ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້

- food festival - ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້
- Untitled design - ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້

ທ່ານ​ນາງ ຈັນທະ​ຈອນ ວົງ​ໄຊ ປະທານ​ສະມາຄົມ​ນັກ​ທຸລະ​ກິດ​ແມ່ຍິງ​ລາວ, ປະທານ​ຄະນະ​ກຳມະການ​ຈັດ​ງານ​ເທດສະການ​ອາຫານ​ລາວ ​ໄດ້​ຖະ​ແຫລ​ງຕໍ່​ສື່​ມວນ​ຊົນ​ໃນ​ວັນ​ທີ 25 ທັນວາ​ນີ້​, ທີ່​ນະຄອນຫລວງ​ວຽງ​ຈັນ​ວ່າ: ເທດສະການ​ອາຫານ​ລາວ ຄັ້ງ​ທີ 13 ຈ​ະ​ໄດ້​​ໄຂ​ຂຶ້ນ​ໃນລະຫວ່າງ​ວັນ​ທີ 24-27 ມັງກອນ 2018 ທີ່​ເດີ່ນ​ເຈົ້າ​ອານຸວົງ ບໍລິ​ເວນ​​ແຄມ​ຂອງ ​ເມືອງ​ຈັນທະ​ບູລີ ນະຄອນຫລວງ​ວຽງ​ຈັນ, ພາຍ​ໃຕ້​ຄຳ​ຂວັນ: ສຸດ​ຍອດ​ອາຫານ​ລາວ ຕ້ອນຮັບ​ປີ​ທ່ອງ​ທ່ຽວ​ລາວ 2018 (Best Lao Food to Welcome Lao tourism festival 2018), ​ເພື່ອ​ສືບ​ຕໍ່​ຊຸກຍູ້ ​ແລະ ສົ່ງ​ເສີມ​ຫົວໜ່ວຍ​ທຸລະ​ກິດ​ຂອງ​ແມ່ຍິງ​ລາວ ນັບ​ທັງ​ການ​ຜະລິດ, ການ​ປູກ​ພືດ​ກະສິກຳ, ລ້ຽງສັດ, ປຸງ​ແຕ່ງ, ທຸລະ​ກິດ​ຮ້ານ​ອາຫານການ​ໂຮງ​ແຮມ​ ​ແລະ ອື່ນໆ​ໃນ​ທົ່ວ​ປະ​ເທດ, ​ໄດ້​ມີ​ໂອກາດ​ມາ​ວາງສະ​ແດງ ​ແລະ ຈຳໜ່າຍ​ອາຫານ, ຜະລິດ​ຕະພັນ​ຂອງ​ຕົນ​ສູ່​ສັງຄົມ​ຫລາຍ​ຂຶ້ນ; ພ້ອມ​ນີ້ ຍັງ​ເປັນ​ການ​ສ້າງ​ໂອກາດ​ໃຫ້​ຜູ້​ປະກອບ​ການ​ ​ເປັນ​ຕົ້ນ ​ແມ່ຍິງ ​ໄດ້​ມີ​ໂອກາດ​ແລກປ່ຽນ​ບົດຮຽນ ປະສົບ​ການ​ເພື່ອ​ພັດທະນາ​ຜົນ​ຜະລິດ​ຂອງ​ຕົນ​ໃຫ້​ສາມາດ​ຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ຕະຫລາດ​ໃນ​ປັດຈຸບັນ ​ແລະ ຍັງ​ເປັນ​ການ​ປຸກລະດົມ​ໃຫ້​ແມ່ຍິງລາວ ມີ​ແນວ​ຄວາມ​ຄິດ​ອັນ​​ໄໝ່​ໃນການ​ຜະລິດ​ເປັນ​ສິນຄ້າ​ໃຫ້​ຫລາຍຂຶ້ນ, ສາມາດ​ຂາຍ​ສິນຄ້າ​ພື້ນ​ບ້ານ​ລາວ​ອອກ​ສູ່​ຕະຫລາດ​ສາກົນ, ​ໂດຍ​ສະ​ເພະ​ ການ​ສ້າງ​ເຄືອ​ຂ່າຍ​ການ​ຄ້າ​ໃຫ້​ກວ້າງຂວາງ​ອອກ​ຕື່ມ. ພິ​ເສດ ​ເພື່ອເປັນ​ການ​ໂຄສະນາ​ປີ​ທ່ອງ​ທ່ຽວລາວ ​ຕ້ອງ​ໄດ້​ຊີມ​ອາຫານ​ລາວ, ຜະລິດ​ຕະພັນ​ປອດ​ສານພິດ​ທີ່​ສະອາດ.

​ໃນ​ງານ​ຄັ້ງ​ນີ້ ຄາດ​ວ່າຈະ​ມີຫ້າງຮ້ານຕ່າງໆ​ເຂົ້າ​ຮ່ວມ​ວາງສະ​ແດງ​ຫລາຍ​ກວ່າ 180 ຮ້ານ, ​ໃນ​ນັ້ນ ຮ້ານ​ສຳລັບ​ຫົວໜ່ວຍ​ທຸລະ​ກິດຂອງ​ແມ່ຍິງ​ຈາກ​ພາຍ​ໃນ ​ແລະ ຕ່າງປະ​ເທດ 131 ຮ້ານ ​ແລະ ຮ້ານ​ຜູ້​ໃຫ້ການ​ສະໜັບສະໜູນ 39 ຮ້ານ, ​ໂດຍ​ປະກອບ​ມີ: ຮ້ານ​ອາຫານ 134 ຮ້ານ, ຮ້ານ​ຫັດຖະກຳ-ກະສິກຳ 22 ຮ້ານ, ​ເຄື່ອຂ່າຍ​ໜຶ່ງ​ຕຳ​ບົນ-ໜຶ່ງ​ຜະລິດ​ຕະພັນ​ຈາກ​ປະ​ເທດ​ເພື່ອນ​ບ້ານ 21 ຮ້ານ ​ແລະ ຮ້ານ​ຂອງ​ສະຖານທູດ 3 ຮ້ານ.

ນອກ​ນີ້ ຍັງ​ມີ​ກິດຈະກຳ ​ແຂ່ງຂັນ​ຄົ້ນ​ຫາ​ສຸດ​ຍອດ ພໍ່ຄົວ ອາຫານ​ລາວ ຈາກ​ຄະ​ນໍ, ​ໂດຍ​ບໍລິສັດ ຢູນີລີ​ເວີ ຈະມາ​ສາທິດ​ການ​ປຸງ​​ແຕ່ງອາຫານ​ສຳ​​ເລັດ​ຮູບ ຈາກ​ປະ​ເທດ​ເພື່ອ​ນບ້ານ, ຊວນ​ຊິ​ມອາຫານ ປະ​ເພດ ຍຳ​ສະ​ລັດ ປອດ​ສານພິດ ຈາກ​ຟາ​ມປາກ​ຊ່ອງ ອໍ​ແກ​ນິກ, ນ້ຳຫວານ​ເຂົ້າລອດຊ່ອງ ​ແລະ ອາຫານ​ທະ​ເລ​ທີ່​ບໍ່​ມີ​ຢາ ຈາກ​ບໍລິສັດ ອະນຸ​ພາບ​ອາຫານ​ທະ​ເລ ​ແລະ ກິດຈະກຳ​ອື່ນໆ​ຢ່າງ​ຫລວງ​ຫລາຍ.

- Wave100S AD to Website 2020 0 - ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້
- WhatsApp Image 2020 05 27 at 5 - ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້
- WhatsApp Image 2020 05 27 at 5 - ເທດສະການ​ອາຫານ​ລາວ ຄັ້ງ​ທີ 13 ຈະ​ໄຂ​ຂຶ້ນ​ໃນ​ວັນ​ທີ 24-27 ມັງກອນ​ນີ້
error: Alert: ເນື້ອຫາຂ່າວມີລິຂະສິດ !!