ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ

- 022212 2017 - ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ
- Untitled design - ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ

ແມ່ຍິງທີ່ກຳລັງຖືພາຫລາຍຄົນນິຍົມກິນນຳ້ມັນປາເສີມ ຍ້ອນເຊື່ອວ່າມັນຈະຊ່ວຍພັດທະນາສະໝອງຂອງລູກໃນທ້ອງ ແລະ ຍັງມີການເວົ້າວ່າຜະລິດຕະພັນເສີມອາຫານຊະນິດນີ້ຊ່ວຍຫລຸດອາການຊຶມເສົ້າຫລັງເກີດລູກໄດ້ນຳ.

ເດລີ່ ເທເລກຣາບ ລາຍງານວ່າ : ຈາກການວິໄຈຂອງມະຫາວິທະຍາໄລ ແອດິເລດ ອົດສະຕຣາລີ ພົບວ່າ : ອາການຊຶມເສົ້າຫລັງເກີດລູກຂອງແມ່ຍິງທີ່ກິນ ແລະ ບໍ່ກິນນຳ້ມັນປາລະຫ່ວາງເກີດລູກບໍ່ແຕກຕ່າງກັນ. ນອກຈາກນີ້, ລະດັບຄວາມຈື່ຈຳຂອງລູກອາຍຸ 18 ເດືອນຂອງພວກນາງກໍຢູ່ໃນລະດັບໃກ້ຄຽງກັນນຳອີກ.

ການວິໄຈດັ່ງກ່າວມີຜູ້ເຂົ້າຮ່ວມ 2.400 ຄົນ, ໃຊ້ໄລຍະເວລາ 6 ປີ ໂດຍອາສາສະໝັກເຄິ່ງໜຶ່ງຈະກິນນຳ້ມັນປາໃນໄລຍະ 3 ເດືອນສຸດທ້າຍກ່ອນເກີດລູກ. ສ່ວນອີກກຸ່ມໜຶ່ງໄດ້ຮັບຢາຫລອກເປັນນຳ້ມັນພືດ.

- Wave100S AD to Website 2020 0 - ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ

ສາດສະດາຈານ ມາເຣຍ ມາໄຄຣເດສ ຈາກສູນໂພຊະນາການມະນຸດຂອງມະຫາວິທະຍາໄລແອດິເລດ ກ່່າວວ່າ : ຜົນການວິໄຈດັ່ງກ່າວສະແດງໃຫ້ເຫັນວ່າຄຳແນະນຳໃຫ້ເພີ່ມການບໍລິໂພກກົດໄຂມັນໂອເມກ້າ 3 ລະຫ່ວາງການຖືພາບໍ່ມີຫລັກຖານທີ່ໜ້າເຊື່ອຖືມາຮອງຮັບຢ່າງເປັນທາງການ.  ສະນັ້ນຜູ້ບໍລິໂພກຈຶ່ງຕ້ອງສຶກສາເຖິງປະໂຫຍດ ແລະ ຄວາມສ່ຽງທີ່ມີຕໍ່ແມ່ ແລະ ເດັກໃຫ້ຈະແຈ້ງກ່ອນຈຶ່ງກິນ ເພາະໄຂມັນໂອເມກ້າ 3 ນີ້ ເຮົາສາມາດໄດ້ຮັບຈາກປາ, ໄຂມັນໃນສັດ ແລະ ພືດບາງຊະນິດຢ່າງພຽງພໍຢູ່ແລ້ວ ເຊິ່ງບາງເທື່ອກໍບໍ່ຈຳເປັນຕ້ອງກິນເສີມ, ແຕ່ຖ້າຮ່າງກາຍຂາດວິຕາມິນຊະນິດນີ້ແທ້ໆກໍຄວນຈະກິນເສີມກໍໄດ້ ໂດຍສະເພາະຜູ້ທີ່ໃຊ້ສາຍຕາເຮັດວຽກ.

- WhatsApp Image 2020 05 27 at 5 - ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ
- WhatsApp Image 2020 05 27 at 5 - ບາງເລື່ອງໜ້າຮູ້ກ່ຽວກັບອາຫານເສີມນຳ້ມັນປາ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!