ອາຫານຊ່ວຍແກ້ເຈັບຫົວແທນຢາ

- 012612 2017 -  ອາຫານຊ່ວຍແກ້ເຈັບຫົວແທນຢາ
- Untitled design -  ອາຫານຊ່ວຍແກ້ເຈັບຫົວແທນຢາ

ຫລາຍຄົນເຈັບຫົວຍາມໃດຕ້ອງຖາມຫາແຕ່ຢາແກ້ປວດ ຫລື ຢາພາຣາເຊຕາໂມນທຸກເທື່ອ ທັງທີ່ຮູ້ວ່າກິນໄປແລ້ວ ຮ່າງກາຍກໍສະສົມ ເປັນພິດຕໍ່ຕັບ ແລະ ໝາກໄຂ່ຫລັງ. ມື້ນີ້ເຮົາລອງມາປັບປ່ຽນການກິນອາຫານເບິ່ງ ເພາະອາຫານບາງຢ່າງກໍມີລິດເປັນຢາປິ່ນປົວພະຍາດໄດ້ ແລະ ແນ່ນອນວ່າມີຜົນດີກັບຮ່າງກາຍຂອງທ່ານກ່ວາການກິນຢາແນ່ນອນ.

  1. ນົມ : ເນື່ອງຈາກໃນນົມມີວິຕາມິນເບ 2 ຫລາຍ ເຊິ່ງຈາກການສຶກສາພົບວ່າເປັນໂຕຊ່ວຍຫລຸດຄວາມເຄັ່ງຄຽດຂອງຮ່າງ ກາຍ ແລະ ຊ່ວຍຫລຸດອາການເຈັບຫົວໄດ້.
  2. ປາທະເລ : ປາທະເລຊະນິດຕ່າງໆ, ປາທູ, ປາແຊວມັອນ ເນື່ອງຈາກປາທະເລມີໂປຣຕິນຫລາຍ ເຊິ່ງເຮັດໜ້າທີ່ຄວບຄຸມລະດັບນຳ້ຕານໃນຮ່າງກາຍໃຫ້ຄົງທີ່ ເມື່ອລະດັບນຳ້ຕານຄົງທີ່ອາການເຈັບຫົວກໍຈະຫລຸດລົງ ລວມທັງມີກົດໄຂມັນໂອເມກ້າ 3 ທີ່ເປັນກົດໄຂມັນທີ່ຈຳເປັນຕໍ່ຮ່າງກາຍ ເປັນໂຕຊ່ວຍຫລຸດການອັກເສບ, ຫລຸດອາການປວດໄດ້.
  3. ທັນຍາພືດ : ທັນຍາພືດທີ່ບໍ່ຜ່ານການຜັດສີ ຫລື ການຟອກຂາວ ເຊັ່ນ : ເຂົ້າເໝົ້າ, ເຂົ້າກໍ່າ, ແປ້ງມັນ, ໝາກເດືອຍ, ຖົ່ວແດງ, ໝາກງາ ແລະ ອາຫານໃນກຸ່ມນີ້ ຈະມີວິຕາມິນໃນກຸ່ມວິຕາມິນເບຫລາຍ ເຊິ່ງເປັນໂຕຊ່ວຍໃນສານສື່ປະສາດຂອງຮ່າງກາຍໃຫ້ເຮັດວຽກໄດ້ດີ ຈຶ່ງຊ່ວຍຫລຸດອາການເຈັບຫົວໄດ້.
  4. ໝາກສາລີ : ມີວິຕາມິນເບ 3 ຫລື ໄນອະຊິນຫລາຍ ມີສ່ວນ ຊ່ວຍໃຫ້ການໄຫລວຽນເລືອດໄປ ສູ່ສະໝອງເຮັດວຽກດີຂຶ້ນ ແລະ ຫລຸດຄວາມເຄັ່ງຄຽດຂອງກ້າມ ຊີ້ນ.
  5. ໝາກກ້ວຍ : ອຸດົມໄປດ້ວຍວິຕາມິນອາ, ວິຕາມິນເບ, ວິຕາມິນເຊ ແລະ ສິ່ງສຳຄັນແມ່ນແຮ່ທາດໂປຕັສຊຽມທີ່ຊ່ວຍປັບຄວາມດຸ່ນດ່ຽງແຮ່ທາດໃນຮ່າງກາຍ, ຊ່ວຍຫລຸດຄວາມເຄັ່ງຄຽດ ແລະ ເຮັດໃຫ້ເກີດຄວາມສຸກ.
  6. ຂີງ : ການດື່ມນຳ້ຂີງອຸ່ນໆສາມາດຊ່ວຍຫລຸດຜ່ອນຄວາມເຄັ່ງຄຽດ, ຫລຸດອາການເຈັບຫົວຊຳ້ເຮື້ອ ແລະ ເຈັບຫົວແບບໄມເກຣນໄດ້ເປັນຢ່າງດີ ໂດຍສະເພາະນຳ້ຂີງທີ່ຕົ້ມເອງແບບສົດໆ ຫລື ຈະແມ່ນນຳ້ຂີງສຳເລັດຮູບກໍໄດ້.

7.​ ຜັກສີຂຽວເຂັ້ມ : ຜັກຫົມ, ຜັກກາດນາ, ຜັກຕຳນິນ ນອກຈາກຈະມີໄຍອາຫານຫລາຍ ທີ່ຈະຊ່ວຍໃຫ້ຂັບຖ່າຍສິ່ງເສດເຫລືອ ອອກມາໄດ້ດີແລ້ວ ຍັງມີສານຄລໍໂຣຟິວທີ່ປຽບດັ່ງໂຕລ້າງສານພິດ ເຮັດໃຫ້ຮ່າງກາຍສາມາດໄລ່ອົກຊີແຊນໄດ້ຫລາຍຂຶ້ນ ອາການເຈັບປວດກໍຈະຫລຸດລົງ.

- Wave100S AD to Website 2020 0 -  ອາຫານຊ່ວຍແກ້ເຈັບຫົວແທນຢາ
  1. ດອກເກັກຮວຍ : ມີລິດເຢັນ ແລະ ລົດຊາດຫວານ ສາມາດຊ່ວຍດັບກະຫາຍ, ຫລຸດອາການເຈັບຫົວ ແລະ ຊ່ວຍບຳລຸງປະສາດສາຍຕາໄດ້ເປັນຢ່າງດີ.
- WhatsApp Image 2020 05 27 at 5 -  ອາຫານຊ່ວຍແກ້ເຈັບຫົວແທນຢາ
- WhatsApp Image 2020 05 27 at 5 -  ອາຫານຊ່ວຍແກ້ເຈັບຫົວແທນຢາ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!