ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%

- economic - ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%
- Untitled design - ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%

ກອງ​ປະຊຸມ​ແນ​ະນຳ​ການຈັດ​ຕັ້ງ​ປະຕິບັດ​ແຜນ​ພັດທະນາ​ເສດຖະກິດ-​ສັງຄົມ​ແຫ່ງ​ຊາດປະຈຳ​ປີ 2018 ໄດ້ຈັດ​ຂຶ້ນ​ລະຫວ່າງ​ວັນ​ທີ 25-26 ທັນ​ວານີ້, ທີ່​ນະຄອນຫລວງ​ວຽງ​ຈັນ, ​ໂດຍການ​ເປັນ​ປະທານ​ຂອງ​ທ່ານ ສຸພັນ ​ແກ້ວ​ມີ​ໄຊ ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ, ​ມີບັນດາ​ຫົວ​ໜ້າພະ​ແນ​ກ​​ແຜນການ ​ແລະ ການ​ລົງທຶນ​ແຂວງທົ່ວ​ປະ​ເທດເຂົ້າ​ຮ່ວມ. ​ເພື່ອ​ປຶກສາ​ຫາລື​ເປັນ​ເອກະ​ພາບ​ໃນ​ດ້ານ​ທັດສະນະ, ກົນ​ໄກ ​ແລະ ວິທີ​ການ​ຈັດ​ຕັ້ງ​ປະຕິບັດດຳລັດ​ວ່າ​ດ້ວຍ​ການຈັດ​ຕັ້ງ​ປະຕິບັດ​ແຜນ​ພັດທະນາ​​ເສດຖະກິດ-​ສັງຄົມ​ແຫ່ງ​ຊາດ, ​ແຜນ​ງົບປະມານ​ແຫ່ງ​ລັດ​ປີ 2018 ​ແລະ ບົດ​ແນະນຳ​ຂອງ​ກະຊວງ​ແຜນການ ​ແລະ ການ​ລົງທຶນ​ວ່າ​ດ້ວຍ​ການຈັດ​ຕັ້ງ​ປະຕິບັດ​ດຳລັດ​ດັ່ງກ່າວ, ​ໂດຍ​ສະ​ເພາະ​ແມ່ນ​ວຽກ​ງານ​ຂອງ​ຂະ​ແໜງ​ແຜນການ ​ແລະ ການ​ລົງທຶນ.

​ໃນໂອກາດ​ນີ້, ທ່ານ ສຸພັນ ​ແກ້ວ​ມີ​ໄຊ ​ໄດ້​ແຈ້ງ​ໃຫ້​ຊາບ​ວ່າ: ການ​ປະຕິບັດ​ແຜນ​ພັດທະນາ​ເສດຖະກິດ-​ສັງຄົມ​ປີ 2017 ແມ່ນ​ໄດ້​ຮັບຜົນສຳ​ເລັດ​ດີ​ໃນ​ຫລາຍ​ດ້ານ GDP ​ເຕີບ​ໂຕ​ຢູ່​ໃນ​ລະດັບ 6,8% ສະ​ເລ່ຍລາຍ​ຮັບຕໍ່​ຫົວ​ຄົນ​ບັນລຸ 2.472 ​ໂດ​ລາ​ສະຫະລັດ, ​ໃນ​ນັ້ນ​ຂະ​ແໜງ​ກະ​ສິ​ກຳ​ເພີ່ມ​ຂຶ້ນ 2,7% ອຸດສາຫະກຳ​ເພີ່ມ​ຂຶ້ນ 9,5% ​ແລະ ບໍລິການ​ເພີ່ມ​ຂຶ້ນ 6,15% ການ​ຄ້າ ​ແລະ ການ​ລົງທຶນ​ກໍ​ສຶບຕໍ່​ຂະຫຍາຍ​ໂຕ​ຢ່າງ​ຕໍ່​ເນື່ອງ. ​ສຳລັບແຜນ​ປີ 2018 ນີ້, ແມ່ນ​ໄດ້​ກຳນົດ​ທິດ​ທາງວຽກ​ງານ​ຈຸດ​ສຸມ ​ແລະ ຄາດໝາຍ​ສູ້​ຊົນ​ຢ່າງ​ຈະ​ແຈ້ງ ​ເພື່ອ​ໃຫ້​ບັນດາ​ຂະ​ແໜງ​ການ ​ແລະ ທ້ອງ​ຖິ່ນ​ນຳ​ໄປ​ຈັດ​ຕັ້ງ​ປະຕິບັດໃຫ້​ປະກົດ​ຜົນ​ເປັນ​ຈິງ, ໂດຍ​ສະ​ເພາະ​ແມ່ນ​ຕ້ອງ​ສູ້​ຊົນ​ເຮັດ​ໃຫ້​ລວມຍອດ​ຄ່າ​ຜະລິດ​ຕະພັນ​ພາຍ​ໃນ (GDP) ​ເພີ່ມ​ຂຶ້ນ​ໃນ​ລະດັບ​ບໍ່ຫລຸດ 7% ​ແລະ ສ້າງ​ມູນ​ຄ່າ​ເພີ່ມ​ຕາມ​ລາຄາ​ໃນ​ປີ​ໃຫ້​ໄດ້​ປະມານ 149.471 ຕື້​ກີບ, ລາຍ​ຮັບ​ສະ​ເລ່ຍຕໍ່​ຫົວ​ຄົນ​ໃຫ້​ບັນລຸ 2.536 ​ໂດ​ລາ​ສະຫະລັດ, ສືບຕໍ່​ສຸມ​ໃສ່​ການ​ພັດທະນາ​ຊົນນະ​ບົດ ​ແລະ ​ແກ້​ໄຂ​ຄວາມທຸກ​ຍາກ ​ແລະ ການ​ປະຢັດ​ມັດທະຍັດ, ​ເພື່ອ​ເຮັດ​ໃຫ້ການ​ພັດທະນາ​ກ້າວ​ໄປ​ສູ່​ຄຸນນະພາບ​ທີ່​ເປັນ​ຈິງ, ການຈັດ​ຕັ້ງ​ປະຕິບັດ​ບັນດາ​ໂຄງການ​ລົງທຶນ​ຂອງ​ລັດ​ປະຈຳ​ປີ 2018 ຕ້ອງ​ຈັດ​ສັນ​ທຶນ​ຕາມ​ໂຄງການ​ລົງທຶນ​ຂອງ​ລັດ​ທີ່​ປະຕິບັດ​ສຳ​ເລັດ​ແລ້ວ​ໃນ​ອັດຕາ​ສ່ວນ 40% ​ໂຄງການ​ສຶບຕໍ່ 35% ​ໂຄງການ​ສະ​ເໜີ​​ໃໝ່ ​ແລະ ​ໂຄງການ​ສົມທົບ​ທຶນ​ກັບ​ຕ່າງປະ​ເທດ 25%, ​ໃນ​ນີ້ຕ້ອງ​ໄດ້​ຈັດ​ໃສ່​ໂຄງການ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ​ໃນ​ອັດຕາ​ສ່ວນ 10% ຂອງ​ເພ​ດານ​ທຶນ​ທີ່​ຂະ​ແໜງ​ການ ​ແລະ ທ້ອງ​ຖິ່ນ​ໄດ້​ຮັບ ​ແລະ ຕ້ອງ​ຕິດ​ພັນ​ກັບ​ວຽກ​ງານ 3 ສ້າງ.

- Wave100S AD to Website 2020 0 - ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%
- WhatsApp Image 2020 05 27 at 5 - ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%
- WhatsApp Image 2020 05 27 at 5 - ເສດຖະກິດ​ລາວເຕີບ​ໂຕ​ຢູ່​ໃນ​ລະດັບ 6,8%
error: Alert: ເນື້ອຫາຂ່າວມີລິຂະສິດ !!