ສານ​ນະຄອນຫລວງ​ວຽງຈັນ​​ຕັດ​ອິດສະຫລະພາບ​ແກ້ງ​ຄ້າຢາ​ເສບ​ຕິດຈຳ​ຄຸກ 10 ປີ

- Untitled design - ສານ​ນະຄອນຫລວງ​ວຽງຈັນ​​ຕັດ​ອິດສະຫລະພາບ​ແກ້ງ​ຄ້າຢາ​ເສບ​ຕິດຈຳ​ຄຸກ 10 ປີ

ວັນ​ທີ 26 ທັນວາ​ນີ້, ສານ​ປະຊາຊົນນະຄອນຫລວງ​ວຽງຈັນ, ​ໄດ້​ຕັດສິນ​ລົງ​ໂທດ​ຕັດ​ອິດສະຫລະພາບ​ແກ້ງ​ຄ້າ​ຢາ​ເສບ​ຕິດຈຳ​ຄຸກ 10 ປີພ້ອມ​ປັບ​ໃໝ​ 100 ລ້ານ​ກີບຄື: ທ້າວ ປາຕີ້ ວົງ​ໄຊ​ຍາ ອາຍຸ 27 ປີຢູ່​ບ້ານທ່າ​ນາ​ແລ້ງ​ເມືອງຫາດ​ຊາຍ​ຟອງ, ທ້າວ ສີ​ປະ​ເສີດ ປັດ​ຕິ​ວົງ ອາຍຸ 35 ປີ​ຢູ່​ບ້ານປາ​ຫວ້າ​ເມືອງຫາດ​ຊາຍ​ຟອງ ​ແລະ ທ້າວ ນະ​ລົງ​ສັກ ພູວະ​ນາກ ອາຍຸ 28 ປີຢູ່​ບ້ານ​ໂພນ​ປ່າ​ເປົ້າ ​ເມືອງສີ​ສັດຕະ​ນາກນະຄອນຫລວງ​ວຽງຈັນ ​ໃນ​ສະຖານ​ຄ້າຂາຍ​ຢາ​ເສບ​ຕິດ ​ໂດຍ​ພວກ​ກ່ຽວຖືກ​ເຈົ້າໜ້າທີ່​ຈັບ​ຕົວ​ມາ​ດຳ​ເນີນ​ຄະດີ​ໄດ້​ໃນ​ວັນ​ທີ 27 ມິຖຸນາ 2017.

​ເຈົ້າໜ້າທີ່​ ໃຫ້​ຮູ້​ວ່າ: ​ໃນ​ວັນ​ທີ 27 ມິຖຸນາ 2017 ​ໄດ້​ມີນາ​ງ ຕ້າ ຜູ້​ເປັນ​ເມຍ​ຂອງ ທ້າວ​ປາຕີ້ ​ໄດ້​ບອກ​ວ່າ​ຈະມີ​ຄົນ​ຢາກ​ຊື້ຢາ​ບ້າ ຈຳນວນ 1 ມັດ, ຈາກ​ນັ້ນທ້າວ ປາຕີ້ ​ກໍ​ໄດ້​ໂທ​ຫາ​ຫມູ່​ຄື: ທ້າວ ນະ​ລົງ​ສັກ ​ແລະ ທ້າວ ສີ​ປະ​ເສີດ ​ເພື່ອ​ນຳ​ເອົາ​ຢາ​ບ້າ​ມາ​ສົ່ງ​ໃຫ້​ຢູ່​​ເຮືອນ ແລະ ​ໄດ້​ຕິດຕໍ່​ໄປ​ຫາ​ທ້າວ ​ໂລ້ ຢູ່​ບ້ານດົງ​ໂພ​ສີ ​ເມືອງຫາດ​ຊາຍ​ຟອງ ​ເພື່ອ​ຂໍຊື້ຢາ​ບ້າ​ນຳ, ​ເຊິ່ງນັດບ່ອນ​ສົ່ງ​ຢູ່​ກ້ອງ​ຂົວ​ມິດຕະພາບ, ​​ພາຍຫລັງ​ໄດ້​ຢາ​ບ້າ​ແລ້ວ ກໍ​ນຳ​ມາ​ໄວ້​ຢູ່​​ເຮືອນ ທ້າວ ປາຕີ້ ຂະນະ​ດຽວກັນ​ກໍ​ມີ​ເຈົ້າໜ້າທີ່​ໄດ້​ເຂົ້າ​ມາ​ຈັບ​ຕົວ​ພວກ​ກ່ຽວພ້ອມ​ຂອງ​ກາງ​ຢາ​ບ້າຈຳນວນ 1 ມັດມາ​ດຳ​ເນີນ​ຄະດີ​ຕາມ​ລະບຽບກົດໝາຍ.

- Wave100S AD to Website 2020 0 - ສານ​ນະຄອນຫລວງ​ວຽງຈັນ​​ຕັດ​ອິດສະຫລະພາບ​ແກ້ງ​ຄ້າຢາ​ເສບ​ຕິດຈຳ​ຄຸກ 10 ປີ
- WhatsApp Image 2020 05 27 at 5 - ສານ​ນະຄອນຫລວງ​ວຽງຈັນ​​ຕັດ​ອິດສະຫລະພາບ​ແກ້ງ​ຄ້າຢາ​ເສບ​ຕິດຈຳ​ຄຸກ 10 ປີ
- WhatsApp Image 2020 05 27 at 5 - ສານ​ນະຄອນຫລວງ​ວຽງຈັນ​​ຕັດ​ອິດສະຫລະພາບ​ແກ້ງ​ຄ້າຢາ​ເສບ​ຕິດຈຳ​ຄຸກ 10 ປີ
error: Alert: ເນື້ອຫາຂ່າວມີລິຂະສິດ !!