ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017

- rn037xf8 - ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017
- Untitled design - ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017

ຖື​ເປັນ​ອີກ​ຜົນງານ​ທີ່​ໂດດ​ເດັ່ນສຳລັບ​ນາງ ລົດ​ແກ້ວ ອິນທະ​ກຸມມານ ນັກ​ກິລາ​ແລ່ນ-ລານ​ຍິງ​ ຄວາມ​ຫວັງ ​ແລະ ອະນາຄົດ​ໄກ​ຂອງ​ລາວ ສາມາດ​ຄວ້າ​ແຊ້ມປະ​ເພດ​ຍິງ 10 ກິ​ໂລ​ແມັດ ດ້ວຍ​ເວລາ 37 ນາທີ 40 ວິນາທີ ​ໃນ​ລາຍການ ມິ​ນິມາລາ​ທອນ ໜອງ​ຄາຍ-ອາ​ຊຽນ 2017 ​ໃນ​ວັນ​ທີ 17 ທັນວາ ທີ່​ແຂວງ​ໜອງ​ຄາຍ ປະ​ເທດ​ໄທ ພ້ອມ​ທັງ​ສາມາດ​ຄວ້າ​ອີກ 3 ລາງວັນ​ນຳ​ອີກ.

ການ​ແຂ່ງຂັນ​ລາຍການ​ນີ້​ມີ​ຜູ້​ເຂົ້າຮ່ວມ​ທັງ​ໝົດ 1.500 ກວ່າ​ຄົນ ຈາກ​ບັນດາ​ປະ​ເທດ, ປາກົດ​ວ່າ ລົດ​ແກ້ວ ຄວ້າ​ແຊ້ມປະ​ເພດ​ຍິງ 10 ກິ​ໂລ​ແມັດ ດ້ວຍ​ເວລາ 37 ນາທີ 40 ວິນາທີ ​ໃນ​ປະ​ເພດ​ຍິງ​ມິ​ນິມາລາ​ທອນ 10 ກິ​ໂລ​ແມັດ. ນອກ​ນັ້ນ ລົດ​ແກ້ວ ຍັງ​ສາມາດ​ຄວ້າ​ໄດ້​ອີກ 3 ລາງວັນ ປະກອບ​ມີ ອັນ​ດັບ 1 ຂອງ​ນັກ​ແລ່ນ​ຍິງ​ທີ່​ເຂົ້າຮ່ວມ​ທັງ​ໝົດ (Overall International), ອັນ​ດັບ 1 ​ໃນ​ບັນດາ​ຄົນ​ລາວທີ່​ໄປ​ຮ່ວມ​ແຂ່ງຂັນ​ໃນ​ຄັ້ງນີ້ ​ແລະ ອັນ​ດັບ 1 ກຸ່ມ​ອາຍຸ 14-29 ປີ ປະ​ເພດ​ຍິງ (Female Age Group).  ສຳລັບ ລົດ​ແກ້ວ ມີ​ສະຖິຕິ​ດີ​ທີ່​ສຸດ ໃນ​ປະ​ເພດ​ມິ​ນິມາລາ​ທອນ 10 ກິ​ໂລ​ແມັດ ຢູ່​ທີ 36 ນາທີ 41 ວິນາທີ ​ໃນ​ລາຍການ​ມິ​ນິມາລາ​ທອນ ປະ​ເພດ 10 ກິ​ໂລ​ແມັດ ທີ່​ແຂວງ​ບູລີ​ລຳ ປະ​ເທດ​ໄທ ​ໃນ​ເດືອນ​ກຸມພາ​ 2017.

ລົດ​​ແກ້ວ ວາງ​ແຜນການ​ແຂ່ງຂັນ​ຢ່າງ​ໜ້ອຍ​ເດືອນ​ລະ​ເທື່ອ ​ໂດຍ​ຕໍ່​ຈາກ​ນີ້​ຈະ​ພັກຜ່ອນ ​ແລະ ຈະ​ສືບ​ຕໍ່​ເຂົ້າຮ່ວມ​ແຂ່ງຂັນ ຫລັງ​ຈາກ​ປີ​ໃໝ່​ສາກົນ 2018 ດັ່ງ​ນີ້: ການ​ແຂ່ງຂັນ 21 ກິ​ໂລ​ແມັດ ທີ່​ຂອນ​ແກ່ນ ປະ​ເທດ​ໄທ ​ໃນ​ວັນ​ທີ 28 ມັງກອນ 2018, ການ​ແຂ່ງຂັນ 10 ກິ​ໂລ​ແມັດ ຢູ່​ບູລີ​ລຳ ປະ​ເທດ​ໄທ ວັນ​ທີ 11 ກຸມພາ 2018, ການ​ແຂ່ງຂັນ 21 ກິ​ໂລ​ແມັດ ຢູ່​ນະຄອນຫລວງ​ວຽງ​ຈັນ ວັນ​ທີ 11 ມີນາ 2018.

- Wave100S AD to Website 2020 0 - ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017

ລົດ​ແກ້ວ ​ເກີດ​ເມື່ອ​ວັນ​ທີ 5 ກັນຍາ 1995 ທີ່​ບ້ານ​ໝື່ນ​ໝັ້ນ ​​ເມືອງ​ທຸລະຄົມ ​ແຂວງ​ວຽງ​ຈັນ, ກ່ອນ​ຍ້າຍ​ໄປ​ຢູ່​ແຂວງ​ຈຳປາ​ສັກ​ກັບ​ພໍ່​ແມ່​ແຕ່​ປີ 2000 ທີ່​ບ້ານ​ວັດ​ຫລວງ ​ເມືອງ​ປາກ​ຊ່ອງ ​ແຂວງ​ຈຳປາ​ສັກ ​ເຊິ່ງສ້າງ​ຜົນງານ​ໃຫ້​ຊາດ​ລາວ​ມາ​ຫລາຍ​ລາຍການ ​ໂດຍ​ສະ​ເພາະ​ເຂົ້າຮ່ວມ​ຊີ​ເກ​ມ 3 ສະ​ໄໝ ສາມາດ​ຍາດ​ໄດ້ 1 ຫລຽນ​ທອງ​ແດງ ຈາກ​ລາຍການ​ແລ່ນ 10.000 ​ແມັດ ​ໃນ​ປີ 2013 ທີ່​ມຽນມາ ​ແລະ 1.500 ​ແມັດ ​ໃນ​ປີ 2017 ທີ່​ມາ​ເລ​ເຊຍ.

- WhatsApp Image 2020 05 27 at 5 - ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017
- WhatsApp Image 2020 05 27 at 5 - ນັກກິລາແລ່ນ-ລານລາວຄວ້າແຊ້ມ ມິນິມາລາທອນ ໜອງຄາຍ-ອາຊຽນ 2017
error: Alert: ເນື້ອຫາຂ່າວມີລິຂະສິດ !!