6 ພະຍາດຈະຖາມຫາຫາກທ່ານດື່ມນຳ້ໜ້ອຍ

- 012112 2017 - 6 ພະຍາດຈະຖາມຫາຫາກທ່ານດື່ມນຳ້ໜ້ອຍ
- Untitled design - 6 ພະຍາດຈະຖາມຫາຫາກທ່ານດື່ມນຳ້ໜ້ອຍ
  1. ສະໝອງເສື່ອມ : ໃຜຈະໄປເຊື່ອວ່າພຽງແຕ່ດື່ມນຳ້ໜ້ອຍກໍສ່ຽງຕໍ່ການເປັນພະຍາດສະໝອງເສື່ອມໄດ້ ເພາະເມື່ອຮ່າງກາຍຂອງເຮົາຂາດນຳ້ ປະລິມານຂອງນຳ້ໃນຮ່າງກາຍບໍ່ພຽງພໍໃນການເປັນສ່ວນໜຶ່ງຂອງເລືອດທີ່ຟອກໄປທົ່ວຮ່າງກາຍ ເມື່ອເລືອດມີຄວາມຂຸ້ນໜຽວຫລາຍຂຶ້ນ ເຮັດໃຫ້ຫົວໃຈບໍ່ສາມາດຟອກເລືອດໄປລ້ຽງຢູ່ສະໝອງໄດ້ພຽງພໍ ຈຶ່ງເປັນສາເຫດໃຫ້ເກີດອາການສະໝອງເສື່ອມໄດ້ ສະນັ້ນ ຫາກທ່ານຮູ້ສຶກບໍ່ສົດຊື່ນ, ຄິດຫຍັງບໍ່ອອກ, ບໍ່ຫ້າວຫັນ, ມຶນງົງສັບສົນ ນັ້ນອາດເປັນຜົນມາຈາກພຽງແຕ່ດື່ມນຳ້ໜ້ອຍເກີນໄປກໍເປັນໄດ້.
  2. ລິດສີດວງທະວານ : ແນ່ນອນທີ່ສຸດວ່າຫາກຮ່າງກາຍໄດ້ຮັບນຳ້ບໍ່ພຽງພໍ ສົ່ງຜົນໄປເຖິງການຍ່ອຍໃນກະເພາະອາຫານທີ່ ເຮັດໄດ້ຍາກລຳບາກຫລາຍຂຶ້ນ ແລະ ລຳໄສ້ທີ່ແຫ້ງ ອາດເຮັດໃຫ້ເຮົາບໍ່ສາມາດຂັບຖ່າຍອາຈົມໃຫ້ອອກມາໄດ້ ເພາະອາຈົມອາດ ແຫ້ງເກີນໄປ ເມື່ອສິ່ງເສດເຫລືອສະສົມຢູ່ໃນລຳໄສ້ ລຳໄສ້ກໍຈະດູດຊຶມສິ່ງເສດເຫລືອ ຫລື ຂອງເສຍນັ້ນກັບເຂົ້າຮ່າງກາຍໄປອີກ ຍິ່ງເຮັດໃຫ້ເລືອດມີສິ່ງເສດເຫລືອ ແລະ ຂຸ້ນໜຽວກ່ວາເກົ່າ ອາຈົມກໍຈະແຂງ – ແຫ້ງກ່ວາເກົ່າ ຈົນເກີດເປັນອາການຖ່າຍຍາກ ແລະ ສຸດທ້າຍກໍຕາມມາໂດຍພະຍາດລິດສີດວງທະວານ.
  3. ປວດຂໍ້ : ເຊື່ອຫລືບໍ່ວ່າກະດູກອ່ອນໃນຫລາຍໆພາກສ່ວນຂອງຮ່າງກາຍ ລວມໄປເຖິງໝອນຮອງກະດູກ ເຊິ່ງເປັນພາກ ສ່ວນທີ່ສຳຄັນ ແລະ ເກີດອາການຜິດປົກກະຕິໄດ້ງ່າຍ ມີສ່ວນປະກອບເປັນນຳ້ຫລາຍເຖິງ 80% ດັ່ງນັ້ນ, ຫາກຂໍ້ຕໍ່ ຫລື ໝອນຮອງກະດູກແຫ້ງ, ບໍ່ຊຸ່ມຊື່ນພຽງພໍ ອາດເຮັດໃຫ້ຂໍ້ຕໍ່ຕ່າງໆດູດຊຶມເອົາແຮງກະແທກໄດ້ບໍ່ດີພໍ ຈົນເກີດອາການບາດເຈັບໄດ້ງ່າຍ ຫລື ອາດອັກເສບໄດ້ງ່າຍເມື່ອຕ້ອງອອກແຮງຍ່າງ, ຍົກ, ແກ່ວງ ຫລື ແມ່ນແຕ່ຕອນອອກກຳລັງກາຍ ແລະ ຍົກນຳ້ໜັກ.
  4. ທໍ່ຍ່ຽວອັກເສບ ແລະ ພົກຍ່ຽວອັກເສບ : ຫາກທ່ານມີອາການປວດຍ່ຽວ ແຕ່ບໍ່ມີນຳ້ຍ່ຽວໄຫລອອກມາ ຫລື ໄຫລອອກມາພຽງຢອດສອງຢອດ ທ່ານອາດກຳລັງເປັນທໍ່ຍ່ຽວອັກເສບ ຫລື ພົກຍ່ຽວອັກເສບ ເນື່ອງມາຈາກການດື່ມນຳ້ບໍ່ພຽງພໍ, ການຕິດເຊື້ອ ແລະ ການກັ້ນຍ່ຽວດົນໆ.
  5. ຕຸ້ຍ : ບໍ່ເຊື່ອກໍຕ້ອງເຊື່ອວ່າ ຫາກທ່ານດື່ມນຳ້ໜ້ອຍ ເປັນສາເຫດທີ່ອາດນຳໄປສູ່ຄວາມຕຸ້ຍໄດ້ ເພາະຫາກທ່ານດື່ມນຳ້ຢ່າງພຽງພໍໃນຕອນເຊົ້າ ລະຫ່ວາງຕອນກາງເວັນ ຫລື ອາດດື່ມ 1 ຈອກກ່ອນອາຫານ ທ່ານຈະພົບວ່າທ່ານອີ່ມງ່າຍ ອີ່ມໄວກ່ວາການກິນອາຫານໂດຍບໍ່ດື່ມນຳ້ເລີຍ ຍິ່ງຫາກທ່ານເປັນຄົນທີ່ກິນຫລາຍຢູ່ແລ້ວ ແລ້ວຍັງບໍ່ດື່ມນຳ້ອີກ ຍ້ອນຄວາມຫີວ ຫລື ຄວາມຢາກອາຫານ ທ່ານອາດຈະກິນເພີນຈົນນຳ້ໜັກຂຶ້ນໄດ້ງ່າຍໆ.
  6. ປະຈຳເດືອນມາບໍ່ສະໝໍ່າສະເໝີ : ປະຈຳເດືອນຂອງແມ່ຍິງເປັນໂຕບົ່ງບອກເຖິງສຸຂະພາບໄດ້ດີອີກຢ່າງໜຶ່ງ ຫາກທ່ານພົບວ່າທ່ານມີປະຈຳເດືອນທີ່ບໍ່ສະໝໍ່າສະເໝີ ຂາດໆມາໆ, ມີນຳ້ເກີນໄປ, ມີສີເຂັ້ມເກີນໄປ, ມາເປັນກ້ອນ ຫລື ແມ່ນແຕ່ເຈັບທ້ອງນ້ອຍແຮງ ສາເຫດທີ່ທ່ານອາດລະເລີຍອາດມາຈາກການດື່ມນ້ຳໜ້ອຍກໍເປັນໄດ້ ເພາະເມື່ອນຳ້ໃນຮ່າງກາຍມີປະລິມານບໍ່ພຽງພໍ ຮ່າງກາຍຈຶ່ງບໍ່ສາມາດນຳນຳ້ໄປສ້າງເປັນປະຈຳເດືອນໄດ້.

ຫາກບໍ່ແນ່ໃຈວ່າຕົນເອງເປັນຄົນດື່ມນຳ້ໜ້ອຍຫລືບໍ່ ໃຫ້ສັງເກດໄດ້ຈາກ :

- Wave100S AD to Website 2020 0 - 6 ພະຍາດຈະຖາມຫາຫາກທ່ານດື່ມນຳ້ໜ້ອຍ
  1. ຍ່ຽວບໍ່ເຖິງ 4 – 7 ເທື່ອຕໍ່ມື້.
  2. ຍ່ຽວມີສີເຫລືອງເຂັ້ມເກືອບທຸກເທື່ອ.
  3. ຍ່ຽວມີກິ່ນຂິວ.
  4. ກະຫາຍນຳ້.
  5. ປາກແຫ້ງ – ສົບແຫ້ງ.
  6. ຕາເແຫ້ງ – ແສບຕາ.
  7. ຖ່າຍຍາກ – ອາຈົມແຂງ.
  8. ຜິວແຫ້ງ – ລອກເປັນເກັດ.
  9. ລະບົບຍ່ອຍອາຫານມີບັນຫາ, ຍື່ງທ້ອງ, ແໜ້ນທ້ອງ.
- WhatsApp Image 2020 05 27 at 5 - 6 ພະຍາດຈະຖາມຫາຫາກທ່ານດື່ມນຳ້ໜ້ອຍ
- WhatsApp Image 2020 05 27 at 5 - 6 ພະຍາດຈະຖາມຫາຫາກທ່ານດື່ມນຳ້ໜ້ອຍ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!