ໆ​ຕ່ຳ​ສຸດໃນ​ລະດັບ 6-11 ອົງສາ.

- Wave100S AD to Website 2020 0 - ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ

ຕາມ​ການ​ສຳພາດ​ຜ່ານ​ໂທລະສັບ​ພະ​ແນ​ກກະສິກຳ​ແລະ​ປ່າ​ໄມ້​​​​ແຂວງ​ຜົ້ງ​ສາລີ,​ ແຂວງ​ຊຽງ​ຂວາງ,​ແຂວງ​ຈຳ​ປາ​ສັກ,​ແຂວງ​ຫົວພັນ ຍັງ​ບໍ່​ທັນ​ມີ​ຄຳ​ຕອບ​​ໃດໆ​ກ່ຽວ​ກັບ​ຄວາມ​ເສຍ​ຫາຍ​ຈາກ​ໄພ​ໜາວ​​ເພາະຍັງ​ລໍຖ້າ ​ຜົນ​ລາຍ​ງານ​ຈາກບັນ​ດາ​ຫ້​ອງການ​ກະສິກ​ແລະ​ປ່າ​ໄມ້​​ເມືອງ​ເປັນ​ຜູ້​ລາຍ​ງານ​.ທ່ານ ຄອດ ໝື່ນ​ຫຼວງ ຫົວໜ້າຫ້​ອງການ​ກະ​ສິກຳ​ແລະປ່າ​​ໄມ້​ເມືອງປາກ​ຊ່ອງ​ໃຫ້​ຮູ້​ວ່າ:​ເມືອງ​ປາກ​ຊ່ອງ​ໜາວ​ຫຼາຍ, ປັດຈຸ​ບັນ​ ​ໄດ້​ແຕ່ງ​ຕັ້ງ​ໜ່ວຍ​ງານ​ລົງ​ໄປ​ຕິດຕາມ​ສະພາບ​ໃນ​ທ້ອງ​ຖິ່ນ ​ແຕ່​ຍັງ​ບໍ່​ທັນ​ມີ​ບົດ​ລາຍ​ງານ​ເທື່ອ ຍັງ​ບໍ່​ທັນ​ຮູ້​ວ່າ​ມີ​ສັດຕາຍ​ທໍ່​ໃດ, ພືດ​ເສຍ​ຫາຍ​ທໍ່​ໃດ,​ ແຕ່​ໃນ​ສະພາບ​ຄວາມ​ເປັນ​ຈິງ​ມີ​ຫຼາຍຄອບຄົວ​ໃນ​ຫຼາຍ​ໝູ່​ບ້ານ​ບໍ່​ມີ​ເຄື່ອງນຸ່ງ​ຕ້ານ​ໜາວ ຈຶ່ງ​ວອນ​ຜູ້​ມີ​ເງື່ອນ​ໄຂ​ແລະ​ຜູ້​ໃຈ​ບຸນ​ຊ່ວຍ​ກັນ​ບໍລິຈາກ​ເຄື່ອງນຸ່ງ​ຫົ່ມ ປະກອບສ່ວນ​​ແບ່ງ​ເບົາ​ພາລະ​ຊ່ວຍ​ເຂົາ​ເຈົ້າ​ຫຼຸດ​ຈາກ​ໄພ​ໜາວດ້ວຍ.

- WhatsApp Image 2020 05 27 at 5 - ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ
- WhatsApp Image 2020 05 27 at 5 - ຫຼາຍ​ທ້ອງ​ຖິ່ນ​ພົບ​ໄພ​ໜາວ ​ແຕ່ບໍ່​ທັນ​ໄດ້ຮັບ​ລາຍ​ງານ​ຜົນ​ເສຍ​ຫາຍ​ໃດໆ
error: Alert: ເນື້ອຫາຂ່າວມີລິຂະສິດ !!