ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ

- killing in sikhai - ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ
- Untitled design - ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ

ບັນຫາຄາດຕະກໍາ, ແມ່ນປາກົດການຫຍໍ້ທໍ້ທີ່ອັນຕະລາຍໃນສັງຄົມທີ່ເກີດມາຈາກຫລາຍສາເຫດ, ເຊິ່ງໜັງສືພີມລາວພັດທະນາຂໍຍົກເອົາ 10 ເຫດການຄາດຕະກໍາທີ່ເກີດຂຶ້ນໃນປີ 2017 ນີ້ມານໍາສະເໜີຄື: ອັນດັບ 11 ເຫດຄາດຕະກໍາຢູ່ບ້ານໜອງແຕ່ງເມືອງສີໂຄດຕະບອງນະຄອນຫລວງວຽງຈັນ ເມື່ອເວລາປະມານ 22:00 ໂມງຂອງວັນທີ 8 ມັງກອນ, ໂດຍທ້າວ ຫລິວ ເຕີລິນ ອາຍຸ 36 ປີໄດ້ໃຊ້ມິດແທງເມຍຊື່ນາງ ສຸລິຈັນ ແລະ ລູກສາວຊື່ນາງ ບົວສຸກ ເສຍຊີວິດຄາທີ່ຢູ່ເຮືອນ ແລະ ມື້ຕໍ່ມາຜູ້ກ່ຽວໄດ້ເອົາສົບເມຍ ແລະ ລູກໃສ່ລົດກະບະໄປຫ້ອງຕໍາຫລວດນະຄອນຫລວງເພື່ອມອບຕົວຕໍ່ເຈົ້າໜ້າທີ່, ໂດຍສາເຫດເກີດມາຈາກຜິດຖຽງກັນເລື່ອງຊັບສີນໃນຄອບຄົວ.

ອັນດັບ 10 ແມ່ນເຫດຄາດຕະກໍາທີ່ເກີດຂຶ້ນເວລາປະມານ 21:00 ໂມງຂອງວັນທີ 17 ມັງກອນ, ໂດຍທ້າວ ຊ້າງ ອາຍຸ 24 ປີຢູ່ບ້ານໂພນຕ້ອງເມືອງໄຊທານີ ໄດ້ໃຊ້ມີດແທງທ້າວ ນະ ອາຍຸ 33 ປີຢູ່ບ້ານດຽວກັນເສຍຊີວິດຄາທີ່, ສ່ວນຜູ້ກໍເຫດຍັງເອົາຫລົບໜີ.

ອັນດັບ 9 ແມ່ນເຫດຄາດຕະກໍາຢູ່ບ້ານອີໄລເໜືອເມືອງນາຊາຍທອງນະຄອນຫລວງວຽງຈັນເມື່ອວັນທີ 16 ກຸມພາ, ຜູ້ເສຍຊີວີດຊື່ນາງ ຢົວຢາງ ອາຍຸ 22 ປີຢູ່ບ້ານໂນນຕ້ອງເມືອງໝື່ນແຂວງວຽງຈັນ, ສ່ວນລາຍລະອຽດກ່ຽວກັບເຫດຄາດຕະກໍາແມ່ນຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່.

ອັນດັບ 8 ແມ່ນເຫດຄາດຕະກໍາຢູ່ຮ້ານເສີມສວຍແຫ່ງໜຶ່ງເຂດບ້ານໂພນຕ້ອງເມືອງຈັນທະບູລີ ໃນເວລາປະມານ 6:00 ໂມງຂອງວັນທີ 18 ກຸມພາ, ຜູ້ເສຍຊີວິດຊື່ນາງ ເຟີນທິແທງຕຽນ ອາຍຸ 22 ປີສັນຊາດຫວຽດນາມ, ພັກເຊົາຢູ່ບ້ານໂພນຕ້ອງ, ຕາມການໃຫ້ການຂອງນ້ອງສາວຜູ້ຕາຍຕໍ່ເຈົ້າໜ້າທີ່ວ່າ: ເວລາປະມານ 5:00 ໂມງຂອງມື້ເກີດເຫດໄດ້ມີຄົນຮ້າຍ 1 ຄົນ, ເປັນເພດຊາຍຮູບຮ່າງໃຫຍ່ ງັດປະຕູດ້ານຫລັງຮ້ານເຂົ້າມາໃນຫ້ອງນອນພວກຕົນທີ່ຢູ່ນໍາກັນ 3 ຄົນ ແລ້ວຄົນຮ້າຍໄດ້ໃຊ້ມີດແທງຜູ້ເປັນເອື້ອຍຫລາຍຈຸດ ແລະ ເອື້ອຍອີກຜູ້ໜຶ່ງກໍຖືກແທງບໍລິເວນໜ້າ ຈາກນັ້ນຄົນຮ້າຍກໍໄດ້ເອົາຕົວຫລົບໜີ ແລະ ປັດຈຸບັນຍັງຢູ່ໃນຂັ້ນຕອນການສຶບສວນຂອງເຈົ້າໜ້າທີ່.

ອັນດັບ 7 ແມ່ນເຫດໄວລຸ້ນຍິງກັນຢູ່ຮ້ານອາຫານດາວຄໍາບ້ານນາຄໍາເມືອງສີໂຄດຕະບອງນະຄອນຫລວງວຽງຈັນໃນເວລາປະມານ 3:00 ໂມງຂອງວັນທີ 15 ກຸມພາ, ເຫດການດັ່ງກ່າວມີຜູ້ເສຍຊີວິດ 1 ຄົນຄື: ທ້າວ ວັດທະນາ (ຕົ້ນ) ອາຍຸ 27 ປີຢູ່ບ້ານທົ່ງຂັນຄໍາເມືອງຈັນທະບູລີ ແລະ ມີຜູ້ບາດເຈັບອີກ 3 ຄົນ.

ອັນດັບ 6 ໄດ້ເກີດເຫດຄົນຮ້າຍໃຊ້ອາວຸດປືນຍິງທ້າວ ຫງວຽນແທງລອງ ອາຍຸ 45 ປີນັກທຸລະກິດສັນຊາດຫວຽດນາມໃນເວລາປະມານ 6:40 ໂມງຂອງວັນທີ 2 ພຶດສະພາ, ເສຍຊີວິດຄາທີ່ໃນເຮືອນຢູ່ບ້ານພະຂາວເມືອງໄຊເສດຖານະຄອນຫລວງວຽງຈັນ, ໂດຍຖືກຍິງເຂົ້າບໍລິເວນຫົວ 1 ນັດ, ສ່ວນຄົນຮ້າຍຍັງຢູ່ໃນການຕິດຕາມຂອງເຈົ້າໜ້າທີ່.

- Wave100S AD to Website 2020 0 - ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ

ອັນດັບ 5 ແມ່ນເຫດຄາດຕະກໍາທີ່ເກີດຂຶ້ນຢູ່ບ້ານແສງສະຫວ່າງເມືອງໄຊເສດຖານະຄອນຫລວງວຽງຈັນໃນວັນທີ 3 ມິຖຸນາ, ຜູ້ເສຍຊີວິດຊື່ທ້າວ ໂດວັນຈີ ອາຍຸ 24 ປີສັນຊາດຫວຽດນາມ, ພັກເຊົາຢູ່ບ້ານແສງສະຫວ່າງເມືອງໄຊເສດຖາ ແລະ ຜູ້ຖືກຫາແມ່ນທ້າວ ຫງວຽນວັນຕວນ ອາຍຸ 23 ປີສັນຊາດຫວຽດນາມພັກເຊົາຢູ່ບ້ານດຽວກັນ.

ອັນດັບ 4 ແມ່ນເຫດຄາດຕະກໍາຢູ່ບ້ານສາລາຄໍາເມືອງຫາດຊາຍຟອງນະຄອນຫລວງວຽງຈັນ ໃນເວລາປະມານ 8:30 ໂມງຂອງວັນທີ 1 ກັນຍາ, ເຫດການຄັ້ງນີ້ມີຜູ້ເສຍຊີວິດ 2 ຄົນຄື: ນາງ ຈັນທະວີ ລາດສະວົງສິງ ອາຍຸ 38 ປີ ເມຍເຈົ້າຂອງເຮືອນ, ຖຶກຍິງບໍລິເວນຫົວ 1 ນັດ ແລະ ນາງ ໂມະ ອາຍຸ 40 ປີແມ່ບ້ານ ຖືກຍິງບໍລິເວນເອິກ 3 ນັດ ແລະ ຄະດີນີ້ຍັງຢູ່ໃນຂັ້ນຕອນການສືບສວນຫາຄົນຮ້າຍເພື່ອນໍາຕົວມາດໍາເນີນຄະດີຕາມລະບຽບກົດໝາຍ.

ອັນດັບ 3 ແມ່ນເຫດຄາດຕະກໍາທີ່ເກີດຂຶ້ນເວລາ 10:00 ໂມງຂອງວັນທີ 7 ຕຸລາ, ໂດຍຄົນຮ້າຍສອງຄົນໄດ້ໃຊ້ອາວຸດປືນຍິງທ້າວ ຊູຫວັງຖຽນ ອາຍຸ 60 ປີຢູ່ສູນການຄ້າສີໄຄ ພລາຊາ ບ້ານນາແຮ່ເມືອງສີໂຄດຕະບອງຫລາຍນັດ, ສ່ວນຄົນຮ້າຍໄດ້ເອົາຕົວຫລົບໜີໄປ ແລະ ເຈົ້າໜ້າທີ່ຍັງສືບສວນເພື່ອຕິດຕາມຕົວມາດໍາເນີນຄະດີຕາມລະບຽບກົດໝາຍ.

ອັນດັບ 2 ແມ່ນເຫດຄາດຕະກຳຢູ່ແຄມເສັ້ນທາງຂ້າງຫໍສະໝຸດ ບ້ານສີວິ ໄລ ເມືອງໄຊທານີ ນະຄອນຫລວງວຽງຈັນ ໃນເວລາປະມານ 8:30 ໂມງ ຂອງວັນທີ 9 ພະຈິກ ຜູ້ເສຍຊີວິດຊື່ທ້າວ ສັງທອງ ຂັນປັນຍາ ອາຍຸ 42 ປີ ຢູ່ບ້ານໂພນຕ້ອງສະຫວາດ ເມືອງຈັນທະບູລີ ໂດຍຖືກກຸ່ມຄົນຮ້າຍຈຳນວນໜຶ່ງ ທຳຮ້າຍຮ່າງກາຍ ແລະ ໃຊ້ມີດແທງຈົນເສຍຊີວິດກ່ອນຄົນຮ້າຍຈະຂັບລົດຂອງ ຜູ້ຕາຍໜີໄປ.

ອັນດັບ 1 ແມ່ນເຫດຄາດຕະກຳຢູ່ຖຽງນາ ບ້ານໂຄກສະອາດ ເມືອງໄຊ ທານີ ນະຄອນຫລວງວຽງຈັນ ຜູ້ເສຍຊີວິດຊື່ທ້າວ ກາ ອາຍຸ 41 ປີ ໂດຍຖືກ ເມຍຊື່ນາງ ສອນ ອາຍຸ 48 ປີ ໃຊ້ພ້າຟັນຕາມຮ່າງກາຍ ແລະ ຕັດອະໄວຍະ ວະຕ່າງໆ ຍ້ອນສາເຫດຫຶງຫວງ.

- WhatsApp Image 2020 05 27 at 5 - ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ
- WhatsApp Image 2020 05 27 at 5 - ປີ 2017 ມີ 11 ເຫດຄາດຕະກໍາຢູ່ນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!