ມາດຕະການທີ່ຄວນເບິ່ງໄວ້ເປັນບົດຮຽນ

- selling votes - ມາດຕະການທີ່ຄວນເບິ່ງໄວ້ເປັນບົດຮຽນ
- Untitled design - ມາດຕະການທີ່ຄວນເບິ່ງໄວ້ເປັນບົດຮຽນ

ມື້ນີ້ຜູ້ຂຽນໄດ້ສັງລວມ ເລື່ອງເດັດໆຈາກໜັງສືພິມ“ຜູ້ ແທນປະຊາຊົນ” ສຽງຂອງ ສະພາແຫ່ງຊາດຈັດພິມອອກ ສູ່ສັງຄົມສອງຄັ້ງຕໍ່ອາທິດ. ເລື່ອງ ທີ່ຢາກໃຫ້ເບິ່ງນຳກັນໃນບົດນີ້ ກໍຄືບາງບົດຮຽນຢູ່ຕ່າງປະເທດ ໃນການປ້ອງກັນບໍ່ໃຫ້ເງິນຊ່ວຍເຫລືອຂອງປະເທດອື່ນເຂົ້າມາຄວບງຳເວທີການເມືອງພາຍ ໃນ, ເວົ້າງ່າຍໆກໍຄືຫ້າມຮັບ ເງິນ ຊ່ວຍເຫລືອທາງການເມືອງ, ຈາກນັ້ນກໍມີເລື່ອງການສ້າງສະຕິເຄົາລົບທຸງຊາດ-ເຄື່ອງໝາຍຊາດວ່າເຂົາເຮັດກັນແນວໃດ. ຂໍເລີ່ມຈາກເລື່ອງຫ້າມຮັບເງິນ ຊ່ວຍເຫລືອທາງການເມືອງ ເຊິ່ງເປັນມາດຕະການ ຂອງລັດຖະບານອົດສະຕຣາລີພາຍໃຕ້ ການນຳຂອງທ່ານນາຍົກມາ ຄອມເທີນບູນ. ຈຸດປະສົງຂອງ ຂໍ້ຫ້າມນີ້ ແມ່ນເພື່ອຢຸດຕິການ ໃຊ້ອຳນາດເງິນຈາກພາຍນອກເພື່ອແຊກແຊງ ເຂົ້າກິດຈະການພາຍໃນຂອງອົດສະຕຣາລີ. ມາດຕະການດັ່ງກ່າວຈະອອກມາໃນຮູບກົດໝາຍທີ່ລັດຖະ ບານໄດ້ສະເໜີໃຫ້ລັດຖະບານ ພິຈາລະນາຫວ່າງບໍ່ດົນມານີ້, ເປັນຮ່າງກົດໝາຍວ່າດ້ວຍ ການປ້ອງກັນ ແລະ ຄວບຄຸມ ອິດທິພົນພາຍນອກທີ່ຈະກະ ທົບຕໍ່ລະບົບການເມືອງຂອງ ປະເທດ. ເງື່ອນໄຂເບື້ອງຫລັງ ທີ່ກະຕຸ້ນໃຫ້ມີຮ່າງກົດໝາຍ ສະບັບນີ້ແມ່ນມາຈາກບົດລາຍງານຈາກໜ່ວຍງານສື່ທ້ອງຖິ່ນ ໃນເດືອນມິຖຸນາປີນີ້ວ່າ ໃນການ ເລືອກຕັ້ງຄັ້ງຜ່ານມານັ້ນໄດ້ມີ ການລະດົມທຶນຈາກຕ່າງປະ ເທດຢ່າງເປັນລະບົບ ໂດຍບັນດາຕົວແທນກຸ່ມການເມືອງ ຕ່າງໆ ໃນເວລາລົງໂຄສະນາ ຫາສຽງເລືອກຕັ້ງ.ໃນ 4 ປີ ຜ່ານ ມາຂໍ້ມູນທາງການອົດສະຕຣາລີຊີ້ໃຫ້ເຫັນວ່າມີບາງພັກການ ເມືອງໃດໃຊ້ເງິນໂຄສະນາຫາສຽງຫລາຍກວ່າໜຶ່ງແສນ ໂດລາອົດສະຕຣາລີ (ປະມານ 630 ລ້ານກີບ).

 

+ ຂໍໃຫ້ຂະແໜງມະຫາພາກມີມາດຕະການ ເຂັ້ມງວດຕໍ່ລະບົບໄຟຟ້າຄົວເຮືອນ

+ ທຄຕລ ໄດ້ຮັບໃບຢັ້ງຢືນມາດຕະຖານສາກົນດ້ານບໍລິຫານ ISO 9001:2015

- Wave100S AD to Website 2020 0 - ມາດຕະການທີ່ຄວນເບິ່ງໄວ້ເປັນບົດຮຽນ

 

ຮ່າງກົດໝາຍ ທີ່ສະເໜີໃຫ້ລັດຖະສະພາພິ ຈາລະນານີ້ໄດ້ກຳນົດມາດຕະ ການສຳຄັນດ່ັງນີ້: ກຳນົດບົດລົງ ໂທດຕໍ່ການກະທຳທີ່ເປັນການ ແຊກແຊງດ້ານການເມືອງ ແລະ ການຈາລະກຳຂໍ້ມູນທາງການຄ້າ ແລະ ເສດຖະກິດ, ກຳນົດຂໍ້ ຫ້າມ ຮັບເງິນຊ່ວຍເຫລືອທີ່ມາ ຈາກຕ່າງປະເທດນອກນັ້ນກໍ ຍັງໄດ້ເພີ່ມມາດຕະການເຂັ້ມ ງວດກ່ຽວກັບການກວດສອບ ຜູ້ ທີ່ຮັບຜິດຊອບສົ່ງຕໍ່ຂໍ້ມູນກໍຄື ມີ ໄວ້ໃນຄອບຄອງບັນດາຂໍ້ມູນ ທີ່ມີຄວາມສ່ຽງຕໍ່ການແຊກ ແຊງທາງການເມືອງອີກດ້ວຍ. ຕໍ່ໄປແມ່ນບົດຮຽນກ່ຽວກັບ ການສ້າງສະຕິເຄົາລົບເພງຊາດ ເຊິ່ງກຳນົດຢູ່ກົດໝາຍຟີລິບ ປິນວ່າດ້ວຍທຸງຊາດ ແລະ ເຄື່ອງ ໝາຍຊາດ. ກົດໝາຍດັ່ງກ່າວ ໄດ້ຮັບການປັບປຸງໃຫ້ມີຄວາມ ເຂັ້ມງວດຂຶ້ນຕື່ມໂດຍສະເພາະ ຜູ້ແທນລາສະດອນ ຟີລິບປິນ ຫວ່າງບໍ່ດົນມານີ້. ກົດໝາຍສະ ບັບປັບປຸງນີ້ກຳນົດໃຫ້ພົນລະ ເມືອງຟີລິບປິນທຸກຄົນຕ້ອງ ຕັ້ງໃຈຮ້ອງເພງຊາດດ້ວຍທຳທີ່ ເຂັ້ມແຂງ, ຮ້ອງໃຫ້ໄດ້ສຸດ, ຮ້ອງ ໃຫ້ເຕັມສຽງ, ຖືກຈັງຫວະດ້ວຍ ຄວາມໄວ-ຊ້າຕາມກຳນົດ, ເມື່ອ ສຽງດົນຕີເພງຊາດດັງຂຶ້ນທຸກ ຄົນຕ້ອງຢືນກົງເພື່ອສະແດງ ຄວາມເຄົາລົບ. ທ່າມກາງການ ບັນເລງເພງຊາດນັ້ນ, ຫ້າມມີ ການກະທຳລັກສະນະໝິ່ນປະ ໝາດເຊັ່ນ ການຢອກລໍ້ກັນ, ການ ເຮັດທາທີວອກແວກຂາດການສັງລວມຈິດໃຈ. ນອກຈາກ ນັ້ນ ກົດໝາຍຍັງໄດ້ກຳນົດໃຫ້ມີ ການສິດສອນເພງຊາດຕາມ ໂຮງຮຽນຕ່າງໆໃຫ້ນັກຮຽນ ຈື່ໃສ່ໃຈ ແລະ ທ່ອງໄດ້ກັບປາກ ພາຍໃຕ້ກົດໝາຍນີ້, ຜູ້ທີ່ບໍ່ສະ ແດງຄວາມເຄົາລົບຕໍ່ທຸງຊາດ ຈະຖືກປັບໄໝເປັນຈຳນວນເງິນລະຫວ່າງ 5.000-20.000 ເປ ໂຊ (ແຕ່ 8 ແສນເຖິງ 3 ລ້ານ ກີບ). ສ່ວນຜູ້ບໍ່ປະຕິບັດ (ລະ ເມີດ) ກົດໝາຍສະບັບນີ້ຈະ ຖືກປັບໄໝໜັກເຖິງ 50.000-100.000 ເປໂຊ (ປະມານ 8-16 ລ້ານກີບ). ຢູ່ລາວພວກ ເຮົາກໍຄວນມີລະບຽບການເຄັ່ງຄັດຕື່ມກ່ຽວກັບເພງຊາດເພື່ອ ໃຫ້ທຸກຄົນຮ້ອງເພງຊາດໄດ້ສຸດ, ຮ້ອງຖືກທຳນອງ-ຈັງຫວະບໍ່ ແມ່ນພຽງແຕ່ເຮັດສົບຕີງໄປ ນຳໝູ່ລ້າໆ.

 

- WhatsApp Image 2020 05 27 at 5 - ມາດຕະການທີ່ຄວນເບິ່ງໄວ້ເປັນບົດຮຽນ
- WhatsApp Image 2020 05 27 at 5 - ມາດຕະການທີ່ຄວນເບິ່ງໄວ້ເປັນບົດຮຽນ
error: Alert: ເນື້ອຫາຂ່າວມີລິຂະສິດ !!