ເມື່ອລົດເພສຸກເສີນຈະມີວິທີແກ້ໄຂແນວໃດ ?

- 042712 2017 - ເມື່ອລົດເພສຸກເສີນຈະມີວິທີແກ້ໄຂແນວໃດ ?
- Untitled design - ເມື່ອລົດເພສຸກເສີນຈະມີວິທີແກ້ໄຂແນວໃດ ?

ມື້ນີ້ພວກເຮົາມີຂໍ້ແນະນຳການຂັບຂີ່ ແລະ ການກຽມລົດໃຫ້ພ້ອມກ່ອນອອກເດີນທາງໃນໄລຍະມື້ພັກຍາວຫລາຍມື້ ເມື່ອພົບກັບ ເຫດການສຸກເສີນ.

  1. ຢາງແຕກ : ຢ່າຕົກໃຈແລ້ວຢຽບເບຣກ ຫລື ຫັກພວງມະໄລຢ່າງກະທັນຫັນເດັດຂາດ ເພາະຈະເຮັດໃຫ້ລົດເສຍການຄວບຄຸມຍິ່ງຂຶ້ນ ລົດອາດໝູນ ຫລື ປີ້ນໄດ້, ແຕ່ໃຫ້ຟ້າວເປີດໄຟສຸກເສີນ ແລ້ວຫລຸດຄວາມໄວ ຄ່ອຍໆບັງຄັບພວງມະໄລເພື່ອເອົາລົດເຂົ້າແຄມທາງ. ການຫລຸດຄວາມໄວນັ້ນສາມາດເຮັດໄດ້ໂດຍບໍ່ຢຽບຄັນເລັ່ງ ແລະ ຄ່ອຍຢຽບເບຣກຖີ່ໆຄ່ອຍໆ ຈາກນັ້ນເມື່ອຄວາມໄວຂອງລົດຫລຸດລົງຮອດລະດັບທີ່ຜູ້ຂັບຂີ່ສາມາດຄວບຄຸມໄດ້ແລ້ວ ໃຫ້ປ່ຽນເປັນເກຍຕໍ່າລົງ ແລະ ຈອດລົດເຂົ້າແຄມທາງ.
  2. ເບຣກແຕກ : ສິ່ງທຳອິດທີ່ຕ້ອງເຮັດແມ່ນຫລຸດຄວາມໄວລົດທັນທີ ສຳລັບເກຍທຳມະດາໃຫ້ຢຽບຄາດ ເພື່ອຫລຸດຕຳແໜ່ງເກຍ ແລະ ສຳລັບເກຍອັດຕະໂນມັດໃຫ້ປ່ຽນຕຳແໜ່ງເກຍຈາກ D ມາເປັນ 3 ໄວ້, ແຕ່ຫ້າມປ່ຽນເກຍເປັນ L ເພາະອາດເຮັດໃຫ້ເຄື່ອງຈັກເປ່່ເພໄດ້. ນອກຈາກນັ້ນ, ເບຣກມືຈະຊ່ວຍຫລຸດຜ່ອນຄວາມໄວຢູ່ລໍ້ຫລັງຂອງລົດ, ແຕ່ຕ້ອງຄ່ອຍໆດຶງເບຣກມືຂຶ້ນຈົນສຸດ ຢ່າດຶງກະທັນຫັນ.
  3. ໝໍ້ນຳ້ຮົ່ວ : ສັງເກດອາການຜິດປົກກະຕິນີ້ໄດ້ຈາກໜ້າຈໍ ເຂັມວັດແທກອຸນຫະພູມຈະສູງຂຶ້ນກ່ວາປົກກະຕິເມື່ອເຄື່ອງຈັກຮ້ອນຫລາຍ. ຫລັງຈາກເອົາລົດເຂົ້າຈອດແຄມທາງແລ້ວ ໃຫ້ເປີດຝາກະໂປງໜ້າ ເພື່ອລະບາຍຄວາມຮ້ອນ. ຈາກນັ້ນລໍຖ້າຈົນເຄື່ອງຈັກເຢັນລົງແລ້ວ ຈຶ່ງຄ່ອຍໃສ່ຖົງມື ຫລື ໃຊ້ຜ້າໃນການເປີດຝາໝໍ້ນຳ້ ແລ້ວຄ່ອຍໆຕື່ມນຳ້ໃສ່ເທື່ອລະໜ້ອຍໆຢ່າງຊ້າໆ ເພື່ອໃຫ້ລົດສາມາດແລ່ນຕໍ່ໄດ້ກ່ອນຈະເອົາເຂົ້າສູນສ້ອມແປງອີກເທື່ອໜຶ່ງ. ສິ່ງສຳຄັນແມ່ນຫ້າມເປີດໝໍ້ນຳ້ໃນຂະນະທີ່ເຄື່ອງຈັກຍັງຮ້ອນຢູ່ ເພາະແຮງດັນຂອງນຳ້ໃນໝໍ້ນຳ້ທີ່ນຳ້ຍັງຮ້ອນຢູ່ນັ້ນອາດຟົ້ງຂຶ້ນມາຖືກໜ້າ ຫລື ເປັນອັນຕະລາຍຕໍ່ການຖືກນຳ້ ຮ້ອນລວກໄດ້.
  4. ເຄື່ອງປັບອາກາດບໍ່ເຢັນ : ຖ້າຮູ້ສຶກວ່າເຄື່ອງປັບອາກາດບໍ່ເຢັນໃຫ້ລອງປັບອຸນຫະພູມ ແລະ ພັດລົມໃຫ້ເຢັນທີ່ສຸດ ປະໄວ້ປະມານ 5 ນາທີ ແລ້ວລອງເອົາມືບັງແຜງຊ່ອງລົມໜ້າລົດເບິ່ງ ຫາກມີລົມຮ້ອນອອກມາສະແດງວ່າແຜງຊ່ອງລົມອາດເປິເປື້ອນ ຕ້ອງເຮັດຄວາມສະອາດ ຫລື ໃຫ້ກວດເບິ່ງນຳ້ຢາເຄື່ອງປັບອາກາດເບິ່ງວ່າຢູ່ໃນລະດັບປົກກະຕິຫລືບໍ່ ອາດເຖິງເວລາທີ່ທ່ານຕ້ອງຕື່ມນຳ້ຢາເຄື່ອງປັບອາກາດໃໝ່ແລ້ວກໍເປັນໄດ້, ແຕ່ຫາກພົບວ່າມີສຽງດັງໃນຂະນະທີ່ໄຟເຄື່ອງປັບອາກາດເລີ່ມເຮັດວຽກ ສະແດງວ່າຄອມເພຣສເຊີກຳລັງຈະເພ ແລະເຖິງເວລາທີ່ທ່ານຕ້ອງເອົາລົດເຂົ້າສູນສ້ອມແປງແລ້ວ.

5. ແບັດເຕີຣີໝົດ : ສາມາດຂໍຄວາມຊ່ວຍເຫລືອຈາກລົດຄັນອື່ນທີ່ສັນຈອນຜ່ານໄປມາໄດ້ ໂດຍມອດລົດທັງສອງຄັນ ແລະ ປິດລະບົບໄຟຂອງລົດໃຫ້ໝົດ ລວມເຖິງອຸປະກອນທຸກຢ່າງທີ່ຕໍ່ເຂົ້າກັບຊ່ອງຈ່າຍໄຟ ເຊັ່ນ : ໂທລະສັບມືຖື, ໄອພັອດ ແລະ ໄອແພັດ ເປັນຕົ້ນ. ຈື່ໄວ້ວ່າຖ້າແບັດເຕີຣີຢູ່ໃນສະພາບແຕກ ຫລື ບໍ່ສົມບູນ ຫ້າມຕໍ່ສາຍໃດໆເດັດຂາດ ເພາະແບັດເຕີຣີອາດລະເບີດ ຈາກນັ້ນພ່ວງແບັດເຕີຣີຂອງລົດຄັນທີ່ໝົດເຂົ້າກັບຄັນທີ່ມີສະພາບດີໄດ້ ລົດສ່ວນຫລາຍເຄື່ອງຈັກຈະຕິດໄດ້ກໍຕໍ່ເມື່ອແບັດເຕີຣີມີພະລັງງານຢູ່ 12 – 13,6 ໂວນ.

- Wave100S AD to Website 2020 0 - ເມື່ອລົດເພສຸກເສີນຈະມີວິທີແກ້ໄຂແນວໃດ ?
- WhatsApp Image 2020 05 27 at 5 - ເມື່ອລົດເພສຸກເສີນຈະມີວິທີແກ້ໄຂແນວໃດ ?
- WhatsApp Image 2020 05 27 at 5 - ເມື່ອລົດເພສຸກເສີນຈະມີວິທີແກ້ໄຂແນວໃດ ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!