4 ສູດໜ້າງາມດ້ວຍໝາກແອັບເປິ້ນ

- 012212 2017 - 4 ສູດໜ້າງາມດ້ວຍໝາກແອັບເປິ້ນ
- Untitled design - 4 ສູດໜ້າງາມດ້ວຍໝາກແອັບເປິ້ນ

ກ່ອນອື່ນຕ້ອງຂໍບອກກ່ອນວ່າໝາກແອັບເປິ້ນນັ້ນເປັນໝາກໄມ້ທີ່ມີປະໂຫຍດຕໍ່ຜິວໜັງຫລາຍ, ຊ່ວຍໃນເລື່ອງການເພີ່ມຄວາມຊຸ່ມຊື່ນ, ຫລຸດຄວາມແຫ້ງແຕກຂອງຜິວໜັງ, ມີວິຕາມິນເຊຊ່ວຍເຮັດໃຫ້ຜິວໜັງສົດໃສ ແລະ ແອນຕີອັອກຊິແດນທີ່ຊ່ວຍໃຫ້ຜິວໜັງເຄັ່ງແໜ້ນ, ຫລຸດຄວາມຫ່ຽວຍານ.

  1. ສູດພອກໜ້າໝາກແອັບເປິ້ນ ແລະ ນຳ້ນົມ : ເອົາໝາກແອັບເປິ້ນເຄິ່ງໜ່ວຍມາປັ່ນ (ບໍ່ປອກເປືອກ) ແລ້ວເອົານຳ້ນົມໃສ່ ປັ່ນໃຫ້ເຂົ້າກັນດີອີກເທື່ອໜຶ່ງ ແລ້ວຈຶ່ງເອົາມາທາພອກໃຫ້ທົ່ວໃບໜ້າ ປະໄວ້ 20 ນາທີ ຈຶ່ງລ້າງອອກ. ນຳ້ນົມຈະຊ່ວຍໃຫ້ຜິວໜ້າຂາວສົດໃສ ແລະ ໝາກແອັບເປິ້ນຈະໃຫ້ຄວາມຊຸ່ມຊື່ນ ຈຶ່ງເຮັດໃຫ້ໃບໜ້າກ້ຽງງາມສົດໃສຂຶ້ນ ແລະ ບໍ່ແຫ້ງລອກ.
  2. ສູດພອກໜ້າໝາກແອັບເປິ້ນປະສົມນຳ້ເຜິ້ງ : ເອົາໝາກແອັບເປິ້ນເຄິ່ງໜ່ວຍມາປັ່ນປະສົມກັບນຳ້ເຜິ້ງ ເຮັດຄືກັບສູດທຳອິດ ຈະຊ່ວຍໃຫ້ຜິວໜ້າອ່ອນນຸ້ມຊຸ່ມຊື່ນຂຶ້ນຢ່າງເຫັນໄດ້ຈະແຈ້ງ.
  3. ສູດພອກໜ້າໝາກແອັບເປິ້ນປະສົມໝາກນາວ : ປັ່ນໝາກແອັບເປິ້ນເຄິ່ງໜ່ວຍ (ບໍ່ປອກເປືອກ) ແລ້ວບີບນຳ້ໝາກນາວໃສ່ໜ້ອຍໜຶ່ງ ຈາກນັ້ນກໍເອົາມາທາພອກໃຫ້ທົ່ວໃບໜ້າ ຈະຊ່ວຍຜັດແຊນຜິວໜັງເກົ່າທີ່ຕາຍແລ້ວອອກ ພ້ອມທັງຕື່ມຄວາມຊຸ່ມຊື່ນ ແລະ ຫລຸດຄວາມແຫ້ງແຕກໄປພ້ອມໆກັນ.
  4. ສູດພອກໜ້າໝາກແອັບເປິ້ນ ແລະ ໝາກອາໂວກາໂດ້ : ສຳລັບທ່ານໃດທີ່ມີໝາກອະໂວກາໂດ້ຢູ່ຕູ້ເຢັນ ກໍໃຫ້ເອົາຊີ້ນໝາກອະໂວກາໂດ້ມາປັ່ນປະສົມກັບໝາກແອັບເປິ້ນ ແລ້ວເອົາມາທາພອກໃຫ້ທົ່ວໃບໜ້າ ແລະ ຕົນໂຕ ປະໄວ້ 20 ນາທີ ຈຶ່ງລ້າງອອກ ຈະມີຄຸນສົມບັດຄືກັບຄຣີມຜັດແຊນຜິວເກົ່າໃຫ້ຫລຸດອອກໄປ ຈຶ່ງເກີດການສ້າງແຊນຜິວໃໝ່ທີ່ກ້ຽງງາມ ແລະ ສົດໃສກ່ວາເກົ່າ.

4 ສູດຜິວງາມນີ້ທ່ານສາມາດເຮັດໄດ້ 3 – 4 ເທື່ອຕໍ່ອາທິດ ເຊິ່ງຫາກເຮັດໄດ້ຢ່າງຕໍ່ເນື່ອງເປັນເວລາ 1 ເດືອນແລ້ວ ທ່ານກໍຈະເຫັນຄວາມປ່ຽນແປງຂອງຜິວໜ້າທີ່ມາຈາກການພອກດ້ວຍໝາກແອັບເປິ້ນໄດ້ຢ່າງຈະແຈ້ງ ແລະ ນອກຈາກນີ້, ການກິນໝາກແອັບເປິ້ນໃຫ້ໄດ້ມື້ລະ 1 ໜ່ວຍ ກໍຈະຍິ່ງຊ່ວຍເພີ່ມຄວາມອ່ອນກ່ວາອາຍຸໃຫ້ແກ່ຜິວໜັງ, ເຮັດໃຫ້ບໍ່ຮູ້ສຶກຫິວງ່າຍ ຈຶ່ງເຮັດໃຫ້ບໍ່ຕຸ້ຍງ່າຍ.

- Wave100S AD to Website 2020 0 - 4 ສູດໜ້າງາມດ້ວຍໝາກແອັບເປິ້ນ
- WhatsApp Image 2020 05 27 at 5 - 4 ສູດໜ້າງາມດ້ວຍໝາກແອັບເປິ້ນ
- WhatsApp Image 2020 05 27 at 5 - 4 ສູດໜ້າງາມດ້ວຍໝາກແອັບເປິ້ນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!