ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ

- land - ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ
- Untitled design - ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ

ປັດຈຸບັນ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມໄດ້ສໍາເລັດການອອກໃບຕາດິນທັງໝົດ 191.556 ຕອນໃນທົ່ວປະເທດເທົ່າກັບ 47% ຂອງແຜນການ 5 ປີ 2016-2020 ທີ່ກໍານົດໄວ້ຈຳນວນ 4 ແສນຕອນ, ສະເພາະປີ 2017 ສາມາດອອກໃບຕາດິນສໍາເລັດຫລາຍກວ່າ 114.700 ຕອນ.

ຂໍ້ມູນດັ່ງກ່າວໄດ້ມີການລາຍງານຢູ່ກອງປະຊຸມວຽກງານທີ່ດິນທົ່ວປະເທດທີ່ຈັດຂຶ້ນໃນວັນທີ 20 ທັນວານີ້, ໂດຍການເປັນປະທານຂອງທ່ານ ສົມມາດ ພົນເສນາ ລັດຖະມົນຕີກະຊວງດັ່ງກ່າວ.

ທ່ານ ສົມມາດ ພົນເສນາ ມີຄໍາເຫັນວ່າ: ປັດຈຸບັນ, ການຄຸ້ມຄອງ-ບໍລິຫານ ທີ່ດິນຍັງບໍ່ທັນໄປຕາມທິດທັນສະໄໝ ແລະ ບໍ່ລວມສູນ, ມີລັກສະນະຟູມເຟືອຍ,ມີການຈັບຈ່ອງທີ່ດິນ-ປ່າສາທາລະນະແບບຊະຊາຍ, ມີການແບ່ງປັນທີ່ດິນຂອງລັດໃຫ້ບຸກຄົນຖືກຳມະສິດຄອບຄອງແບບບໍ່ຖືກຕ້ອງລະບຽບກົດໝາຍຢ່າງແຜ່ ຫລາຍ, ໂດຍສະເພາະໃນເຂດຕົວເມືອງ, ຊານເມືອງ ແລະ ດິນຢູ່ໃນເຂດທີ່ມີການພັດທະນາພື້ນຖານໂຄງລ່າງໃໝ່, ນອກຈາກນີ້, ຍັງມີການຮົ່ວໄຫລດ້ານລາຍຮັບທີ່ດິນຢ່າງຫລວງຫລາຍ ແລະ ຂໍ້ຂັດແຍ່ງກ່ຽວກັບທີ່ດິນນັບມື້ຫລາຍຂຶ້ນ.   ສະນັ້ນ, ການຄຸ້ມຄອງ ແລະ ພັດທະນາທີ່ດິນໃນຕໍ່ໜ້ານີ້, ຕ້ອງໄດ້ຈັດສັນຄືນໃໝ່ເພື່ອແຍກເປັນແຕ່ລະປະເພດ, ເພື່ອເຮັດໃຫ້ການຄຸ້ມຄອງທີ່ດິນມີປະສິດທິພາບ, ພ້ອມທັງຮັບປະກັນບໍ່ໃຫ້ຄຸນນະພາບຂອງດິນເກີດການເສື່ອມໂຊມ.

- Wave100S AD to Website 2020 0 - ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ

ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມ ໃຫ້ຮູ້ວ່າ: ມາຮອດປີ 2016 ໄດ້ມີການເກັບກຳສະ ຖິຕິຕອນດິນຄືນໃໝ່ໃນ 150 ເມືອງ, 8.403 ບ້ານ, ລວມມີ 3,6 ລ້ານຕອນ ລວມມີເນື້ອທີ່ 4,3 ລ້ານເຮັກຕາ, ເຊິ່ງເຫັນວ່າຕົວເລກສະຖິຕິສຳມະໂນທີ່ດິນເພີ່ມຂຶ້ນໃນແຕ່ລະປີ ແລະ ນີ້ເປັນພຽງແຕ່ເກັບກຳຂໍ້ມູນແບບລາຍງານຕາມການແຈ້ງຂອງຜູ້ນຳໃຊ້ທີ່ດິນ, ຊຶ່ງຍັງບໍ່ທັນໄດ້ມີການສຳຫລວດ-ວັດແທນຕົວຈິງແບບລະອຽດ. ສ່ວນການນຳຂໍ້ມູນດັ່ງກ່າວເຂົ້າໃນລະບົບຄອມພິວເຕີມາຮອດປັດຈຸບັນປະຕິບັດໄດ້ພຽງແຕ່ 1,3 ລ້ານຕອນເທົ່ານັ້ນ ແລະ ຍັງເປັນແບບລະບົບເຈ້ຍຈໍານວນ 1,7 ລ້ານຕອນ.

- WhatsApp Image 2020 05 27 at 5 - ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ
- WhatsApp Image 2020 05 27 at 5 - ການຄຸ້ມຄອງທີ່ດິນໃນລາວຍັງບໍ່ລວມສູນມີການຈັບຈ່ອງແບບຊະຊາຍ
error: Alert: ເນື້ອຫາຂ່າວມີລິຂະສິດ !!