ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11

- 25624449 708920515985191 255508299 o - ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11
- Untitled design - ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11

ສະຫະພັນ​ດຶງ​ເຊືອກ​ແຫ່ງ​ຊາດ​ລາວ​ໄດ້​ສົ່ງ​ນັກ​ກິລາ​ຈໍານວນ 20 ກວ່າ​ຄົນ​ເຂົ້າ​ຮ່ວມ​ການ​ແຂ່ງຂັນ​ດຶງ​ເຊືອກ​ອາ​ຊຽນຄັ້ງ​ທີ 11 ທີ່​ປະ​ເທດ​ໄທ​ເປັນ​ເຈົ້າພາບ​ຈັດ​ຂຶ້ນ​ລະຫວ່າງ​ວັນ​ທີ 18-22 ທັນວາ ​ເຊິ່ງມີ 10 ປະ​ເທດ​ເຂົ້າ​ຮ່ວມ. ຂະນະ​ທີ່​ນັກ​ກິລາ​ຍິງ​ທີ​ມຊາດ​ລາວ​ສາມາດ​ຍາດ​ໄດ້​ອັນ​ດັບ​ທີ 4 ຂອງ​ການ​ແຂ່ງຂັນ​ດ່ັງກ່າວ.

ທ່ານ ສົມພອນ ສອນ​ດາລາ ຄະນະ​ບໍລິຫານ​ງານ​ສະຫະພັນ​ດຶງ​ເຊືອກ​ແຫ່ງ​ຊາດລາວ ​ໃຫ້​ສໍາພາດ​ວ່າ: ການ​ເຂົ້າ​ຮ່ວມ​ແຂ່ງຂັນ​ດຶງ​ເຊືອກ​ອາ​ຊຽນຄັ້ງ​ທີ 11 ນີ້ ທາງ​ສະຫະພັນ​ຂອງ​ພວກ​ເຮົາ​ໄດ້​ສົ່ງ​ນັກ​ກິລາ​ເຂົ້າ​ຮ່ວມ​ທັງ​ໝົດ 25 ຄົນ​, ໃນ​ນັ້ນຍິງ 10 ຄົນ, ຊາຍ 10 ຄົນ, ຄະນະ​ນໍາ ​ແລະ ຄູ​ຝຶກ​ຈໍານວນ 5 ຄົນ ​​ເຂົ້າ​ຮ່ວມ 2 ລຸ້ນຄື: ຍິງ​ລຸ້ນນໍ້າໜັກ 1.000 ກິ​ໂລ, ຊາຍ​ລຸ້ນນໍ້າໜັກ 1.200 ກິ​ໂລ, ຜ່ານ​ການ​​ແຂ່ງຂັນ​ນັກ​ກິລາ​ທີ​ມຊາດ​ຂອງ​ພວກ​ເຮົາ​ສາມາດ​ຍາດ​ໄດ້​ພຽງ​ອັນ​ດັບ​ທີ 4 ໃນ​ລຸ້ນ 1.000 ​ກິ​ໂລຍິງ. ສິ່ງ​ດັ່ງກ່າວ​ໄດ້​ສ້າງ​ຄວາມ​ພາກພູມ​ໃຈ​ໃຫ້​ກັບ​ສະຫະພັນ​ຂອງ​ພວກ​ເຮົາ​ທີ່​ສາມາດ​ສ້າງ​ຊື່​ສຽງ​ໃນ​ເວທີ​ພາກ​ພື້ນ ​ແລະ ສາກົນ. ການ​ແຂ່ງຂັນ​ຄັ້ງ​ນີ້​ຖື​ວ່າ​ເປັນຄັ້ງທໍາ​ອິດ​ທີ່​ສະຫະພັນ​ດຶງ​ເຊືອກ​ແຫ່ງ​ຊາດ ​ເຖິງ​ຈະ​ບໍ່​ສາມາດ​ຍາດ​ໄດ້​ອັນ​ດັບ​ທີ່ດີ​ກໍ​ຕາມ ​ແຕ່​ຫວັງ​ວ່າການ​ແຂ່ງຂັນ​ຄັ້ງ​ຕໍ່​ໄປ​ພວກ​ເຮົາ​ຈະສ້າງ​ຜົນງານ​ອັນ​ໂດດ​ເດັ່ນ​ອີກ​ຄັ້ງ​ໃຫ້​ໄດ້, ການ​ເຂົ້າ​ຮ່ວມ​ແຂ່ງຂັນ​ຄັ້ງ​ນີ້​ພວກ​ເຮົາ​ໄດ້​ຝຶກ​ຊ້ອມ​ພຽງ​ແຕ່ 2 ອາທິດ​ເທົ່າ​ນັ້ນ, ພາຍຫລັງ​ສໍາ​ເລັດການ​ເຂົ້າຮ່ວມ​ງານ​ກິລາ​ດຶງ​ເຊືອກ​ອາ​ຊຽນຄັ້ງ​ທີ 9 ທີ່​ປະ​ເທດ​ໄທ​ເປັນ​ເຈົ້າ.

ທ່ານ ສົມ​ພອນ ສອນ​ດາລາ ຍັງ​ໄດ້​ກ່າວ​ຕື່ມ​ອີກ​ວ່າ: ການ​ແຂ່ງຂັນ​ຄັ້ງ​ນີ້​ຖື​ວ່າ​ເປັນ​ປະສົບ​ການ​ທີ່​ສໍາຄັນ​ທີ່​ສຸດ ​ແລະ ຈະ​ນໍາ​ເອົາ​ບົດຮຽນ​ດັ່ງກ່າວ​ກັບ​ໄປ​ແກ້​ໄຂ​ໃນ​ສິ່ງ​ທີ່​ຜິດພາດ ພ້ອມ​ທັງ​ນໍາ​ເອົາ​ກິລາ​ປະ​ເພດ​ນີ້​ເຂົ້າ​ໄປ​ເຜີຍ​ແຜ່​ໃນ​ທຸກໆ​ຂະ​ແໜງ​ການ ​ໂດ​ຍສະ​ເພາະ​ຈະ​​ເນັ້ນ​ນັກຮຽນ​ມັດທະຍົມ​ຕອນ​ຕົ້ນ-​ຕອນ​ປາຍ ​ເພື່​ອຄັດ​ເລືອກ​ເອົາ​ນັກ​ກິລາ​ຮຸ່ນ​ສືບ​ທອດ​ບັນຈຸ​​ເຂົ້າ​ທີ​ມຊາດ​ໃນ​ອະນາ​ຄົດ.

- Wave100S AD to Website 2020 0 - ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11
- WhatsApp Image 2020 05 27 at 5 - ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11
- WhatsApp Image 2020 05 27 at 5 - ລາວຍາດໄດ້ອັນດັບທີ 4 ໃນ ລາຍການດຶງເຊືອກອາຊຽນຄັ້ງທີ 11
error: Alert: ເນື້ອຫາຂ່າວມີລິຂະສິດ !!