ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?

- 012512 2017 - ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?
- Untitled design - ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?

ໂດຍການສຳຫລວດພົບວ່າ : 75% ຂອງພໍ່ແມ່ອາເມລິກາ ມັກຈະແອດເຟສບຸກຂອງລູກໄວ້ໃນລາຍຊື່ໝູ່ຂອງໂຕເອງເພື່ອຕິດຕາມເລື່ອງລາວ ແລະ ຄວາມຮູ້ສຶກນຶກຄິດຂອງລູກທີ່ກຳລັງເປັນໄວໜຸ່ມ ລວມໄປເຖິງພຶດຕິກຳຂອງພວກເຂົາທີ່ປະຕິບັດກັບບັນດາໝູ່ໃນອິນເຕີເນັດ.

ທ່ານ ນາງ ເຣຈິນ່າ ເລວິສ ໜຶ່ງໃນຄະນະສຳຫລວດໄດ້ກ່າວວ່າ : ຕອນນີ້ປະເດັນເລື່ອງການແອດເຟສບຸກຂອງລູກກາຍເປັນ ປະເດັນອັນດັບ 1 ທີ່ບັນດາພໍ່ແມ່ກຳລັງປະສົບກັນຢູ່ ເນື່ອງຈາກຈະເປັນການໃຫ້ປະໂຫຍດຫລາຍໃນການສ້າງຄວາມໃກ້ຊິດກັບລູກ ແລະ ຕິດຕາມພຶດຕິກຳຂອງພວກເຂົາຜ່ານອິນເຕີເນັດ ໂດຍຂະນະນີ້ ເປີເຊັນຂອງຜູ້ປົກຄອງທີ່ແອດເຟສບຸກຂອງລູກໄວ້ໃນກຸ່ມໝູ່ນັ້ນມີຈຳນວນເພີ່ມຂຶ້ນເປັນ 70% ຂອງຜູ້ປົກຄອງທັງໝົດໃນສະຫະລັດອາເມລິກາກໍເວົ້າໄດ້. ແຕ່ໃນຂະນະດຽວກັນໄວໜຸ່ມກ່ວາ 30% ຊຳ້ພັດຍອມຮັບວ່າຖ້າເລືອກໄດ້ພວກເຂົາບໍ່ຢາກຈະແອດເຟສບຸກຂອງພໍ່ແມ່ເຂົ້າມາ ເນື່ອງຈາກບາງຢ່າງກໍເປັນສ່ວນໂຕຫລາຍເກີນໄປ ແລະ ຄິດວ່າຜູ້ປົກຄອງອາດຮັບບໍ່ໄດ້.

ນອກຈາກນີ້, ຍັງໄດ້ມີການເກັບຂໍ້ມູນຈາກຜູ້ປົກຄອງທັງໝົດ 1.024 ຄອບຄົວ ແລະ ບັນດາໄວໜຸ່ມອາຍຸ 13 – 17 ປີ ອີກ 500 ຄົນ ປະກົດວ່າ : ບັນດາໄວໜຸ່ມຫລາຍກ່ວາ 50% ຮູ້ຈັກໝູ່ໃນກຸ່ມຂອງໂຕເອງບໍ່ເຖິງ 50% ຈາກຈຳນວນໝູ່ໂຕເອງທັງໝົດ. ໃນຂະນະທີ່ 41% ຂອງຜູ້ປົກຄອງເປີດເຜີຍວ່າພວກເຂົາຮູ້ຈັກໝູ່ຂອງລູກເກີນ 50% ຂອງໝູ່ລູກທັງໝົດໃນເຟສບຸກ ແລະ ອີກ 20% ກ້າທີ່ຈະບອກລູກໂຕເອງເພື່ອລົບລາຍຊື່ໝູ່ບາງຄົນອອກຈາກກຸ່ມ ເມື່ອພົບວ່າໝູ່ຜູ້ນັ້ນມີພຶດຕິກຳສໍ່ແວວໄປໃນທາງທີ່ບໍ່ດີ.

- Wave100S AD to Website 2020 0 - ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?

ແນວໃດກໍຕາມ, ທ່ານ ນາງ ເລວິສ ຜູ້ຈັດແບບສຳຫລວດໄດ້ສະແດງຄວາມຄິດເຫັນວ່າ :  ບໍ່ວ່າຜູ້ປົກຄອງຈະມີຄວາມເຫັນແນວໃດກ່ຽວກັບການແອດເຟສບຸກຂອງລູກກໍຕາມ, ແຕ່ການເບິ່ງແຍງດູແລລູກໃນການໃຊ້ອິນເຕີເນັດເພື່ອຕິດຕໍ່ກັບໝູ່ໃນໂລກອອນລາຍກໍຄວນຈະຕ້ອງຢູ່ໃນການເບິ່ງແຍງຂອງພໍ່ແມ່ຜູ້ປົກຄອງຢູ່ດີ ແລະ ນາງກໍສະໜັບສະໜູນຢ່າງຍິ່ງທີ່ພໍ່ແມ່ຈະຕິດຕາມພຶດຕິກຳຂອງລູກຜ່ານເຟສບຸກຂອງພວກເຂົາ.

- WhatsApp Image 2020 05 27 at 5 - ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?
- WhatsApp Image 2020 05 27 at 5 - ພໍ່ແມ່ຄວນແອ໊ດເຟສບຸ໊ກລູກຫລືບໍ່ ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!