ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ

- 7777 - ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ
- Untitled design - ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ

​ເຈົ້າໜ້າ​ທີ່ ປກສ ແຂວງຫລວງນໍ້າທາ ໃຫ້ຮູ້ວ່າ: ພາຍຫລັງໄດ້​ຮັບ​ແຈ້ງ​ຈາກ​ພົນລະ​ເມືອງ​ດີ​ວ່າ​ຈະ​ມີ​ການລັກລອບ​ຂົນ​ສົ່ງ​ຢາ​ເສບ​ຕິດ​ຈາກ​ແຂວງ​ອຸດົມ​ໄຊ​ໄປ​ແຂວງ​ຫລວງ​ນ້ຳທາ, ຈຶ່ງໄດ້ວາງກໍາລັງຕັ້ງດ່ານກວດກາຕາມເສັ້ນທາງສໍາຄັນ ຫລາຍຈຸດລະຫວ່າງສອງແຂວງດັ່ງກ່າວ ແລະ ໄດ້ພົບເຫັນລົດເກງສີຂາວ ໝາຍເລກທະບຽນ ກມ 0876 ເປົ້າໝາຍສົງໃສແລ່ນມາດ້ວຍຄວາມໄວຕາມເສັ້ນທາງ R3 ​ເຂດ​ບ້ານ​ຕາ​ຫວານ​ເມືອງ​ຫລວງ​ນ້ຳທາ, ຈຶ່ງໄດ້ໃຫ້ຢຸດລົດເພື່ອກວດກາ ແລະ ພົບ​ເຫັນ​ຂອງ​ກາງ​ຢາ​ບ້າ 54 ພັນເມັດ​ຊຸກ​ເຊື່ອງ​ໄວ້​ໃນລົດ ຈຶ່ງ​ໄດ້ຍຶດໄວ້ເປັນຫລັດຖານ ແລະ ກັກ​ຕົວ​ຜູ້​ຂັບ​ລົດຊື່​ທ້າວ ​ເຢັງ​ປໍ​ຢາງ ອາຍຸ 24 ປີຢູ່​ບ້ານ​ມອນ​ໃຕ້ ​ແລະ ຜູ້ນັ່ງມານໍາຊື່ທ້າວ ​ໃຈ​ຢາງ ອາຍຸ 19 ປີຢູ່​ບ້ານ​ໜອງ​ແມງ​ດາ​ເມືອງ​ໄຊ​ແຂວງ​ອຸດົມໄຊມາດໍາເນີນຄະດີຕາມລະບຽບກົດໝາຍ.

ຜ່ານ​ການສືບສວນ-​ສອບ​ສວນຂອງເຈົ້າໜ້າທີ່ພວກເຂົາໄດ້ຮັບ​ສາລະພາບ​ວ່າ: ຢາ​ເສບຕິດດັ່ງກ່າວ​ແມ່ນເປັນຂອງພວກຕົນແທ້, ໂດຍເອົາມາຈາກຂະບວນການດຽວກັນຢູ່ແຂວງອຸດົມໄຊ ​ເພື່ອ​ຈະໄປ​ຂາຍ​ໃຫ້ຜູ້ສັ່ງຊື່ຢູ່​ແຂວງ​ຫລວງ​ນ້ຳທາ,​ ແຕ່ຖືກເຈົ້າໜ້າທີ່ຈັບຕົວ​ກ່ອນ ແລະ ຄະດີຢາເສບຕິດລາຍນີ້, ເຈົ້າໜ້າທີ່ຈະເລັ່ງຂະຫຍາຍຜົນຫາຜູ້ຮ່ວມຂະບວນການ ເພື່ອຈັບຕົວມາດໍາເນີນຄະດີຕາມລະບຽບກົດໝາຍໂດຍໄວ.

- Wave100S AD to Website 2020 0 - ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ
- WhatsApp Image 2020 05 27 at 5 - ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ
- WhatsApp Image 2020 05 27 at 5 - ຕໍາຫລວດແຂວງຫລວງນໍ້າທາ ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!