ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ

- Book festival - ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ
- Untitled design - ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ

ສະມາຄົມນັກປະພັນລາວ ແລະ ວາລະສານວັນນະສິນຮ່ວມກັບຮ້ານໜອນໜັງສື, ໄດ້ຈັດງານເທສະການປື້ມປະຈໍາປີ 2017 ໃນຫົວຂໍ້: “ພັດທະນາຄວາມຮູ້ສູ່ຄວາມສະແຫວງອ່ານ” ຂຶ້ນທີ່ສູນການຄ້າໄອເຕັກມໍຊັ້ນ 6 ນະຄອນຫລວງວຽງຈັນ, ໃນວັນທີ 21-25 ທັນວານີ້, ໂດຍການເຂົ້າຮ່ວມຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວລາວ.

ທ່ານນາງ ຜິວລາວັນ ຫລວງວັນນາ ຮອງປະທານສະມາຄົມນັກປະພັນລາວໄດ້ມີຄໍາເຫັນວ່າ: ປື້ມແມ່ນສິ່ງພິມທີ່ຜະລິດຂຶ້ນມາເພື່ອຕອບສະໜອງດ້ານຄວາມຮູ້, ຄວາມບັນເທີງ, ເຊິ່ງໄດ້ມີການພັດທະນາມາແຕ່ລະຍຸກແຕ່ລະສະໄໜ, ສະໄໝກ່ອນບັນພະບູລຸດຂອງລາວໄດ້ບັນທຶກຕົວອັກສອນລົງໃສ່ໃບລານ, ຕີວໄມ້ໃຜ່, ເຈ້ຍປໍສາ ຈົນກ້າວມາເຖິງການພິມປຶ້ມເປັນເຫລັ້ມທີ່ໜ້າອ່ານ. ຍ້ອນວ່າປື້ມສາມາດບັນທຶກຂໍ້ມູນສໍາຄັນຕ່າງໆທີ່ມີປະໂຫຍດຕໍ່ການດໍາລົງຊີວິດຂອງຄົນເຮົາ. ດັ່ງນັ້ນ, ການອ່ານປື້ມຈື່ງມີຄວາມສໍາຄັນຕໍ່ການຮຽນຮູ້ເພື່ອພັດທະນາຕົນເອງ, ພວກເຮົາຈຶ່ງໄດ້ຈັດງານນີ້ຂຶ້ນມາ, ເຊິ່ງມີຮ້ານຈໍາໜ່າຍປື້ມເຂົ້າຮ່ວມວາງສະແດງ 19 ແຫ່ງ, ໂດຍໄດ້ນໍາເອົາປື້ມປະເພດນາວະນິຍາຍ, ເລື່ອງສັ້ນ, ບົດກອນ ແລະ ອື່ນໆ. ນອກນັ້ນ, ຍັງຈັດສົນທະນາແລກປ່ຽນບົດຮຽນການຂີດຂຽນບົດຕ່າງໆຈາກບັນດານັກປະພັນ, ນັກກາວີ, ນັກຈັດພິມ ແລະ ຜູ້ຈໍາໜ່າຍປື້ມ, ພ້ອມທັງມີການສະແດງສິລະປະວັນນະຄະດີຕ່າງໆ ເຊັ່ນ: ລະຄອນ, ຂັບລໍາ, ຮ້ອງເພງ, ຟ້ອນ, ການສະແດງແບບປື້ມ, ການອ່ານກາບກອນ, ສະແດງກາຍະສິນ ແລະ ກິດຈະກໍາເພື່ອສົ່ງເສີມການອ່ານອື່ນໆ.

ທ່ານ ບົວເງິນ ຊາພູວົງ ກ່າວວ່າ: ເທສະການນີ້, ໄດ້ນໍາເອົາຄວາມຮູ້ ແລະ ຂໍ້ມູນຕ່າງໆໃນການສ້າງສາພັດທະນາປະເທດຊາດ ແລະ ປະຫວັດສາດອັນຍາວນານຂອງລາວເຮົາມານໍາສະເໜີ, ໂດຍສະເພາະມູນເຊື້ອການຕໍ່ສູ້ກູ້ຊາດຂອງບັນພະບູລຸດລາວໃນແຕ່ລະຍຸກແຕ່ລະສະໄໝທີ່ໄດ້ຮວບຮວມຂຽນເປັນປື້ມ ເພື່ອທີ່ພວກເຮົາໄດ້ອ່ານ, ສຶກສາຮຽນຮູ້ ແລະ ນໍາເອົາຄວາມຮູ້ດັ່ງກ່າວມາເປັນພູມປັນຍາໃນການປະກອບສ່ວນສ້າງສາພັດທະນາປະເທດຊາດຂອງພວກເຮົາໃຫ້ຈະເລີນຍິ່ງໆຂຶ້ນ.

- Wave100S AD to Website 2020 0 - ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ
- WhatsApp Image 2020 05 27 at 5 - ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ
- WhatsApp Image 2020 05 27 at 5 - ຈັດເທສະການປຶ້ມປະຈໍາປີ 2017 ຂຶ້ນທີ່ສູນການຄ້າໄອເຕັກມໍ
error: Alert: ເນື້ອຫາຂ່າວມີລິຂະສິດ !!