ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993

- 1514256803048 960x0 - ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993
- Untitled design - ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993

     ທາງ​ການ​ຍີ່ປຸ່ນ​ເປີດ​ເຜີຍ​ຂໍ້​ມູນ​ໃນ​ວັນ​ທີ 26 ທັນວາ​ວ່າ: ອັດຕາ​ການ​ຫວ່າງ​ງານ​ຂອງ​ຍີ່ປຸ່ນ​ໃນ​ເດືອນ​ພະຈິກ​ຫລຸດ​ລົງ​ມາ​ຢູ່​ລະດັບ​ຕໍ່າ​ສຸດ​ນັບ​ແຕ່​ເດືອນ​ພະຈິກ 1993 ​ເຊິ່ງ​ເປັນ​ສັນຍານ​ວ່າ​ປະ​ເທດ​ທີ່​ມີ​ເສດຖະກິດ​ຂະໜາດ​ໃຫຍ່​ເປັນອັນ​ດັບ​ສາມ​ຂອງ​ໂລກ​ກຳລັງ​ຢູ່​ໃນ​ໄລຍະ​ຟື້ນຕົວ ​ເຖິງ​ວ່າ​ເປັນ​ໄປ​ຢ່າງ​ຊັກ​ຊ້າ​ກໍ​ຕາມ.

ລັດຖະບານ​ຍີ່ປຸ່ນ​ລາຍ​ງານ​ວ່າ: ອັດຕາ​ການ​ຫວ່າງ​ງານ​ໃນ​ເດືອນ​ຜ່ານ​ມາ​ຢູ່​ທີ່ 2,7%, ຂະນະ​ທີ່​ຕົວ​ເລກ​ຜູ້​ຂໍ​ສະໝັກ​ງານ​ດີ​ຂຶ້ນຈາກ 0,01% ​ໃນ​ເດືອນ​ກ່ອນ​ນັ້ນ​ເປັນ 1,56% ​ໃນ​ເດືອນ​ພະຈິກ. ຖື​ເປັນ​ຕົວ​ເລກ​ສູງ​ສຸດ​ໃນ​ຮອບ​ເກືອບ 44 ປີ. ຂໍ້​ມູນ​ຫລ້າ​ສຸດ​ມີ​ຂຶ້ນ​ໃນ​ໄລຍະ​ທີ່​ຍີ່ປຸ່ນ​ມີ​ການ​ຂະຫຍາຍຕົວ​ທາງ​ເສດຖະກິດ​ດີ​ຂຶ້ນຕິດ​ຕໍ່​ກັນ​ມາ 7 ​ໄຕ​ມາດ. ຖື​ເປ​ັນ​ໄລຍະ​ຂາ​ຂຶ້ນທີ່​ຍາວ​ນານ​ຕໍ່​ເນື່ອງ​ຫລາຍ​ທີ່​ສຸດ​ໃນ 16 ປີ. ຂະນະ​ທີ່​ຍີ່ປຸ່ນ​ເຂົ້າສູ່​ການ​ເປັນ​ເຈົ້າພາບ​ຈັດການ​ແຂ່ງຂັນ​ກິລາ​ໂອ​​ແລັມປິກ 2020 ​ເຊິ່ງມີ​ສ່ວນ​ຊ່ວຍ​ໜູນ​ເສດຖະກິດ​ໃຫ້​ສົດ​ໃສ​ຂຶ້ນ.

- Wave100S AD to Website 2020 0 - ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993
- WhatsApp Image 2020 05 27 at 5 - ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993
- WhatsApp Image 2020 05 27 at 5 - ອັດຕາການຫວ່າງງານຍີ່ປຸ່ນ ຫລຸດຕໍ່າສຸດນັບແຕ່ປີ 1993
error: Alert: ເນື້ອຫາຂ່າວມີລິຂະສິດ !!