ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ

- 052112 2017 - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ
- Untitled design - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ

ທ່ານໃດມັກດື່ມຊາ ບໍ່ວ່າທ່ານຍິງ ຫລື ທ່ານຊາຍ ຮູ້ຫລືບໍ່ວ່າ ຊາຫລາຍຊະນິດບໍ່ພຽງແຕ່ຫອມຢ່າງດຽວເທົ່ານັ້ນ, ແຕ່ຍັງສາມາດຊ່ວຍໃຫ້ຮູບຮ່າງຂອງທ່ານງາມສົມສ່ວນຂຶ້ນໄດ້.

  1. ຊາຂຽວ : ຫລາຍຄົນລຶ້ງເຄີຍກັນດີກັບເຄື່ອງດື່ມຊາຂຽວ ເນື່ອງຈາກເປັນຊາຄຸນປະໂຫຍດສູງທີ່ອຸດົມໄປດ້ວຍສານແອນຕີອັອກຊິແດນ ຊ່ວຍປ້ອງກັນການເກີດພະຍາດມະເຮັງ ແລະ ຕໍ່ຕ້ານຮອຍຫ່ຽວແຫ່ງໄວໄດ້ຜົນດີ. ສຳລັບທ່ານໃດຢາກຫລຸດນຳ້ໜັກໄດ້ສຳເລັດງ່າຍຂຶ້ນ ຜູ້ຊ່ຽວຊານແນະນຳໄວ້ວ່າຄວນຫັນມາດື່ມຊາຂຽວ ມື້ລະ 2 – 5 ຈອກ ແລະ ຄວນດື່ມເປັນປະຈຳທຸກມື້ເທົ່ານັ້ນ ເພາະຊາຂຽວຈະຊ່ວຍເພີ່ມອັດຕາການເຜົາຜານຄາໂບໄຮເດຣດ ແລະ ການອັອກຊິເດເຊິນຂອງໄຂມັນໃນຂະນະອອກກຳລັງກາຍໄດ້ດີ.
  2. ຊາກຸຫລາບ : ເຄື່ອງດື່ມຊາທີ່ເຮັດມາຈາກໃບດອກກຸຫລາບສົດ ແລະ ຊາປະສົມຮ່ວມກັນ ເປັນເຄື່ອງດື່ມຊະນິດໜຶ່ງທີ່ມີອາຍຸເກົ່າແກ່ມາດົນແລ້ວ ເຊິ່ງມີສັບພະຄຸນຊ່ວຍທັງການປິ່ນປົວ ແລະ ໃຫ້ຜົນດີໃນເລື່ອງການຫລຸດນຳ້ໜັກໄດ້ຢ່າງມີປະສິດທິພາບ ເພາະວັດຖຸດິບທີ່ເອົາມາໃຊ້ເຮັດຊານັ້ນລ້ວນແຕ່ອຸດົມໄປດ້ວຍວິຕາມິນຫລາຍໆຊະນິດ ເຊັ່ນ : ວິຕາມິນອາ, ວິຕາມິນເບ 3, ວິຕາມິນເດ ແລະ ວິຕາມິນເອີ. ນອກຈາກຈະຊ່ວຍຕໍ່ຕ້ານເຊື້ອຕ່າງໆໄດ້ແລ້ວ ຍັງຊ່ວຍກຳຈັດສານພິດອອກຈາກຮ່າງກາຍ ໄຂມັນທີ່ຈະເຂົ້າມາສະສົມກໍຈະຄ່ອຍໆຫາຍໄປ.- 042112 2017 - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ
  3. ຊາອູ່ຫລົງ : ພຽງທ່ານຫັນມາດື່ມຊາອູ່ຫລົງ 3 ຈອກຕໍ່ມື້ເທົ່ານັ້ນ ຄຸນສົມບັດຂອງມັນຈະຊ່ວຍຕໍ່ຕ້ານການເກີດຜົນກະທົບອັນເກີດຈາກການທີ່ໄຂມັນເຂົ້າມາຍັງພາຍໃນຮ່າງກາຍໄດ້ຢ່າງດີ ບໍ່ວ່າຈະແມ່ນການຫລຸດປະລິມານຂອງໄຂມັນ ແລະ ເຮັດໜ້າທີ່ຊ່ວຍເພີ່ມອັດຕາການເຜົາຜານໄຂມັນໄດ້ດີຂຶ້ນ ດື່ມເປັນປະຈຳຮັບຮອງຈ່ອຍລົງແນ່ນອນ.
  4. ຊາດຳ : ຊາດຳເປັນເຄື່ອງດື່ມຊາທີ່່ມີລົດຊາດເຂັ້ມຂຸ້ນກ່ວາຊາປະເພດອື່ນໆ ມັນຈຶ່ງໃຫ້ສານກາເຟອີນສູງກ່ວາຊາອື່ນໆ ສຳລັບທ່ານໃດທີ່ຕຸ້ຍງ່າຍ ສາເຫດກໍຍ້ອນມີອິນຊູລິນທີ່ມີຄວາມໄວຕໍ່າ ບໍ່ວ່າຈະກິນໄຂມັນ ຫລື ແປ້ງຫຍັງເຂົ້າໄປໜ້ອຍດຽວ ກໍຍ່ອມເຮັດໃຫ້ຕຸ້ຍໄດ້ງ່າຍແລ້ວ. ດັ່ງນັ້ນ, ໝັ່ນດື່ມຊາດຳເປັນປະຈຳທຸກມື້ ຄຸນສົມບັດຈາກຊາດຳຈະຊ່ວຍເພີ່ມຄວາມໄວຂອງອິນຊູລິນ ເຊິ່ງເຮັດໃຫ້ທ່ານຕຸ້ຍໄດ້ຍາກຂຶ້ນ.

ທ່ານໃດດື່ມຊາທັງ 4 ຊະນິດນີ້ເພື່ອຊ່ວຍຮັກສາຮູບຮ່າງໃຫ້ໄດ້ຜົນດີຍິ່ງຂຶ້ນ ກໍຄວນຈະຫລີກເວັ້ນການປຸງຊາດ້ວຍນຳ້ຕານ ໂດຍໃຊ້ສານແທນຄວາມຫວານໃນປະລິມານໜ້ອຍແທນ ຫລື ຈະດື່ມແບບກາລໍຣີຕໍ່າຈາກຕົ້ນຕຳລັບລົດຊາດດັ້ງເດີມກໍໄດ້.

- Wave100S AD to Website 2020 0 - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ
- WhatsApp Image 2020 05 27 at 5 - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ
- WhatsApp Image 2020 05 27 at 5 - ຊາ 4 ຊະນິດນີ້ ດື່ມແລ້ວຮູບຮ່າງຈະງາມຂຶ້ນ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!