ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ

- 1513925195093 960x0 - ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ
- Untitled design - ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ

ຕຳຫລວດ​ອົດ​ສະຕຣາລີ​ກ່າວ​ໃນ​ວັນ​ທີ 22 ທັນວາ​ວ່າ: ​ເຈົ້າໜ້າ​ທີ່​ສາມາດ​ຍຶດຢາ​ໄອສ໌​ໄດ້​ຄັ້ງ​ໃຫຍ່​ທີ່​ສຸດ ຄິດ​ເປັນ​ມູນ​ຄ່າ​ຂອງ​ກາງ​ຫລາຍ​ກວ່າ 760 ລ້ານ​ໂດ​ລາ​ສະຫະລັດ.

​ເຈົ້າໜ້າ​ທີ່​ອົດ​ສະຕຣາລີ ກ່າວ​ວ່າ: ​ຍຶດ​ຢາ​ໄອສ໌ນ້ຳໜັກ 1,2 ​ໂຕນ​ຈາກ​ເຮືອ​ລຳ​ໜຶ່ງ ​ເຊິ່ງ​ເຈົ້າໜ້າ​ທີ່​ຄາດ​ວ່າ​ເດີນທາງ​ມາ​ຈາກ​ຈີນ. ອົດ​ສະຕຣາລີ​ມີ​ສະຖິຕິ​ຜູ້​ເສບ​ຢາ​ໄອສ໌ຕໍ່​ຄົນ​ສູງ​ທີ່​ສຸດ​ໃນ​ໂລກ ​ແລະ ກາຍ​ເປັນ​ເປົ້າໝາຍ​ຂອງ​ຜູ້​ລັກລອບ​ຄ້າ​ຢາ​ເສບ​ຕິດ ​ເພາະ​ລາຄາ​ໃນ​ຕະຫລາດ​ເພີ່ມ​ສູງ​ຂຶ້ນ. ຂະນະ​ທີ່​ຢາ​ໄອສ໌ ​ເຊິ່ງນຳ​ເຂົ້າອົດ​ສະຕຣາລີ​ມາ​ຈາກ​ຈີນ ​ແລະ ບໍລິ​ເວນ​ສາມຫລ່ຽງຄຳ ​ເຊິ່ງ​ເປັນ​ພື້ນທີ່​ເຊື່ອມ​ຕໍ່​ມຽນມາ, ​ໄທ ​ແລະ ລາວ. ຊາຍ 8 ຄົນ​ເຊິ່ງ​ເປັນ​ຊາວ​ອົດ​ສະຕຣາລີ​ທັງ​ໝົດ​ຖືກຕັ້ງຂໍ້​ຫາ​ນຳ​ເຂົ້າ ຫລື ຄອບ​ຄອງ​ຢາ​ເສບ​ຕິດ​ເພື່ອ​ການ​ຄ້າ​ທີ່​ມີ​ໂທດ​ຈຳ​ຄຸກ​ຕະຫລອດ​ຊີວິດ. ອົດ​ສະຕຣາລີ​ລະບຸ​ວ່າ: ຈີນ ​ແລະ ອິນ​ເດຍ​ເປັນ​ແຫ​ລ່ງສຳຄັນ​ໃນ​ການ​ຜະລິດ​ສານ​ຕັ້ງຕົ້ນ​ເພື່ອ​ໃຊ້​ຜະລິດ​ຢາ​ໄອສ໌ ​ໂດຍ​ມີ​ຈີນ ​ແລະ ມຽນມາ​ເປັນ​ແຫ​ລ່ງຜະລິດ​ໃນ​ຂະ​ບວນການ​ຂັ້ນສຸດ​ທ້າຍ.

- Wave100S AD to Website 2020 0 - ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ
- WhatsApp Image 2020 05 27 at 5 - ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ
- WhatsApp Image 2020 05 27 at 5 - ອົດສະຕຣາລີຍຶດຢາໄອສ໌ຄັ້ງໃຫຍ່ທີ່ສຸດ 760 ລ້ານໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!