ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ

- capital - ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ
- Untitled design - ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ

ໃນໂອກາດໂອ້ລົມຕໍ່ກອງປະຊຸມຫັນກໍາລັງລົງກໍ່ສ້າງຮາກຖານປ້ອງກັນຄວາມ ສະຫງົບສົກປີ 2017-2018 ເມື່ອທ້າຍອາທິດຜ່ານມາ, ຂອງທ່ານເຈົ້າຄອງນະຄອນຫລວງວຽງຈັນ ສີນລະວົງ ຄຸດໄພທູນ, ຊຶ່ງໄດ້ຮຽກຮ້ອງໃຫ້ກໍາລັງປະກອບອາວຸດທີ່ປະຕິບັດໜ້າທີ່ຢູ່ຂັ້ນຮາກຖານຈົ່ງເພີ່ມທະວີຄວາມເອົາໃຈໃສ່ປັບປຸງກໍ່ສ້າງກໍາລັງໃຫ້ມີຄວາມໜັກແໜ້ນເຂັ້ມແຂງ ແລະ ເຮັດໜ້າທີ່ໄດ້ຮັບມອບໝາຍດ້ວຍຄວາມຮັບພິຊອບສູງເພື່ອນໍາເອົາແນວທາງນະໂຍບາຍຂອງພັກ, ລະບຽບກົດໝາຍຂອງລັດລົງໂຄສະນາເຜີຍແຜ່ໃຫ້ປະຊາຊົນທຸກຊັ້ນຄົນໄດ້ຮັບຮູ້ເຂົ້າໃຈເລິກເຊິ່ງ, ​ພ້ອມທັງປຸກລະດົມທົ່ວສັງຄົມເຂົ້າມຮ່ວມໃນວຽກງານປ້ອງກັນຊາດ-ປ້ອງກັນຄວາມສະຫງົບຮອບດ້ານ, ເອົາໃຈໃສ່ປະສານສົມທົບກັບອໍານາດການປົກຄອງທ້ອງຖິ່ນໃນການເພີ່ມທະວີສະກັດກັ້ນປະກົດການຫຍໍ້ທໍ້ຕ່າງໆ ເປັນຕົ້ນ: ສະພາບຂີ້ລັກ-ງັດແງະ, ປຸ້ນຈີ້-ຊິງຊັບ,​ ໂສເພນີ, ການພະນັນຕ່າງໆໃຫ້ໝົດໄປ. ອັນສໍາຄັນແມ່ນໃຫ້ເອົາໃຈໃສ່ປະຕິບັດຄໍາຂວັນ 3 ຫລຸດຂອງນະຄອນຫລວງວຽງຈັນຄື: ຫລຸດຜ່ອນອຸປະຕິເຫດ, ຫລຸດຜ່ອນບັນຫາຢາເສບຕິດ ແລະ ຫລຸດຜ່ອນອັກຄີໄພໃຫ້ປະກົດຜົນເປັນຈິງ, ນອກນີ້ກໍໃຫ້ເອົາໃຈໃສ່ແກ້ໄຂບັນຫາການລັກລອບເຂົ້າ-ອອກເມືອງ ແລະ ການປະກອບອາຊີບຜິດກົດໝາຍ, ລວມທັງແກ້ໄຂການກໍ່ອາດຊະຍາກໍາທຸກຮູບແບບໃຫ້ຫລຸດລົງ ເພື່ອແນໃສ່ເຮັດໃຫ້ນະຄອນຫລວງວຽງຈັນມີສະຖຽນລະພາບດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ.

ທ່ານຫົວໜ້າກອງບັນຊາການ ປກສ ນະຄອນຫລວງ ພົນຈັດຕະວາ ບຸບຜາ ສີພົມມາ ໃຫ້ຮູ້ວ່າ: ປັດຈຸບັນ, ໄດ້ຫັນກໍາລັງ ປກສ ລົງກໍ່ສ້າງຮາກຖານຈໍານວນ 544 ຄົນ, ໃນນັ້ນຈາກກະຊວງ 266 ຄົນ, ກໍາລັງມາຈາກບັນດາແຂວງ 34 ຄົນ ແລະ ປກສ ນະຄອນຫລວງ 244 ຄົນ, ໂດຍສຸມໃສ່ 339 ບ້ານເປົ້າ ໝາຍ, 42 ກຸ່ມບ້ານ ແລະ 7.709 ໜ່ວຍ.

- Wave100S AD to Website 2020 0 - ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ
- WhatsApp Image 2020 05 27 at 5 - ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ
- WhatsApp Image 2020 05 27 at 5 - ເຈົ້າຄອງເນັ້ນຕ້ອງປະຕິບັດຄໍາຂວັນ 3 ຫລຸດໃຫ້ເປັນຈິງ
error: Alert: ເນື້ອຫາຂ່າວມີລິຂະສິດ !!