ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%

- 3222 1 - ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%
- Untitled design - ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%

​​ເມື່ອ​ອາທິດ​ຜ່ານ​ມາ​ນີ້, ບໍລິສັດ ຣາຊ-ລາວ ບໍລິການ ຈຳກັດ ​ໄດ້​ເຊື້ອ​ເຊີນ​ເອົາ​ສື່​ມວນ​ຊົນ​ຈາກ​ຫລາຍ​ສຳນັກ ​ເຂົ້າ​ຢ້ຽມຢາມ​ໂຄງການ​ໂຮງ​ໄຟຟ້າ​ເຊ​ປຽນ-​ເຊ​ນ້ຳ​ນ້ອຍ, ​ທີ່ແຂວງ​ຈຳປາ​ສັກ ​ແລະ ອັດ​ຕະປື, ​ຊຶ່ງເປັນ​ໂຄງການ​ຮ່ວມ​ທຶນ​ລະຫວ່າງບໍລິສັດ SK&EC ຖື​ຮຸ້ນ 26%, KOWEPO 25%, RATCH 25% ​ແລະ LHSE 24%, ມີ​ກຳລັງ​ຕິດ​ຕັ້ງ​ 410 ເມກາວັດ (MW) ​ແບ່ງ​ເປັນ EGAT:370 MW ​ແລະ EDL 40 MW, ​ແລະ ​ໄດ້​ຮັບ​ສັນຍາ​ສຳ​ປະທານ​ຈາກ​ລັດຖະບານ​ລາວ ເປັນເວລາ 27 ປີດ້ວຍມູນ​ຄ່າ​ລົງທຶນທັງ​ໝົດ 1.020 ລ້ານ​ໂດ​ລາ​ສະຫະ​ລັດ ​ແລະ ກຳນົດຂາຍ​ໄຟຟ້າ​ໃນ​ເດືອນ​ກຸມພາ 2019.

ທ່ານ ສະຫັດ​ທອນ ພຸດ​ທອງ ອຳນວຍ​ການ​ບໍ​ລິ​ສັດ ຣາຊ-ລາວ ບໍ​ລິ​ການ ຈຳກັດ ກ່າວ​ວ່າ: ​ໂຄງການດັ່ງກ່າວ ​ມີ​ລັກສະນະ​ການ​ກໍ່ສ້າງ​ແບບ​ການຈັດ​ສັນ​ນ້ຳ​ທີ່​ມີ​ປະສິດທິ ພາບ, ​ໂດຍ​ການ​​ກຳນົດ​ຮູບ​ແບບ​ການ​ຜັນ​ນ້ຳ​ຈາກ​​ເຂດ​ສູງ​ລົງ​ສູ່​ເຂດ​ຕ່ຳຄື: ການ​ພັດທະນາ​ຝາຍຫ້ວຍ​ໝາກຈັນ, ​ໂດຍ​ການ​ຂຸດ​ທໍ່​ຜັນ​ນ້ຳ ​ໄຫລ​ລົງ​ສູ່​ອ່າງ​ເກັບ​ນ້ຳ​ເຂື່ອນ​ເຊ​ປຽນ ​ແລ້ວ​ຂຸດ​ທໍ່​ຜັນ​ນ້ຳ​ອີກເພື່ອ​ໃຫ້ນ້ຳ​ໄຫລ​ລົງ​ສູ່​ເຂື່ອນ​ນ້ຳ​ນ້ອຍ ​ແລະ ກາ​ນເຈາະ​ອຸ​ມົງ​ກ່ອນ​ຜັນ​ນ້ຳ​ລົງ​ສູ່​ໂຮງ​ໄຟຟ້າ​ທີ່​ແຂວງ​ອັດ​ຕະປື ມີພື້ນທີ່ເກັບກັກນ້ຳ 87 ກິໂລແມັດມົນທົນ; ​​ເຂື່ອນ​ເຊ​ປຽນ ມີ​ຄວາມສູງ 84 ​ແມັດ, ຍາວ 1.037 ​ແມັດ, ພື້ນ​ທີ່​ອ່າງ​ກວ້າງ 217 ກິ​ໂລ​ແມັດມົນທົນ, ສາມາດ​ເກັບ​ກັກ​ນ້ຳ​ໄດ້ 28 ລ້ານ​​ຕາ​ແມັດ; ​ເຊນ້ຳ​ນ້ອຍ ມີ​ຄວາມ​ສູງ 73,7 ​ແມັດ, ຍາວ 1.600 ​ແມັດ, ພື້ນ​ທີ່​ອ່າງ​ກວ້າງ 522 ກິ​ໂລ​ແມັດມົນທົນ, ​ສາມາດ​ເກັບ​ກັກ​ນ້ຳ​ໄດ້ 1.043 ລ້ານ​ຕາ​ແມັດ. ພາຍຫລັງ​ເຂື່ອນ​ດັ່ງກ່າວ​ສຳ​ເລັດ ຈະ​ໄດ້​​ກຳນົດ​ຂາຍ​ໄຟຟ້າ​ໃນ​ເດືອນ​ກຸ​ມພາ 2019 ນີ້, ​ໂດຍ​ສາມາດ​ຜະລິດ​ໄຟຟ້າ​ໄດ້​ທັງໝົດ 410 ​ເມ​ກາ​ວັດ, ​ໃນ​ນັ້ນ ນຳ​ໃຊ້​ພາຍ​ໃນ 41 ​ເມກາ​ວັດ, ສ່ວນ​ທີ່​ເຫລືອ​ 370 ເມກາວັດ​ແມ່ນ​ສົ່ງ​​ໄປຂາຍ​ໃຫ້​ປະ​ເທດ​ໄທ​ໂດຍ​ກົງ.

- Wave100S AD to Website 2020 0 - ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%

ທ່ານ ນາ​ລົງ​ວິດ ຄອງ​ສິນ ຜູ້​ຈັດ​ການ​ສ່ວນ ອົງ​ກອນ​ສຳພັນ ບໍລິສັດ​ ຣາຊ-ລາວ ​ໃຫ້​ຮູ້​ວ່າ: ​ປັດຈຸບັນບໍລິສັດຈະສືບ​ຕໍ່​ດຳ​ເນີນ​ການ​ພັດທະນາ​ປັບປຸງ ​ແລະ ລິ​ເລີ່​ມສິ່ງ​ໃໝ່ທີ່​ຈະ​ເປັນ​ປະ​ໂຫຍ​ດຕໍ່​ສັງຄົມ, ສິ່ງ​ແວດ​ລ້ອມ ​ແລະ ຜູ້​ມີ​ສ່ວນ​​ໄດ້​ສ່ວນ​ເສຍ, ​ເພາະ​ບໍລິສັດ​ເຊື່ອ​ໝັ້ນ​ວ່າ ການ​ພັດທະນາ​ບຸກຄະລາ​ກອນ​ລາວໃຫ້​ມີ​ຄຸນ​ນະພາ​ບ ຈະ​ເຮັດ​ໃຫ້​ທຸລະ​ກິດ​ສາມາດ​ເຕີບ​ໃຫຍ່​ຂະຫຍາຍຕົວ​​ໄດ້​ຢ່າງ​ຍືນ​ຍົງ, ພາ​​ໃຫ້​ບໍ​ລິ​ສັດ​ບັນລຸ​ເປົ້າ​ໝາຍທີ່​ໄດ້​ວາງ​ໄວ້ ດັ່ງ​ວິ​ໃສ​ທັດ​ຂອງ​ບໍ​ລິ​ສັດທີ່​ວ່າ: “​ເຮົາ​ຈະ​ເປັນ​ຜູ້​ພັດທະນາ​ທຸລະ​ກິດ​ໄຟຟ້າ ລະບົບ​ໂຄງ​ສ້າງ​ພື້ນຖານ ​ແລະ ທຸລະ​ກິດ​ກ່ຽວຂ້ອງອື່ນໆ ທີ່ໜ້າເຊື່ອຖື ແລະ ມີປະສິດທິພາບໃນ ສປປ ລາວ”.

- WhatsApp Image 2020 05 27 at 5 - ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%
- WhatsApp Image 2020 05 27 at 5 - ໂຄງການ​ໄຟຟ້າ​ເຊ​ປຽນ​-​ເຊ​ນ້ຳ​ນ້ອຍ ຄືບໜ້າແລ້ວ 90%
error: Alert: ເນື້ອຫາຂ່າວມີລິຂະສິດ !!