3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ

- 012812 2017 - 3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ
- Untitled design - 3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ

ຂ່າວນະວັດຕະກຳເຕັກໂນໂລຊີມາແຮງ ໂດຍສະເພາະແມ່ນຂ່າວທີ່ເຄີຍມີມາກ່ອນໜ້ານີ້ເລື່ອງ ໃນປີ 2030 ທີ່ວຽກຫລາຍກ່ວາ 800 ລ້ານວຽກທົ່ວໂລກຈະຖືກແທນບ່ອນໂດຍຫຸ່ນຈັກ ຫລື ບັນດາປັນຍາປະດິດ Ai ຖ້າຫາກຍັງຢາກຈະມີວຽກເຮັດຢູ່ໃນອະນາ ຄົດກໍເລີ່ມຈາກຕອນນີ້ຕ້ອງປັບໂຕ ຫາໂອກາດຝຶກຝົນ 3 ທັກສະສຳຄັນເຫລົ່ານີ້ໄວ້ ດັ່ງນີ້ :

  1. ຄວາມຄິດສ້າງສັນ (Creativity) : ນີ້ແມ່ນສິ່ງທີ່ Ai ຈະບໍ່ສາມາດມີໄດ້ ແລະ ວຽກປະເພດທີ່ຕ້ອງໃຊ້ຄວາມຄິດສ້າງສັນ ນັ້ນເປັນວຽກທີ່ຍາກຫລາຍທີ່ຈະຖືກແທນທີ່ໂດຍ Ai ເຊັ່ນ : ບັນດາອາຊີບຄູ – ອາຈານທີ່ຕ້ອງໃຊ້ຄວາມຄິດສ້າງສັນໃນການສອນ ເດັກນ້ອຍ, ນັກຂຽນ, ສິລະປິນຫລວງຫລາຍທີ່ຈະຖືກແທນບ່ອນໄດ້ຍາກ, ຜູ້ປະກອນການນັກທຸລະກິດ, ອາຊີບຄ້າຂາຍຫລາຍຢ່າງທີ່ຕ້ອງໃຊ້ຄວາມຄິດສ້າງສັນໃນການບໍລິຫານທຸລະກິດ – ກິດຈະການນັ້ນກໍເປັນໄປໄດ້ຍາກທີ່ຈະຖືກແທນບ່ອນເຊັ່ນກັນ ອີກດ້ານ ໜຶ່ງການມາເຖິງຂອງ Ai ໃນອະນາຄົດນັ້ນຈະເຮັດໃຫ້ບັນດາຜູ້ປະກອບການໄດ້ຮັບຜົນປະໂຫຍດຫລາຍຂຶ້ນນຳອີກ.
  2. ການແກ້ໄຂບັນຫາທີ່ສັບ ຊ້ອນ ( Complex Problem Solving ) : ຊີວິດແມ່ນການແກ້ໄຂບັນຫາທີ່ບໍ່ຮູ້ຈົບ ໃນທຸກອາຊີບລ້ວນມີໜ້າທີ່ສັບຊ້ອນ ທີ່ໄດ້ເຮັດການແກ້ໄຂບັນຫາບາງສິ່ງບາງຢ່າງເພື່ອໃຫ້ທຸກຢ່າງດຳເນີນໄປຢ່າງວ່ອງໄວ, ການແກ້ໄຂບັນຫາທີ່ສັບຊ້ອນນັ້ນຍັງເປັນສິ່ງຍາກທີ່ Ai ຈະສາມາດເຮັດໄດ້ຈາກຮູບແບບການເຮັດວຽກ ຫລື ການມອບໝາຍໜ້າວຽກໃຫ້ບັນດາ Ai ນັ້ນ ຕ້ອງມີຮູບແບບແຜນການເຮັດວຽກທີ່ຈະແຈ້ງ ບັນຫາທີ່ບໍ່ສັບຊ້ອນຈົນເກີນໄປ ມອບໝາຍວຽກທີ່ສະເພາະເຈາະຈົງ ການແກ້ໄຂບັນຫາທົ່ວໆໄປທີ່ມີທາງອອກຈະແຈ້ງເທົ່ານັ້ນ ສ່ວນການແກ້ໄຂບັນຫາທີ່ສັບຊ້ອນ ເຊັ່ນ : ການວາງແຜນບໍລິຫານວຽກບໍລິຫານຕ່າງໆທີ່ຕ້ອງໃຊ້ທັກສະປະຍຸກຫລວງຫລາຍ,  ວຽກງານຊັບພະຍາກອນມະນຸດທີ່ຜູ້ຄົນມີບັນຫາຫລວງຫລາຍແຕກຕ່າງ, ບັນຫາທີ່ບໍ່ໄດ້ມີທາງອອກພຽງທາງດຽວທີ່ຈະຈົບໄດ້ທຸກບັນຫາ ຫລື ວຽກທາງດ້ານວົງການການແພດທີ່ມີການດຳເນີນງານການຜ່າຕັດທີ່ມີຄວາມສັບຊ້ອນ ທັງຕ້ອງໃຊ້ປະສົບການໄຫວພິບ, ຄວາມຄິດສ້າງສັນໃນວຽກສະເພາະທາງທີ່ຕ້ອງແກ້ໄຂບັນຫາທີ່ສັບຊ້ອນນັ້ນກໍຍັງເປັນວຽກທີ່ຖືກແທນບ່ອນໄດ້ຍາກຈາກບັນດາ Ai ແລະ ທັກສະນີ້ຍັງເປັນທັກສະທີ່ຈຳເປັນຫລາຍ ບໍ່ສະເພາະແຕ່ເລື່ອງງ່າຍ ແຕ່ເປັນທັກສະທີ່ຈຳເປັນສຸດໆໃນຊີວິດນຳອີກ ເພາະດັ່ງທີ່ກ່າວໄປຂ້າງເທິງ ຊີວິດແມ່ນການແກ້ໄຂບັນຫາທີ່ບໍ່ຮູ້ຈົບ, ບັນຫາຄວາມສຳພັນທີ່ມີຄວາມລະອຽດອ່ອນ, ບັນຫາຕ່າງໆທີ່ຮົາຕ້ອງພົບໃນຊີວິດຂອງຕົນເອງ ທັກສະການແກ້ໄຂບັນຫາທີ່ສັບຊ້ອນນັ້ນຈະຊ່ວຍໃຫ້ເຮົາສາມາດແກ້ໄຂບັນຫາຂອງຕົນເອງໄດ້.
  3. ທັກສະການຄິດວິເຄາະ ( Critical Thinking ) : ການຄິດວິເຄາະຍັງເປັນໜຶ່ງທັກສະທີ່ມີຄວາມສຳຄັນຫລາຍ ບໍ່ວ່າຈະຍຸກໃດກໍຕາມ ກໍແມ່ນທັກສະການຄິດວິເຄາະໄຈ້ແຍກ, ການຄິດດ້ານວິພາກ ຫລື ການຄິດຢ່າງມີວິຈາລະນະຍານ ເຊິ່ງເປັນທັກສະທີ່ຕ້ອງມີການນຳຄວາມຮູ້ຫລວງຫລາຍມາປະຍຸກໃຊ້ ເພື່ອຄິດຢ່າງມີເຫດຜົນ, ເພື່ອໄຈ້ແຍກວ່າສິ່ງໃດເປັນຈິງ ຫລື ສິ່ງໃດບໍ່ຈິງ ເພື່ອຈະສາມາດຕັດສິນໃຈວ່າຈະເຮັດແນວໃດໄດ້ຢ່າງຖືກຕ້ອງ ແລະ ເໝາະສົມກັບບັນຫາ – ສະຖານະການເຫລົ່ານັ້ນ.

ການກຽມໂຕໄວ້ແຕ່ຫົວທີບໍ່ແມ່ນສິ່ງທີ່ບໍດີ, ກັນໄວ້ດີກ່ວາແກ້, ຢ່າປ່ອຍໃຫ້ໂຕເອງເມີນເສີຍຕໍ່ຄວາມປ່ຽນແປງ, ຕິດຕາມຂ່າວ ສານໃໝ່ໆ, ໝັ່ນກຽມພ້ອມ, ຮູ້ຈັກປັບໂຕ, ຮຽນຮູ້ທັກສະສຳຄັນໃໝ່ໆໄວ້ສະເໝີ ແລ້ວອະນາຄົດກໍຈະບໍ່ແມ່ນລື່ອງທີ່ໜ້າກັງວົນໃຈທີ່ສຸດອີກຕໍ່ໄປ ແລະ ບໍ່ຕ້ອງຢ້ານບັນດາ Ai ໃນອະນາຄົດ ຫາກມີທັກສະ 3 ທັກສະສຳຄັນເຫລົ່ານີ້.

- Wave100S AD to Website 2020 0 - 3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ
- WhatsApp Image 2020 05 27 at 5 - 3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ
- WhatsApp Image 2020 05 27 at 5 - 3 ທັກສະແຫ່ງການປັບໂຕສູ່ໂລກຍຸກໃໝ່ທີ່ຕ້ອງມີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!