ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ

- fresh market lao - ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ
- Untitled design - ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ

ຄືດັ່ງທີ່ຊາບ​ດີ​ແລ້ວ​ວ່າ ​ໃນ​ໄລຍະ​ເທດສະການ​ຕ່າງໆ ​ເຊັ່ນ​ດຽວ​ກັບ​ໄລຍະ​ນີ້, ຊຶ່ງເປັນ​ໄລຍະ​ກະກຽມ​ສົ່ງ​ທ້າຍ​ປີ​ເກົ່າຕ້ອນຮັບ​ປີ​ໃໝ່ ປະກົດ​ເຫັນ​ວ່າ: ພືດ​ຜັກ, ຊີ້ນ​ປາ-ອາຫານ ​ແລະ ​ເຄື່ອງ​ໃຊ້​ຂອງ​ສອຍ​ຕ່າງໆ ທີ່​ວາງ​ຂາຍ​ຢູ່​ຕາມ​ທ້ອງ​ຕະຫລາດ​ໃນ​ນະຄອນຫລວງວຽງ​ຈັນ​ເຊັ່ນ​: ຕະຫລາດ​ທົ່ງ​ຂັນ​ຄຳ, ໜອງ​ຈັນ, ໜອງ​ດ້ວງ ​ແລະ ​ໂພນ​ຕ້ອງ ​ມີ​ທ່າ​ອ່ຽງ​​ສູງ​ຂຶ້ນ ດັ່ງ​ນັກ​ຂ່າວ​ພວກ​ເຮົາໄດ້​ລົງ​ໄປ​ຕິດຕາມ​ລາຄາ​ສິນຄ້າ​ຕົວ​ຈິງ​ໃນ​ວັນ​ທີ 27 ທັນວາ​ນີ້ວ່າ: ປະ​ເພດພືດ​ຜັກ ບາງຊະນິດ​ມີ​ລາ​ຄາ​ສູງ​ຂຶ້ນ​​​ເປັນ​ຕົ້ນ ຫອມປ້ອມ, ຫອມລາບ, ຜັກ​ບົ້ງ, ໝາກ​ຖົ່ວ, ໝາກ​ເພັດ, ລາຄາ​ປະມານ 15-20 ພັນ​ກີບ/ກິ​ໂລ, ຈາກ​ເມື່ອ​ກ່ອນ​ປະມານ 8-10 ພັນ​ກີບ/ກິ​ໂລ, ​ໝາກ​ນາວ, ໝາກ​ແຕງ, ໝາກ​ເຂືອ, ຜັກ​ບົ່ວ, ຜັກກາດ, ກະ​ລ່ຳ​ ຍັງ​ມີ​ລາຄາ​ຄົງ​ທີ່​ປະມານ 5-8 ພັນ​ກີບ/ກິ​ໂລ​ເທົ່າ​ນັ້ນ. ຂະນະ​ດຽວ​ກັນ, ​ລາຄາ ຊີ້ນ-ປາ-ອາຫານ ກໍ​​ເຫັນ​ວ່າຍັງ​ຢູ່​ໃນ​ເກນ​ປົກກະຕິ ​ແລະ ຄວບ​ຄຸມ​ໄດ້, ​ໃນ​ນັ້ນ ປາ​ນິນກະຊັງ ​ແລະ ປາ​ນິນ​ໜອງ ລາຄາ 15-20 ພັນກີບ/ກິ​ໂລ, ຊີ້ນ​ງົວ 70-75 ພັນ​ກີບ/ກິ​ໂລ, ຊີ້ນ​ໝູ 30-35 ພັນ​ກີບ/ກິ​ໂລ.

​ແມ່​ຄ້າຂາຍ​ຜັກ​ຕະຫລາ​ດທົ່ງ​ຂັນ​ຄຳຜູ້​ໜຶ່ງ ​ໃຫ້​ຮູ້​ວ່າ: ລາຄາ​ສິນຄ້າ​ແພງ​ຂຶ້ນ, ເນື່ອງ ມາຈາກການຕອບສະໜອງບໍ່ພຽງພໍກັບຄວາມຕ້ອງການຂອງຕະຫລາດ ແລະ ຜູ້ບໍລິໂພກ ​ແລະ ສ່ວນ​ໜຶ່ງ​ກໍ​ເກີດ​ຈາກ​ແມ່​ຄ້າ​ຂຶ້ນ​ລາຄາ​ຕາມ​ລຳພັງ​ໃຈ, ​ໂດຍ​ບໍ່​ເກງ​ກົວ​ຕໍ່​ລະບຽບ​ຂອງ​ຈັດ​ສັນ​ຕະຫລາດ ກໍ​ຄື​ລັດຖະບານ​ວາງ​ອອກ​ແຕ່​ຢ່າງ​ໃດ. ​

ແນວ​ໃດ​ກໍ​ຕາມ ຢູ່ຕະຫລາດບ້ານເຮົາສ່ວນ​​ໃຫ​ຍ່ແມ່ນຍັງເພິ່ງພາການນຳເຂົ້າ ສິນຄ້ານັບແຕ່ໝາກໄມ້, ອາຫານທະເລ ແລະ ພືດຜັກຕ່າງໆ ຈາກຕ່າງປະເທດ, ຖ້າຂາດ ການນຳເຂົ້າສິນຄ້າປະເພດນີ້ ຈາກປະເທດໃກ້ຄຽງເມ່ືອໃດແລ້ວກໍຈະເຮັດໃຫ້ລາຄາມີ ການເໜັງຕີງ ​ແລະ ​ເພື່ອ​ເປັນ​ທາງອອກໃນການແກ້ໄຂບັນຫາລາຄາພືດຜັກແພງນັ້ນ, ກ່ອນອື່ນໝົດອຳນາດການປົກຄອງ ແລະ ພາກສ່ວນກ່ຽວຂ້ອງຕ້ອງໄດ້ປຸກລະດົມຊາວສວນໃຫ້ເອົາໃຈໃສ່ຕໍ່ ການປູກພືດລະດູແລ້ງ ແລະ ໃຫ້ຖືເປັນອາຊີບຕົ້ນຕໍສຳຄັນຂອງຂະແໜງປູກຝັງລ້ຽງ ສັດ ເພື່ອເຮັດໜ້າທີ່ປຸກລະດົມປະຊາຊົນເຂົ້າສູ່ການປະຕິບັດວຽກງານຕົວຈິງບວກໃສ່ການຕອບສະໜອງປັດໄຈສົ່ງເສີມການຜະລິດໃຫ້ພຽງພໍເຊັ່ນ: ເຄື່ອງມືການຜະລິດ, ຢາປາບສັດຕູພືດ ແລະ ສິ່ງສຳຄັນອື່ນໆ ເພື່ອສ້າງແຮງຈູງໃຈໃຫ້ຜູ້ຜະລິດນັບມື້ຫລາຍຂຶ້ນ.

- Wave100S AD to Website 2020 0 - ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ
- WhatsApp Image 2020 05 27 at 5 - ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ
- WhatsApp Image 2020 05 27 at 5 - ລາຄາຜັກບາງປະເພດຢູ່ທ້ອງຕະຫລາດມີທ່າອ່ຽງແພງຂຶ້ນ
error: Alert: ເນື້ອຫາຂ່າວມີລິຂະສິດ !!