ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ

- Untitled 1 copy 3 - ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ
- Untitled design - ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ

​ເຈົ້າໜ້າ​ທີ່ ປກສ ເມືອງໄຊທານີນະຄອນຫລວງວຽງຈັນ ເປີດເຜີຍວ່າ: ນາງ ເກສອນ (ສອນ) ອາຍຸ 48 ປີຢູ່​ບ້ານ​ໂຄກ​ສະອາດ​ເມືອງ​ໄຊ​ທານີ ທີ່ກໍ່ເຫດຄາດຕະກໍາຜົວຕົນເອງຊື່ທ້າວ ກາ ອາຍຸ 41 ປີຢ່າງໂຫດຫ້ຽມດ້ວຍການໃຊ້ພ້າຕັດ​ຄໍ, ​ແຂນ-ຂາ ​ແລະ ຟັນຕາມຕົນໂຕຫລາຍຈຸດເມື່ອຕົ້ນເດືອນທັນວານີ້, ຊຶ່ງຜູ້ຕ້ອງຫາບໍ່ໄດ້ເປັນຄົນເສຍຈິດຄືດັ່ງທີ່ມີການເຜີຍແຜ່ໃນສື່ອອນລາຍ, ແຕ່ຄວາມຈິງຍ້ອນ​ຄວາມ​ຫຶງ​ຫວງ.

​ເຈົ້າໜ້າ​ທີ່​ ໃຫ້ຮູ້​ວ່າ: ພາຍຫລັງເອົາຕົວມາສືບສວນ-ສອບສວນເຖິງແຮງຈູງໃຈພາໃຫ້ລົງມືກໍ່ເຫດຄັ້ງນີ້, ພົບວ່າຜູ້ກ່ຽວ​ມີ​ສະຕິ​ສົມບູນ​ດີ, ພ້ອມທັງໄດ້ຮັບສາລະພາບວ່າ: ນັບແຕ່​ເດືອນ​ກໍລະກົດ 2015 ຕົນເອງ​ໄດ້​ມັກ​ຮັກ​ກັບທ້າວ ກາ ແລະ ຢູ່​ກິນນໍາ​ກັນ​ແບບ​ຜົວ​ເມຍຢູ່ບ້ານ​ໂຄກ​ສະອາດໂດຍໄດ້​ປຸກ​ຕູບ​ຢູ່ໃນເຂດດິນ​ສະຫງວນ​ຂອງ​ບ້ານ ແລະ ຕະຫລອດ​ໄລຍະ​ຢູ່​ນຳກັນແມ່ນໄດ້​ມີ​ການ​ຜິດ​ຖຽງ​ກັນເປັນປະຈໍາ, ບາງ​ຄັ້ງ​ເຖິງ​ຂັ້ນລົງໄມ້ລົງມືໃສ່ກັນ, ຍ້ອນຜູ້ເປັນຜົວມັກ​ເວົ້າ​ໃສ່​ວ່າມີ​ຜູ້​ສາວ​ໃໝ່ແລ້ວ​ຈະ​ໄປ​ຢູ່​ນຳ​ເຂົາ, ​ຈຶ່ງເຮັດໃຫ້ຕົນເກີດຄວາມ​ຫຶງ​ຫວງ ແລະ ລະ​ແວງ​ສົງ​ໄສຈຶ່ງໄດ້ລົງມືຄາດຕະກໍາໂຫດດັ່ງກ່າວ.

ຈົນມາຮອດມື້​ເກີດ​ເຫດຄື: ເວລາປະມານ 19:00 ໂມງຂອງວັນທີ 1 ທັນວາ 2017 ກໍ​ໄດ້​ຜິດ​ຖຽງ​ກັນ​ອີກຍ້ອນບັນຫາເກົ່າ ແລະ ໄດ້ຕີ​ກັນກັບຜົວ​ຢູ່ຕູບ, ໃນຂະນະຕໍ່ສູ້ກັນ​ນາງ ​ເກສອນ ​ໄດ້​ຈັບ​ເອົາພ້າ​ຂໍ​ຢູ່​ແຄມ​ຕູບ​ຟັນ​ຄໍ​ຂອງ​ຜົວຫລາຍ​ບາດ​ຈົນ​ລົ້ມລົງ​ເສຍ​ຊີວິດ​ຄາ​ທີ່, ຈາກ​ນັ້ນກໍສືບຕໍ່​ຟັນ​ຄໍ​, ​ແຂນ-ຂາຈົນຂາດ ແລະ ອະໄວຍະວະສ່ວນອື່ນໆຫລາຍຈຸດ​ຈົນ​ສົມ​ຄວາມ​ຢາກ​ຮ້າຍ​ຈຶ່ງເຊົາ ແລະ ເວລາປະມານ 6:00 ໂມງຂອງມື້ຕໍ່​ມາ, ຈຶ່ງ​ໄດ້​ຍ່າງໄປ​​ຊື້​ເຫລົ້າຢູ່ຮ້ານໃກ້ຄຽງມາ​ດື່ມຈົນເມົາແລ້ວ​ໄດ້​ເວົ້າສູ່​ປະຊາຊົນຢູ່​ໃກ້​ຄຽງ​ຟັງ​ວ່າຕົນ​ເອົາ​ຄາດຕະກໍາຜົວ, ຈາກນັ້ນຈຶ່ງໄດ້ແຈ້ງ​ໃຫ້​ເຈົ້າໜ້າ​ທີ່ມາເອົາ​ຕົວ​ໄປ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

ນາງ ບົວ​ສອນ ຫລື ​ເກສອນ ຊື່ຫລິ້ນ ສອນ ສາລະພາບ​ວ່າ: ​ໃນ​ໄລຍະ​ປີ 1990 ຜູ້ກ່ຽວ​ໄດ້​ສ້າງ​ຄອບຄົວ​ກັບ​ທ້າວ ທິນ ສັນຊາດ​ໄທ ​ໄດ້​ມາ​ຢູ່​ນຳ​ກັນ​ທີ່​ບ້ານ​ໂຄກສະອາດ ​ເມືອງ​ໄຊ​ທານີ ​ເຊິ່ງ​ໄດ້​ມີ​ລູກ​ຮ່ວມ​ກັນ 3 ຄົນ, ຍິງ 1 ຄົນ ຜ່ານ​ການ​ໃຊ້​ຊີວິດ​ຢູ່​ຮ່ວມ​ກັນ​ມາ​ໄດ້​ໄລຍະ​ໜຶ່ງ ທັງ​ສອງ​ແມ່ນ​ມີ​ຄວາມ​ບໍ່​ເຂົ້າ​ໃຈ​ກັນ​ໄດ້​ມີ​ການ​ຜິດ​ຖຽງ​ກັນ​ເລື້ອຍໆ​ມາ​ເຖິງ​ຂັ້ນຢ່າ​ຮ້າງ​ກັນ. ສ່ວນ​ທ້າວ ທິນ ​ແມ່ນ​ໄດ້​ກັບ​ຄືນ​ປະ​ເທດ​ໄທ. ຕໍ່​ມາ​ຮອດ​ໄລຍະ​ຕົ້ນປີ 2011 ຜູ້ກ່ຽວ​ຈຶ່ງ​ຮູ້ຈັກ​ກັບ​ທ້າວ ຜູ ຢູ່​ບ້ານ​ນາ​ໂນ ​ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ ​ແລ້ວ​ຕົກລົງ​ປົງ​ໃຈ​ມັກ​ຮັກ​ຢູ່​ກິນ​ນຳ​ກັນ​ແບບ​ຜົວ​ເມຍ ​ແຕ່​ບໍ່​ມີ​ລູກ​ນຳ​ກັນ ​ເຊິ່ງ​ໃນ​ໄລຍະ​ທີ່ຢູ່​ນຳ​ກັນ​ມານັ້ນ​ແມ່ນ​ໄດ້​ມີ​ການ​ຜິດ​ຖຽງ​ກັນ​ມາ​ຕະຫລອດ ສາ​ເຫດ​ແມ່ນ​ທ້າວ ຜູ ​ໄດ້​ເສບ​ຢາ​ບ້າ​ຈົນ​ມືນ​ເມົາ​ແລ້ວ​ອາ​ລະວາ​ດຄອບຄົວ ​ໂດຍ​ໄດ້​ທຸບ​ຕີ​ມາ​ຕະຫລອດ ​ແຕ່​ກໍ​ຕ້ອງ​ອົດທົນ​ຢູ່​ຮ່ວມ​ກັນ​ເລື້ອຍມາ.

- Wave100S AD to Website 2020 0 - ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ

ມາ​ຮອດ​ເວລາ 19 ​ໂມງ ວັນ​ທີ 20 ພະຈິກ 2011 ຈຶ່ງ​ໄດ້​ມີ​ການ​ຜິດ​ຖຽງ​ກັນ​ອີກ ສາ​ເຫດ​ແມ່ນ​ຍ້ອນ​ທ້າວ ຜູ ​ເມົາ​ເຫລົ້າ ​ແລະ ຢາ​ບ້າ ​ໄດ້​ມີ​ປາກ​ສຽງ​ກັນ​ຫລາຍ​ຢ່າງ​ຈົນ​ເຖິງ​ຂັ້ນລົງມື​ທຳຮ້າຍ​ຮ່າງກາຍ​ກັນ, ຫລັງ​ຈາກ​ນັ້ນ ຜູ້ກ່ຽວ​ໄດ້​ຕໍ່ສູ້​ຄືນ ​ເຊິ່ງ​ໄດ້​ຈັບ​ເອົາ​ຟ້າ​ຂໍ​ທີ່​ວາງ​ຢູ່​ຂ້າງ​ບ່ອນ​ນອນ​ແລ້ວ​ຟັນ​ຄໍ​ທ້າວ ຜູ (ຜູ້​ເປັນ​ຜົວ) ​ແລ້ວ​ຍາດ​ພີ່ນ້ອງ​ນຳ​ສົ່ງ​ໂຮ​ງໝໍ​ແລ້ວ​ເສຍ​ຊີວິດ​ເວລາ​ຕໍ່​ມາ. ຈາກນັ້ນຜູ້ກ່ຽວ​ຈຶ່ງ​ໄດ້​ເຂົ້າມາ​ມອບ​ໂຕ​ຕໍ່​ການຈັດຕັ້ງບ້ານ​ໂຄກ​ສະອາດ​ແລ້ວ​ການຈັດຕັ້ງບ້ານ​ໄດ້​ໃຫ້​ກອງ​ຄະດີ​ເມືອງ​ໄຊ​ທານີ ​ໂດຍ​ຖືກ​ສານ​ອາຍາ​ຂັ້ນຕົ້ນນະຄອນຫລວງ​ວຽງ​ຈັນ​ຕັດ​ອິດສະຫລະພາບ 3 ປີ​ກັບ 6 ​ເດືອນ ສະຖານ​ທຳຮ້າຍ​ຮ່າງກາຍ​ຜູ້​ອື່ນ​ຈົນ​ເຖິງ​ຂັ້ນ​ເສຍ​ຊີວິດ.

+​ເກີດເຫດຄາດຕະກໍາໂຫດຢູ່ບ້ານໂຄກສະອາດ

- WhatsApp Image 2020 05 27 at 5 - ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ
- WhatsApp Image 2020 05 27 at 5 - ຕໍາຫລວດເຜີຍເຫດຄາດຕະກໍາ​ຜົວຢູ່​ບ້ານ​ໂຄກ​ສະອາດຜູ້ຕ້ອງຫາບໍ່ໄດ້ເສຍຈິດຄືສັງຄົມເຂົ້າໃຈ
error: Alert: ເນື້ອຫາຂ່າວມີລິຂະສິດ !!