ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ

- 1513683976015 960x0 - ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ
- Untitled design - ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ

ສຳນັກງານ​ການ​ເງິນ​ສິງກະ​ໂປທີ່​ເຮັດ​ໜ້າ​ທີ່​ເໜືອ​ທະນາຄານ​ກາງ​ເຕືອນ​ປະຊາຊົນ​ໃຫ້​ລະວັງ​ຄວາມ​ສ່ຽງ​ຈາກ​ການ​ລົງທຶນ​ໃນ​ຄຣິບ​ໂຕ​ເຄີ​ເຣນຊີ ​ເຊິ່ງ​ເປັນ​ສະກຸນ​ເງິນ​ດິຈິ​ຕອນ​ເຂົ້າລະຫັດ ​ເພາະ​ລາຄາ​ບິດ​ຄອຍ​ທີ່​ເພີ່ມ​ຂຶ້ນບໍ່ຢຸດ​ເຮັດ​ໃຫ້​ຫລາຍ​ຄົນ​ແຫ່​ສົນ​ໃຈ.

ສຳນັກງານ​ການ​ເງິນ​ສິງກະ​ໂປ​ອອກ​ຖະ​ແຫລ​ງການ​ໃນ​ວັນ​ທີ 19 ທັນວາ​ວ່າ: ຂໍ​ແນະນຳ​ປະຊາຊົນ​ໃຫ້​ໃຊ້​ຄວາມ​ລະມັດ​ລະວັງ​ຢ່າງ​ຍິ່ງ ​ແລະ ​ເນັ້ນໜັກ​ເຖິງ​ຄວາມ​ສ່ຽງ​ທີ່​ຈະ​ເກີດ​ຂຶ້ນ ຖ້າ​ເລືອກ​ລົງທຶນ​ໃນ​ຄຣິບ​ໂຕ​ເຄີ​ເຣນຊີ. ສຳນັກງານ​ກັງວົນ​ວ່າ: ປະຊາຊົນ​ອາດ​ສົນ​ໃຈ​ລົງທຶນ​ພຽງ​ເພາະ​ເຫັນ​ວ່າ​ລາຄາ​ເພີ່ມ​ຂຶ້ນຫລາຍ ​ເຊິ່ງ​ເປັນ​ການ​ເພີ່ມ​ຂຶ້ນຈາກ​ການ​ເກັງ​ກຳ​ໄລ​ເທົ່າ​ນັ້ນ, ລາຄາ​ທີ່​ເພີ່ມ​ຂຶ້ນອາດ​ກາຍ​ເປັນ​ຟອງ​ສະ​ບູ່​ທີ່​ຈະ​ແຕກ​​ໃນ​ເວລາ​​ໃດ​ໜຶ່ງ, ພ້ອມ​ເນັ້ນວ່າ: ຄຣິບ​ໂຕ​ເຄີ​ເຣນຊີ ​ເປັນ​ສະກຸນ​ເງິນ​ດິຈິ​ຕອນ​ທີ່​ບໍ່​ມີ​ທະນາຄານ​ກາງ​ປະ​ເທດ​ໃດ​ຮັບຮອງ ​ແລະ ບໍ່​ມີ​ລະບຽບ​ຄວບ​ຄຸມ, ຖ້າ​ນັກ​ລົງທຶນ​ຂາດທຶນ​ກໍ​ຈະ​ບໍ່​ມີ​ກົດໝາຍ​ເຂົ້າ​ໄປ​ຊ່ວຍ​ເຫລືອ​ໄດ້. ນອກຈາກ​ນີ້ ຍັງ​ມີ​ຄວາມ​ສ່ຽງ​ທີ່​ຈະ​ຖືກ​ເຈາະ​ລະບົບ ​ເພາະ​ຍັງ​ບໍ່​ມີ​ລະບົບ​ຮັກສາ​ຄວາມ​ປອດ​ໄພ​ທີ່​ແໜ້ນໜາ​ພຽງພໍ.

- Wave100S AD to Website 2020 0 - ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ

ທະນາຄານ​ກາງ​ສິງກະ​ໂປ​ເປັນ​ໜຶ່ງ​ໃນ​ທະນາຄານ​ກາງ​ຫລາຍ​ປະ​ເທດ​ທີ່​ເຕືອນ​ປະຊາຊົນ​ເລື່ອງ​ການ​ລົງທຶນ​ໃນ​ຄຣິບ​ໂຕ​ເຄີ​ເຣນຊີ. ທະນາຄານ​ກາງ​ອາ​ເມ​ລິ​ກາ (​ເຟດ) ​ເຕືອນ​ວ່າ: ບິດ​ຄອຍ ​ເຊິ່ງ​ເປັນຄຣິບ​ໂຕ​ເຄີ​ເຣນຊີ​ທີ່​ໄດ້​ຮັບ​ຄວາມ​ນິຍົມ​ຫລາຍ​ທີ່​ສຸດ​ອາດ​ສັ່ນ​ຄອນ​ສະຖຽນ​ລະ​ພາບ​ລະບົບ​ການ​ເງິນ​ໄດ້. ນັກວິ​ເຄາະ​ຊີ້​ວ່າ: ສາ​ເຫດ​ທີ່​ເຮັດ​ໃຫ້​ບິດ​ຄອຍ​ມີ​ລາຄາ​ເພີ່ມ​ຂຶ້ນ​ເຖິງ 20 ​ເທົ່າ​ໃນ​ປີ​ນີ້ ​ເປັນ​ເພາະ​ນັກ​ລົງທຶນ​ສະ​ຖາ​ບັນ​ເລີ່​ມ​ໃຫ້ການ​ຍອມຮັບ ​ແລະ ທາງ​ການ​ອາ​ເມ​ລິ​ກາ​ອະນຸຍາດ​ໃຫ້​ຕະຫລາດ​ແລກປ່ຽນ​ລ່ວງ​ໜ້າ​ຄ້າ​ບິດ​ຄອຍ​ແລ້ວ 2 ​ແຫ່ງ​ໃນ​ເດືອນ​ນີ້.

- WhatsApp Image 2020 05 27 at 5 - ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ
- WhatsApp Image 2020 05 27 at 5 - ທະນາຄານກາງສິງກະໂປເຕືອນປະຊາຊົນ ເລື່ອງຄວາມສ່ຽງລົງທຶນໃນເງິນດິຈິຕອນ
error: Alert: ເນື້ອຫາຂ່າວມີລິຂະສິດ !!