ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ

- rubber tree - ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ
- Untitled design - ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ

ຫົວໜ້າພະແນກກະສິກຳ-ປ່າໄມ້ແຂວງໄຊຍະບູລີ ໃຫ້ຮູ້ວ່າ: ສະພາບການປູກຢາງພາລາຢູ່ແຂວງໄຊຍະບູລີໄດ້ເລີ່ມມີມາແຕ່ປີ 2005, ໂດຍສະເພາະຢູ່ເມືອງປາກລາຍທີ່ເຫັນວ່າສະພາບພູມິອາກາດ ແລະ ທີ່ດິນມີຄວາມເໝາະສົມໃນການປູກພຶດດັ່ງກ່າວ ແລະ ໄດ້ມີການຂະຫຍາຍໄປສູ່ຫລາຍເມືອງ ທີ່ປະຊາຊົນປູກເອງ ເຊັ່ນ: ເມືອງໄຊຍະບູລີ, ເມືອງຄອບ, ຊຽງຮ່ອນ, ເມືອງເງິນ, ຫົງສາ, ເມືອງພຽງ, ແກ່ນທ້າວ ແລະ ເມືອງບໍ່ແຕນ, ລວມມີເນື້ອທີ່ຫລາຍກວ່າ 8 ພັນເຮັກຕາ ແລະ ນອກນີ້, ຍັງມີ 6 ບໍລິສັດຂອງຕ່າງປະເທດເຂົ້າມາລົງທຶນປູກຕື່ມໃນເນື້ອທີ່ກວ່າ 5 ພັນເຮັກຕາ, ພ້ອມທັງສົ່ງເສີມປະຊາຊົນປູກຕື່ມອີກ 3.600 ກວ່າເຮັກຕາ, ເຊິ່ງມາຮອດປັດຈຸບັນຫລາຍເມືອງແມ່ນໄດ້ເລີ່ມການກີດເອົານໍ້າຢາງໄດ້ແລ້ວ.

ທ່ານຫົວໜ້າພະແນກດັ່ງກ່າວ ໃຫ້ຮູ້ວ່າ: ໂດຍລວມ, ເຫັນວ່າສະພາບການປູກຢາພາລາຢູ່ແຂວງໄຊຍະບູລີແມ່ນເປັນຂະບວນກວ້າງຂວາງສົມຄວນ, ແຕ່ເພື່ອໃຫ້ການປູກພຶດດັ່ງກ່າວມີປະສິດທິຜົນສູງທາງດ້ານເສດຖະກິດເຫັນວ່າຕ້ອງໄດ້ເອົາໃຈໃສ່ໃນການພັດທະນາຫລາຍດ້ານ ເປັນຕົ້ນ: ການຄຸ້ມຄອງຜະລິດຢາງ, ການລົງທຶນປູກຕົ້ນຢາງ, ການຕະຫລາດ, ດ້ານລາຄາ, ການນຳໃຊ້ແຮງງານເຂົ້າໃນການຜະລິດຢາງ, ການປົກປ້ອງສຸຂະພາບຂອງແຮງງານທີ່ເຮັດວຽກຢູ່ສວນຢາງ, ການສະໜອງສິນເຊື່ອ ແລະ ບັນຫາສິ່ງແວດລ້ອມຕ່າງໆທີ່ຕິດພັນກັບຂະບວນການຜະລິດ.

- Wave100S AD to Website 2020 0 - ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ

ບັນຫາດັ່ງກ່າວ, ໄດ້ມີການປຶກສາຫາລືຢູ່ກອງປະຊຸມຫລຸບຖອດຖອນບົດຮຽນການປູກຢາງພາລາທົ່ວແຂວງໄຊຍະບູລີທີ່ຈັດຂຶ້ນເມື່ອບໍ່ດົນມານີ້, ໂດຍການເປັນປະທານຂອງທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ແລະ ທ່ານ ວິໄລວັນ ພົມເຂ ປະທານສະມາຄົມຢາງພາລາລາວ, ມີນັກລົງທຶນ, ຜູ້ປູກຢາງພາລາ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມນໍາດ້ວຍ.

- WhatsApp Image 2020 05 27 at 5 - ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ
- WhatsApp Image 2020 05 27 at 5 - ສະພາບການປູກຢາງພາລາຢູ່ແຂວງໄຊຍະບູລີມີຫລາຍດ້ານຕ້ອງໄດ້ແກ້ໄຂ
error: Alert: ເນື້ອຫາຂ່າວມີລິຂະສິດ !!