ທົ່ງໄຫຫີນດິນແດນແຫ່ງມະຫັດສະຈັນ

-              - ທົ່ງໄຫຫີນດິນແດນແຫ່ງມະຫັດສະຈັນ
- Untitled design - ທົ່ງໄຫຫີນດິນແດນແຫ່ງມະຫັດສະຈັນ

ຊຽງຂວາງເປັນດິນແດນ ວິມານ ແຫ່ງທຳມະຊາດຈອມ ດອຍຕັ້ງຢູ່ທາງພາກເໜືອຂອງ ລາວ ເຊິ່ງເປັນແຂວງໜຶ່ງທີ່ອຸດົມ ສົມບູນໄປດ້ວຍຊັບໃນດິນສິນໃນ ນ້ຳ ແລະ ສະຖານທີ່ທ່ອງທ່ຽວ ທາງດ້ານປະຫວັດສາດ, ວັດທະ ນະທຳ ແລະ ທາງດ້ານປະກົດ ການຂອງທຳມະຊາດທີ່ເປັນໜັາ ສົນໃຈ ແລະ ອັດສະຈັນງຶດງໍ້ ດັ່ງ ໄຫຫີນນັ້ນເອງທີ່ກະແຈກກະ ຈ່າຍຢັ້ງຢາຍຢູ່ທົ່ວສາມທົ່ງໃຫຍ່ ເຊັ່ນ: ທົ່ງໄຫຫີນ 1 ແມ່ນຕັ້ງຢູ່ ບ້ານນຳໂອ, ຫ່າງຈາກໂພນສະ ຫວັນໄປທງທິດຕາເວັນຕົກສ້ຽງ ໃຕ້ປະມານ 8 ກິໂລແມັດ ເຊິ່ງ ໄດ້ມີໄຫຫີນທີ່ໃຫຍ່ເປັນຈຳນວນ ຫລາຍຮ້ອຍໜ່ວຍຢັງຢາຍກັນ ໄປ ຕາມບໍລິເວນທົ່ງຫຍ້າທີ່ຂຽວ ງາມແຫ່ງນີ້ເປັນເວລາຫລາຍ ພັນປີມາແລ້ວ, ແຕ່ສິ່ງທີ່ເປັນປິດ ສະໜາໜ້າງຶດງໍ້ອັດສະຈັນໃຈກໍ ຄືວ່າໄຫຫີນດັ່ງກ່າວນັ້ນມັນແມ່ນ ຫຍັງກັນແທ້? ສ້າງຂຶ້ນມາເພື່ອ ຫຍັງ? ມີປະຫວັດຄວາມເປັນ ມາຄືແນວໃດ? ແລະ ມາຕັ້ງຢູ່ທີ່ ນີ້ໄດ້ແນວໃດ? ທົ່ງໄຫຫີນແຫ່ງ ນີ້ປະກອບດ້ວຍໄຫຫີນທັງໝົດ 334 ໜ່ວຍ ແລະ ໜ່ວຍທີ່ໃຫຍ່ ກວ່າໝູ່ທີ່ສຸດມີເສັ້ນຜ່າໃຈກາງ ກວ້າງເຖິງ 8,14 ແມັດ.(ສຳ ຫລວດໂດຍອົງການຢູແນັສໂກ) ທົ່ງໄຫຫີນດັ່ງກ່າວຖືກສ້າງຕັ້ງ ຂຶ້ນມາ ໃນສະໄໝທີ່ຍັງບໍ່ທັນມີ ກົນຈັກທີ່ທັນສະໄໝ ຈຶ່ງເຮັດໃຫ້ ເປັນທີ່ໜ້າງຶດງໍ້ວ່າຄົນສະໄໝ ນັ້ນ ຂົນຍ້າຍໄຫຫີນມາຈາກບ່ອນ ຜະລິດຢູ່ບໍລິເວນພູເກັງທີ່ມີໄລ ຍະທາງຫ່າງໄກເກືອບ 10 ກິ ໂລແມັດມາຢູ່ບ່ອນນີ້ດ້ວຍວິທີ ໃດ?. ຈາກບັນຫາດ່ັງກ່າວນັ້ນ, ຈຶ່ງເປັນເລື່ອງປິດສະໜາອັນລຶກ ລັບ ແລະ ສ້າງຄວາມປະຫລາດ ໃຈໃຫ້ແກ່ນັກຄົ້ນຄວ້າເປັນຈຳ ນວນບໍ່ໜ້ອຍນອກຈາກນັ້ນ, ຢູ່ ບໍລິເວນທົ່ງໄຫຫີນແຫ່ງນີ້ຍັງມີ ຖ້ຳລຶກລັບທາງດ້ານປະຫວັດ ສາດອີກຫລາຍແຫ່ງທີ່ໜ້າສົນ ໃຈ ແລະ ໜ້າສຶກສາຄົ້ນຄວ້າ.

 

- F Jars - ທົ່ງໄຫຫີນດິນແດນແຫ່ງມະຫັດສະຈັນ

+ 23-29 ມັງກອນ 2018 ແຂວງບໍ່ແກ້ວຈະເປີດປີທ່ອງທ່ຽວໃຫ້ຟົດຟື້ນ

+ ແຫລ່ງທ່ອງທ່ຽວບໍ່ນ້ຳອຸ່ນນາເມືອງ ແລະ ບໍ່ນ້ຳຮ້ອນວຽງທອງພວມໄດ້ຮັບການພັດທະນາ

ນັກນຳທ່ຽວຜູ້ໜຶ່ງທີ່ມາ ຈາກບ້ານນາໂອ, ເມືອງຜາໄຊ ໄດ້ໃຫ້ຮູ້ວ່າ: ປັດຈຸບັນນີ້, ຢູ່ບໍລິ ເວນທົ່ງໄຫຫີນຈຸດນີ້ ໄດ້ສ້າງ ຫ້ອງໄວ້ເພື່ອເກັບກຳຂໍ້ມູນພ້ອມ ທັງໄດ້ກໍ່ສ້າງສະຖານທີ່ວາງສະ ແດງ ແລະ ຂາຍເຄື່ອງທີ່ລະນຶກ ໃຫ້ນັກທ່ອງທ່ຽວທີ່ມາທ່ຽວຊົມ ນຳອີກດ້ວຍ. ສ່ວນທົ່ງໄຫຫີນ ແຫ່ງທີ່ 2 ຕັ້ງຢູ່ບໍລິເວນບ້ານນາ ໂຄ້, ເມືອງຜາໄຊ, ລະຫວ່າງ ເສັ້ນທາງຈາກໂພນສະຫວັນ ຫາ ເມືອງຜາໄຊໄປປະມານ 20 ກິໂລແມັດ, ເຊິ່ງເປັນອີກແຫລ່ງ ທ່ອງທ່ຽວແຫ່ງໜຶ່ງທີ່ໜ້າງຶດງໍ້ ອັດສະຈັນເຊັ່ນກັນມີໄຫຫີນຢູ່ທັງ ໝົດ 92 ໜ່ວຍພ້ອມດ້ວຍຕົ້ນໄມ້ ທີ່ແສນສວຍງາມຢັງຢາຍໄປ ຕາມບໍລິເວນອ້ອມຮອບທົ່ງຫຍ້າ ອັນກວ້າງຂວາງ ແລະ ສິ່ງທີ່ ເຮັດໃຫ້ບ່ອນນີ້ພິເສດໄປກວ່າທົ່ງ ໄຫຫີນເຂດອື່ນນັ້ນກໍຍ້ອນວ່າ ຢູ່ໃນບໍລິເວນດັ່ງກ່າວໄດ້ມີທາດ ຕັ້ງຢູ່ 1 ໜ່ວຍ ເຊິ່ງຊາວບ້ານ ເຂດນີ້ເວົ້າວ່າທາດດັ່ງກ່າວຖືກ ສ້າງຕັ້ງຂຶ້ນໂດຍຄົນຝຣັ່ງ, ແຕ່ກໍ ຍັງບໍ່ທັນມີຂໍ້ມູນອັນໃດມາຢັ້ງຢືນ ໄດ້ເທື່ອ ແລະ ອີກທົ່ງໄຫຫີນແຫ່ງ ທີ່ 3 ແມ່ນຕັ້ງຢູ່ບໍລິເວນເຂດບ້ານ ຊຽງດີ, ເມືອງຜາໄຊຫ່າງຈາກ ໂພນສະຫວັນໄປປະມານ 32 ກິ ໂລແມັດ, ມີເນື້ອທີ່ທັງໝົດປະ ມານ 54.138 ຕາແມັດ, ເຊິ່ງ ປະກອບດ້ວຍໄຫຫີນທີ່ຢັງຢາຍ ໄປມີປະມານ 150 ໜ່ວຍພ້ອມ ທັງມີທິວທັດທຳມະຊາດອັນສະ ຫວາດສະເຫວີຍ ແລະ ຕົ້ນໄມ້ ໃບຊຫຍ້າທີ່ຂຽວສົດງົດງາມ ອ້ອມຮອບບໍລິເວນດັ່ງກ່າວ ເຊິ່ງ ເຮັດໃຫ້ອາກາດເຂດນີ້ມີຄວາມສົດຊື່ນ ແລະ ປອດໂປ່ງດີ. ເພາະ ສະນັ້ນ, ທົ່ງໄຫຫີນຢູ່ເຂດນີ້ ຈຶ່ງ ເປັນສະຖານທີ່ທ່ອງທ່ຽວທີ່ຮັບ ຄວາມນິຍົມຊົມຊອບເປັນພິເສດ.
ທົ່ງໄຫຫີນທັງສາມແຫ່ງ ທີ່ ໄດ້ກ່າວມານັ້ນ, ເຫັນວ່າເປັນ ແຫລ່ງທ່ອງທ່ຽວທີ່ມີຊື່ສຽງ ຢູ່ ໃນ ສປປ ລາວ, ເຮັດໃຫ້ນັກ ທ່ອງທ່ຽວທັງພາຍໃນ ແລະ ຕ່າງປະເທດໄດ້ລັ່ງໄຫລເຂົ້າມາ ທ່ຽວຊົມເປັນຈຳນວນບໍ່ໜ້ອຍ ໃນແຕ່ລະປີຍ້ອນວ່າເປັນແຫລ່ງ ທ່ອງທ່ຽວທີ່ໜ້າອັດສະຈັນ ແລະ ງຶດງໍ້ທີ່ສຸດທີ່ໄດ້ເຫັນຮ່ອງຮອຍ ປະຫວັດສາດປະໄວ້ເຮັດໃຫ້ຄົນ ຍຸກປັດຈຸບັນຕ້ອງໄດ້ຄົ້ນຄິດຜ່ານ ມາເຄີຍໄດ້ຍິນແຕ່ຜູ້ເຖົ້າຜູ້ແກ່ ເພິ່ນເວົ້າວ່າຄົນສະໄໝແຕ່ກີ້ໃຫຍ່ ເອີກກວ້າງສາມສອກ ແລະ ສູງ ໄດ້ແປດ-ເກົ້າສອກແຕ່ສຳລັບ ບັນຫາດ່ັງກ່າວຍັງບໍ່ທັນມີຂໍ້ມູນ ໃດໆມາຢັ້ງຢືນໄດ້ເທື່ອ, ເຖິງ ຢ່າງໃດກໍຕາມທົງໄຫຫີນກໍຍັງ ເປັນສະຖານທີ່ທ່ອງທ່ຽວຢ່າງ ໜ້າອັດສະຈັນ ແລະ ງຶດງໍ້ເໝືອນ ເດີມ, ແຕ່ສິ່ງສຳຄັນກໍຄືປັດຈຸບັນ ລາວເຮົາພວມນຳສະເໜີໃຫ້ອົງ ການອຸຍແນັສໂກນຳເຂົ້າເປັນ ມໍລະດົກທາງດ້ານວັດທະນະ ທຳຢູ່ຖ້າເມື່ອໃດໄດ້ຮັບຮອງ ເອົາແລ້ວຍິ່ງຈະເຮັດໃຫ້ຫົງ ໄຫຫີນດັ່ງກ່າວເປັນແຫລ່ງດຶງ ດູດນັກທ່ອງທ່ຽວມາທ່ຽວຊົມ ຫລາຍຂຶ້ນ.

- Wave100S AD to Website 2020 0 - ທົ່ງໄຫຫີນດິນແດນແຫ່ງມະຫັດສະຈັນ

- 33 - ທົ່ງໄຫຫີນດິນແດນແຫ່ງມະຫັດສະຈັນ

- DSC 0113 - ທົ່ງໄຫຫີນດິນແດນແຫ່ງມະຫັດສະຈັນ

-              - ທົ່ງໄຫຫີນດິນແດນແຫ່ງມະຫັດສະຈັນ

ໂດຍ: ຊາຍພະເນຈອນ

- WhatsApp Image 2020 05 27 at 5 - ທົ່ງໄຫຫີນດິນແດນແຫ່ງມະຫັດສະຈັນ
- WhatsApp Image 2020 05 27 at 5 - ທົ່ງໄຫຫີນດິນແດນແຫ່ງມະຫັດສະຈັນ
error: Alert: ເນື້ອຫາຂ່າວມີລິຂະສິດ !!