ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017

- 26132550 1890105911130921 1613255004 o 1 - ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017
- Untitled design - ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017

ທ້າຍອາທິດຜ່ານມາ ທີ່ສະໜາມສະໂມສອນ ໂຕ້ ເປຕັງ ບ້ານດອນຝ້າຍ ເມືອງຫາດຊາຍຟອງ ນະຄອນຫລວງວຽງຈັນ ໄດ້ມີການແຂ່ງຂັນກິລາເປຕັງ ປະເພດທີມຄູ່ ຮຸ່ນທົ່ວໄປ ຫລື ລາຍການ ດອນຝ້າຍ ໂອເພັນ 2017 ຊີງຂັນທ່ານຮອງເຈົ້າເມືອງຫາດຊາຍຟອງ, ໂດຍໃຫ້ກຽດເຂົ້າຮ່ວມ ແລະ ມອບລາງວັນຂອງທ່ານ ຄຳແກ່ງ ດວງພະຈັນ ຮອງເຈົ້າເມືອງຫາດຊາຍຟອງ ແລະ ທ່ານ ຄຳເກີດ ຟອງສານຸວົງ ປະທານສະໂມສອນ ໂຕ້ ເປຕັງ ບ້ານດອນຝ້າຍ ພ້ອມດ້ວຍຄະນະບໍລິຫານງານສະໂມສອນ ແລະ ນັກກິລາທີມຊາດຂອງສະໂມສອນດັ່ງກ່າວເຂົ້າຮ່ວມ.

ການແຂ່ງຂັນຄັ້ງນີ້ ມີການຊີງໄຊກັນ 2 ລາຍການຄື: ປະເພດຮຸ່ນທົ່ວໄປ ແລະ ອາວຸໂສ ເຊິ່ງມີບັນດາສະໂມສອນອ້ອມຂ້າງເມືອງ ແລະ ນະຄອນຫລວງວຽງຈັນເຂົ້າຮ່ວມແຂ່ງຂັນ 50 ກວ່າພາກສ່ວນ, ໃນນັ້ນ ຮຸ່ນຊາວໜຸ່ມມີ 38 ທີມ ແລະ ອາວຸໂສມີ 22 ທີມ ພິເສດມີນັກກິລາຈາກແຂວງຄຳມ່ວນ, ບໍລິຄຳໄຊ ແລະ ແຂວງວຽງຈັນເຂົ້າຮ່ວມ. ການແຂ່ງຂັນລາຍການດັ່ງກ່າວມີການກຳນົດເງື່ອນໄຂນັກກິລາທີມຊາດ ແລະ ກິລາແຫ່ງຊາດ ຄັ້ງທີ 10 ແຂວງອຸດົມໄຊ ປະເພດບຸກຄົນຊາຍບໍ່ສາມາດຈັບຄູ່ກັນລົງສະໜາມແຂ່ງຂັນ ແຕ່ນັກກິລາທີມຊາດບຸກຄົນຊາຍ ແລະ ຍິງສາມາດຈັບຄູ່ກັນໄດ້. ຜ່ານການແຂ່ງຂັນຜົນປາກົດວ່າ: ຄູ່ຊີງຊະນະເລີດ ທີມສວນອາຫານນ້ອງປຸຍ ສາມາດເອົາຊະນະ ນັກກິລາຈາກເຂື່ອນນໍ້າໄຟຟ້າມັ່ງ 3 ໄປແບບຂາດຮອຍ 13-6 ຄະແນນ ຄອງແຊ້ມລາຍການນີ້ ພ້ອມໄດ້ຮັບເງິນລາງວັນ 5 ລ້ານກີບ, ສ່ວນ ເຂື່ອນນໍ້າໄຟຟ້າມັ່ງ 3 ໄດ້ພຽງອັນດັບທີ 2 ພ້ອມເງິນສົດ 2 ລ້ານກີບ ແລະ ອັນດັບທີ 3 ທີມເມືອງສີສັດຕະນາກ ໄດ້ຮັບເງິນສົດ 1 ລ້ານກີບ. ຂະນະທີ່ ຮຸ່ນອາວຸໂສ ອັນດັບທີ 1 ທີມຮົ່ມມ່ວງ ບ້ານໂຊກຄຳ ເມືອງໄຊເຊດຖາ ໄດ້ຮັບລາງວັນເງິນສົດ 2 ລ້ານກີບ ພ້ອມຂັນແຊ້ມ, ອັນດັບທີ 2 ສະໂມສອນເພັດເປຕັງ ໄດ້ຮັບລາງວັນເງິນສົດ 1 ລ້ານກີບ ພ້ອມຂັນ ແລະ ອັນດັບທີ 3 ບ້ານດົງໂພນເລົ່າ ໄດ້ຮັບລາງວັນເງິນສົດ 8 ແສນກີບ ພ້ອມຂັນ.

- Wave100S AD to Website 2020 0 - ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017
- WhatsApp Image 2020 05 27 at 5 - ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017
- WhatsApp Image 2020 05 27 at 5 - ປິດການແຂ່ງຂັນເປຕັງຊີງຂັນ ຮອງເຈົ້າເມືອງຫາດຊາຍຟອງ 2017
error: Alert: ເນື້ອຫາຂ່າວມີລິຂະສິດ !!