ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16

- laos thai corporation - ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16
- Untitled design - ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16

​ໃນ​ວັນ​ທີ 21 ທັນວາ​ນີ້, ຫ້ອງການ​ກວດກາ ​ແລະ ຄວບ​ຄຸມ​ຢາ​ເສບ​ຕິດ (315) ກົມ​ໃຫຍ່​ຕຳຫລວດ, ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຈັດ​ກອງ​ປະຊຸມ​ສອງ​ຝ່າຍ​ລາວ-​ໄທ ລະດັບ​ລັດຖະມົນຕີ ວ່າ​ດ້ວຍ​ການ​ຮ່ວມ​ມື ​ເພື່ອ​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16 ຂຶ້ນ​ທີ່​ໂຮງ​ແຮມ ລາວ​ພຣາຊາ ນະຄອນຫລວງ​ວຽງ​ຈັນ ຝ່າຍ​ລາວ ນຳ​ພາ​ໂດຍ​ພະນະ​ທ່ານ ພົຈວ. ສົມ​ຫວັງ ທຳ​ມະ​ສິດ ຮອງ​ລັດຖະມົນຕີ​ກະຊວງປ້ອງກັນຄວາມສະຫງົບ ແລະ ຝ່າຍໄທ ນຳໂດຍ ພະນະທ່ານ ພົນອາກາດ ເອກ ປຣະຈິນ ຈັນຕອງ ຮອງນາຍົກລັດຖະມົນຕີ ວ່າການກະຊວງຍຸດຕິທຳ ​ແຫ່ງ ຣາຊະ​ອານາຈັກ​ໄທ, ມີ​ບັນດາ​ຜູ້ຕາງໜ້າ​ກະຊວງ ​ແລະ ພາກສ່ວນ​ກ່ຽວຂ້ອງ​ຕ່າງໆ​ເຂົ້າ​ຮ່ວມ​ນຳ​ດ້ວຍ.

ກອງ​ປະຊຸມ ​ໄດ້​ຮັບ​ຟັງ​ການ​ລາຍ​ງານ ​ແລະ ຮັບຮອງ​ເອົາ​ຜົນ​ຂອງ​ກອງ​ປະຊຸມ​ລະດັບ ​ເຈົ້າ​ໜ້າ​ທີ່​ອາວຸ​ໂສ​ຄັ້ງ​ທີ 16 ​ໃນ​ການ​ຮ່ວມ​ມື​ດ້ານ​ການ​ກວດກາ​ຢາ​ເສບ​ຕິດ, ຊຶ່ງ​ທັງສອງ​ຝ່າຍ​ໄດ້​ຕົກລົງ​ສືບ​ຕໍ່​ແລກປ່ຽນ​ຂໍ້​ມູນ​ຂ່າວສານ ​ແລະ ບັນຫາ​ຢາ​ເສບ​ຕິດຕາມ​ພື້ນ​ທີ່​ຊາຍ​ແດນ, ​ເພີ່ມ​ຂີດ​ຄວາມ​ສາມາດ​ໃຫ້​ແກ່​ພະນັກງານ​ທີ່​ປະຕິບັດ​ວຽກ​ງານ​ຢູ່​ຫ້ອງ​ກາ​ປະສານ​ງານ​ຕາມ​ຊາຍ​ແດນ (BLO) ທີ່​ສ້າງ​ຕັ້ງ​ຂຶ້ນ​ຮ່ວມ​ກັນ, ການ​ຮ່ວມ​ມື​ດ້ານການ​ບຳບັດ​ປິ່ນປົວ ​ແລະ ຟື້ນ​ຟູ​ຜູ້​ຕິດ​ຢາ​ເສບ​ຕິດ, ຮ່ວມ​ມື​ໃນ​ການ​ປະຕິບັດ​ໂຄງການ​ແມ່​ນ້ຳຂອງ​ປອດ​ໄພ, ຊຶ່ງ​ທັງ​ສອງ​ຝ່າຍ​ຈະ​ສືບ​ຕໍ່​ປະສານ​ງານ​ລົງ​ເຄື່ອນ​ໄຫວ​ລາດຕະ​ເວນ​ຮ່ວມ​ກັນ​ຕາມ​ລຳ​ແມ່​ນ້ຳຂອງ, ຊ່ວຍ​ກັນ​ສະກັດ​ກັ້ນ​ຢາ​ເສບ​ຕິດ, ສານ​ເຄມີ​ ​ເປັນ​ຕົ້ນ ລວມທັງ​ການ​ຈັບ​ກຸມ​ຜູ້​ຄ້າຂາຍ​ຢາ​ເສບ​ຕິດ ຕາມ​ແຜນ​ປະຕິບັດ​ໂຄງການ​ແມ່​ນ້ຳຂອງ​ປອດ​ໄພ, ພ້ອມ​ກັນ​ນັ້ນ ຍັງ​ໄດ້​ກຳນົດ​ວັນ​ເວລາ ​ແລະ ສະຖານ​ທີ່​ຈະ​ຈັດ​ກອງ​ປະຊຸມ​ຄັ້ງ​ທີ 17 ອີກ​ດ້ວຍ.

- Wave100S AD to Website 2020 0 - ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16

ກອງປະຊຸມ​ດັ່ງກ່າວ ຈະ​ເປັນ​ໂອກາດ​ອັນ​ດີ​ຂອງ​ສອງ​ຝ່າຍ ​ເພື່​ອ​ໄດ້​ຮ່ວມ​ກັນ​ຖອດ​ຖອນ​ບົດຮຽນ ​ແລະ ປະສົບ​ການ​ຕ່າງໆ​​ໃນ​ການຈັດ​ຕັ້ງ​ປະຕິບັດ​ເນື້ອ​ໃນ​ຈິດ​ໃຈ​ຂອງ​ກອງ​ປະຊຸມ​ຄັ້ງ​ທີ 15 ຜ່ານ​ມາ ​ແລະ ຍັງ​ໄດ້​ຮັບຮອງ​ເອົາ​ຜົນ​ຂອງ​ກອງ​ປະຊຸມ​ສອງ​ຝ່າຍ​ລາວ-​ໄທ ວ່າ​ດ້ວຍ​ການ​ຮ່ວມ​ມື ​ເພື່ອ​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16 ​ເພື່ອ​​ເປັນ​ບ່ອນ​ອີງ​ໃຫ້​ແກ່​ການ​ຮ່ວມ​ມື​ໃນ​ການ​ແກ້​ໄຂ​ບັນຫາ​ຢາ​ເສບ​ຕິດ​ໃນ​ຕໍ່​ໜ້າ​ຂອງ 2 ປະ​ເທດ​ລາວ-​ໄທ ​ໃຫ້​ດີ​ຂຶ້ນ​ກວ່າ​ເກົ່າ.

- WhatsApp Image 2020 05 27 at 5 - ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16
- WhatsApp Image 2020 05 27 at 5 - ກອງ​ປະຊຸມ​ສອງ​ຝ່າຍ ລາວ-​ໄທ ວ່າ​ດ້ວຍ​ການ​ຮ່ວມ​ມື​ຄວບ​ຄຸມ​ຢາ​ເສບ​ຕິດ ຄັ້ງ​ທີ 16
error: Alert: ເນື້ອຫາຂ່າວມີລິຂະສິດ !!